മതിലുകളില്ലാതെ

ആരു ഭരിച്ചാലും!!!

2009-05-24T11:23:00.008+05:30

കഴിഞ്ഞ വര്‍ഷം നാട്ടില്‍ പോയപ്പോള്‍ കണ്ട കാഴ്ചയാണേയ് ഇത്. ആദ്യം ഇതിന്റെ ഡ്രൈവരോടും യാത്രക്കാരോടൂമൊക്കെ എന്തൊരമര്‍ഷമാണ് തോന്നിയത്?അടുത്ത നിമിഷം തന്നെ ഓര്‍മ്മകള്‍ വര്‍ഷങ്ങള്‍ കുറെ പുറകോട്ടു പോയി ഏതോ റോഡരുകില്‍ ചെന്നു നിന്നു.

വളരെ ചെറുപ്പത്തില്‍ അവധിക്കാലത്ത് അമ്മയുടെ വീട്ടില്‍ പോകുമ്പോഴാണ് ഇത്തരം അഭ്യാസങ്ങള്‍ ആദ്യമായി കണ്ടിട്ടുള്ളത്. അന്നത്തെ ഒരേയൊരു ജീവിതാഭിലാഷം ഒരിക്കെലെങ്കിലും ഇങ്ങനെ ജീപ്പില്‍ തൂങ്ങിക്കിടന്ന് യാത്ര ചെയ്യണമെന്നുള്ളതാരുന്നു. അതിതുവരെ സാധിച്ചിട്ടില്ലെങ്കിലും എന്റെ പ്രിയപ്പെട്ട വാഹനമായ ആനവണ്ടിയില്‍ എത്രയോ വട്ടം ചവിട്ടുപടിയില്‍ തൂങ്ങി യാത്ര ചെയ്തിരിക്കുന്നു? ഇന്നു കാറിനുള്ളില്‍ ഏസിയുടെ തണുപ്പില്‍ ഇരുന്ന് ഇതിലെ യാത്രക്കാരേയും, ഡ്രൈവറെയും, നിയമപാലകരേയുമൊക്കെ വിമര്‍ശിക്കാന്‍ എന്തു സുഖമാണ്.

അന്ന് 50 പേര്‍ക്ക് കയറാവുന്ന ബസ്സില്‍ 150 പേരെ കയറ്റിക്കൊണ്ടാണു വരുന്നതെങ്കിലും ഡ്രൈവര്‍മാര്‍ നിര്‍ത്തുമാരുന്നു. പ്രൈവറ്റ് ബസ്സല്ലാത്തതുകൊണ്ട് കളക്ഷന്‍ ഒക്കെ കൂട്ടി മുതലാളിയുടെ പ്രീതി സമ്പാദിക്കാനല്ലാരുന്നെന്നു വ്യക്തം. കോളേജ് സ്റ്റുഡെന്റ്സ് അല്ലേ ( ഞങ്ങള്‍ വളരെ മര്യാദാരാമന്മാരും രാമികളുമാരുന്നു :D) നിര്‍ത്തിയില്ലേല്‍ സമരം ചെയ്തു കല്ലെടുത്തെറിയുമെന്നു പേടിച്ചിട്ടുമല്ല. നമ്മുടെ മനസ്സ് വായിക്കാന്‍ അവര്‍ക്കാവുമായിരുന്നു. എവിടെയെങ്കിലും ഒരു കാലൊന്നു വയ്കാന്‍ ഇടം കിട്ടിയാല്‍ കയറി പോവുക എന്നേയുണ്ടായിരുന്നുള്ളൂ ആഗ്രഹം. ഇനി അപൂര്‍വമായി ഏതെങ്കിലും ഡ്രൈവര്‍ ഒരു ദിവസം നിര്‍ത്താതെ പോയാല്‍ അയാളെ ചവുട്ടിക്കൊല്ലാനുള്ള ദേഷ്യവും കാണും. ഇതുകൊണ്ടൊക്കെയാവണം എനിക്ക് അന്നും, ഇന്നും, എന്നും ഇഷ്ടം എന്റെ പാട്ടവണ്ടി തന്നെ.

അന്നത്തെ എന്റെ മാനസീകാവസ്ഥ തന്നെയായിരിക്കില്ലേ വര്‍ഷങ്ങള്‍ കഴിഞ്ഞെങ്കിലും ഈ ജീപ്പിലെ യാത്രക്കാര്‍ക്കും? അപ്പോള്‍ പിന്നെ എനിക്കെങ്ങനെ...???

പത്തു പതിനഞ്ചു കൊല്ലം കൂടിയൊക്കെ കഴിഞ്ഞാലും ഇതൊക്കെ ഇങ്ങനെ തന്നെയുണ്ടാവും അല്ലേ? പിള്ളാരും കൂടിയറിയട്ടെ നമ്മുടെ കാലത്തെ രസങ്ങള്‍.

ഇനിയിപ്പോ ചില ചോദ്യങ്ങളാവാം

മുകളില്‍ കാണുന്ന ജീപ്പില്‍ എത്ര യാത്രക്കാരുണ്ട്?
ഇനിയും എത്ര പേര്‍ക്കു കൂടി കയറാം?
ആ ചരുവത്തിനകത്ത് എത്ര പേര്‍ക്കിരിക്കാം?
അപ്പോള്‍ ആകെ മൊത്തം എത്രപേര്‍ക്ക് ഇതില്‍ യാത്ര ചെയ്യാം?

Al Hotta Cave, Oman

2008-05-31T11:18:00.021+05:30

ഒമാനിലെ പ്രധാന വിനോദസഞ്ചാര കേന്ദ്രങ്ങളിലൊന്നാണ് അല് ഹൊത്താ കേവ്(Al Hotta cave) ശരിയായ ഉച്ചാരണം ഇതുതന്നെയോ എന്നു നിശ്ചയമില്ല. അല് ഹോത്തി (al Hoti) എന്നും പറഞ്ഞു കേള്ക്കുന്നുണ്ട്. കഴിഞ്ഞ മാസം ഒമാനിലെ മറ്റൊരാകര്ഷണമായ ജബല് അക്തറില് പോകുന്ന വഴി ഇവിടെയും സന്ദര്ശിക്കാന് പറ്റി.

ഒമാന്റെ തലസ്ഥാനമായ മസ്കറ്റില് നിന്നും ഏകദേശം 200 കി.മി അകലെയാണ് ഈ ഗുഹ സ്ഥിതി ചെയ്യുന്നത്. മസ്കറ്റില് നിന്നും നിസ്‌വയിലെത്തി കഴിഞ്ഞാല്‍ Al Hotta Cave എന്നെഴുതിയിരിക്കുന്ന തവിട്ടു നിറത്തിലുള്ള സൈന് ബോര്ഡു നോക്കി വച്ചു പിടിച്ചാല് നേരെയവിടെത്തും.

അവിടെ ഓഫീസില്‍ നിന്നും നിന്നും, അഞ്ചര റിയാലിന്റെ ടിക്കറ്റ് എടുത്തു കഴിഞ്ഞാല് ഒമാനിലെ ആദ്യത്തെ ട്രെയിനില് കയറി ഒരു കിലോമീറ്ററോളം സഞ്ചരിച്ച് ഗുഹയുടെ പ്രവേശന കവാടത്തിലെത്താം. (ഞങ്ങള് ചെന്നപ്പോള് ട്രെയില് വര്ക്കുന്നില്ലാരുന്നു. അതുകൊണ്ട് പൊരി വെയിലത്ത് പിള്ളാരേം കൊണ്ടു നടന്നു പോവാനുള്ള ഭാഗ്യമുണ്ടായി :) )

ഗുഹയുടെ പ്രവേശന കവാടം

ക്യാമറ മുതലായ സംഗതികള് ഗുഹക്കുള്ളില് അനുവദനീയമല്ല. ഓരോ സംഘത്തിന്റെയും കൂടെ ഒരു ഗൈഡുമുണ്ടാവും. ട്രിപ്പു തുടങ്ങുന്നതിനു മുന്പും, അതിനിടയിലുമായി ഗുഹയെ കുറിച്ചുള്ള വിവരങ്ങള് അറബിയിലും ഇംഗ്ലീഷിലുമായി പറഞ്ഞു തരും.

ഏകദേശം 20 മില്യണ്‍ വര്ഷങ്ങള്‍ പഴക്കമാണ് അല്‍ ഹോതിക്ക് ഉള്ളതെന്ന് കണക്കാക്കപ്പെടുന്നു. താഴെയുള്ള ചിത്രങ്ങള്‍ വലുതാക്കി നോക്കിയാല്‍ എങ്ങനെയാണ് ഈ ഗുഹ ഉണ്ടായി വന്നതെന്നു മനസ്സിലാവും. അവിടെ തന്നെയുള്ള മ്യൂസിയത്തില്‍ പ്രദര്ശി്പ്പിച്ചിരിക്കുന്ന ടൈം മെഷീനില്‍ നിന്നും പകര്ത്തിയ ചിത്രങ്ങളാണ്.

ഒമാന്‍ ഗവണ്മെന്റ് 2006 ഡിസംബറിലാണ് പൊതുജനങ്ങള്ക്കായി ഇത് തുറന്നു കൊടുത്തത്. ഏകദേശം 5 കിലോമീറ്ററ് നീളമുള്ള് ഗുഹയുടെ 830 മീറ്റര്‍ മാത്രമാണ് സന്ദര്ശകര്ക്ക് കാണാനാവുക. മുകളിലേക്ക് കയറാന്‍ 225 പടികളാണ് ഉള്ളത്. പേടിക്കണ്ട, ഇടയ്ക്കിടയ്ക്ക് വിശ്രമിക്കാന്‍ ഇരിപ്പിടങ്ങള്‍ ഇട്ടിട്ടുണ്ട്. ഏറ്റവും മുകള്‍ ഭാഗത്തെത്തുമ്പോഴേക്കും നാം 65 അടിയോളം ഉയരത്തിലായിരിക്കും.

താഴേക്ക് ഇറങ്ങുന്ന വഴിയില്‍ ഒരു തടാകമുണ്ട്‌. ഇതിന് എണ്ണൂറ് അടിയോളം നീളവും പത്തു മീറ്ററിലധികം ആഴവുമുണ്ട്. അതിനുള്ളില്‍ ഇഷ്ടം പോലെ മത്സ്യങ്ങളുണ്ട്. മറ്റു ഗുഹകളിലുള്ള മത്സ്യങ്ങള്‍ക്കെന്ന പോലെ ഇവയ്ക്കും കണ്ണു കാണില്ല. കണ്ണുകള് ഇല്ലാത്ത ഇവയ്ക്ക് കണ്ണിന്റെ സ്ഥാനത്ത് ചൊറി വന്നു കരിഞ്ഞ പോലെ ( ചിരിക്കരുത്, അങ്ങനാ എനിക്കു തോന്നിയത്) ഒരു ചെറിയ പാടു മാത്രമേയുള്ളൂ. ഇവരുടെ പിതാമഹന്മാര്ക്ക് കണ്ണുകള്‍ ഉണ്ടായിരുന്നു. ഗുഹയ്ക്കുള്ളില്‍ പെട്ടു പോയതു കൊണ്ട് അതിനുള്ളിലെ ഇരുട്ടില്‍ കണ്ണു കൊണ്ട് പ്രത്യേകിച്ച് ഉപയോഗമില്ലാതിരിക്കുകയും ,അങ്ങനെ പല തലമുറകള്‍ കഴിഞ്ഞപ്പോഴേക്കും കണ്ണില്ലാത്ത മീനിലേക്ക് പരിണാമം സംഭവിച്ചുവെന്നുമാണ് ഒരു വാദം . എന്നാല്‍ ഇതിനെ ഖണ്ഡീക്കുന്ന മറ്റൊരു തിയറിയുമുണ്ട്.

യാദൃശ്ചികമായി മ്യൂട്ടേഷന്‍ മൂലം കണ്ണില്ലാത്ത ചില മീന്‍ കുഞ്ഞുങ്ങള്‍ ഉണ്ടായിരിക്കാം. കണ്ണുള്ളവയ്ക്ക് ഇരുട്ടത്ത് എവിടെയെങ്കിലുമൊക്കെ തട്ടി മുറിവുകളുണ്ടാവുകയും അങ്ങനെ മരണം സംഭവിക്കുകയും ചെയ്യം. അതുകൊണ്ട് കണ്ണുള്ളവയെ അപേക്ഷിച്ച് കണ്ണില്ലാത്തവയ്ക്ക് ജീവിച്ചിരിക്കാനുള്ള സാധ്യത കൂടുതലായിരുന്നു. അങ്ങനെ കാലക്രമേണ കണ്ണുള്ളവയുടെ എണ്ണം കുറയുകയും, കണ്ണില്ലാത്തവ പെരുകുകയും ചെയ്തിരിക്കാം. പുതിയ ചില പഠനങ്ങള്‍ അവയ്ക്ക് വെളിച്ചം, നിഴലുകള്‍ തുടങ്ങിയവ തിരിച്ചറിയാന്‍ കഴിയുന്നുണ്ട് എന്നു സൂചിപ്പിക്കുന്നു. എന്നാല്‍ ഇതേ സ്പീഷീസില്‍ പെട്ട, സൂര്യപ്രകാശമേല്ക്കുന്ന സ്ഥലങ്ങളില്‍ ജീവിച്ചു വരുന്നവയ്ക്ക് കണ്ണുകാണാം.

ഗുഹയോടനുബന്ധിച്ച് ഒരു മ്യൂസിയവും സ്ഥാപിച്ചിട്ടുണ്ട്. അവിടെ പല തരത്തിലുള്ള ഗുഹാവശിഷ്ടങ്ങളും മറ്റും സൂക്ഷിച്ചിട്ടുണ്ട്. പിന്നെ, ഒരു കാര്യം. വലിയൊരു rock salt അവിടിരിപ്പുണ്ട്. കൂടെയുണ്ടായിരുന്നവരില്‍ ഒരാള്‍ "കം വനജ, ടേസ്റ്റ് ഇറ്റ്“ എന്നു പറഞ്ഞപ്പോള്‍ ഒന്നും ആലോചിക്കാതെ ഞാനും ചെന്ന് തൊട്ടു നക്കി. മറ്റേ ആള്‍ വീണ്ടും വീണ്ടും തൊട്ടു നക്കുന്നതു കണ്ടപ്പോളാണ് ഇങ്ങനെ എത്ര പേര്‍ ചെയ്തിട്ടുണ്ടാവുമെന്നോര്‍ത്തത്. അതുകൊണ്ട് ഉപ്പുണ്ടോന്ന് നോക്കുന്നതിനു മുന്പ് ഒന്നാലോചിക്കുന്നതു നന്നായിരിക്കും.

ഗുഹകള്‍ ഉണ്ടാവുന്നതെങ്ങനെ?
വെള്ളം, തിരകള്‍ , ലാവ തുടങ്ങിയവയൊക്കെ ഗുഹകള്‍ ഉണ്ടാവാന്‍ കാരണമാവുന്നുണ്ടെങ്കിലും പ്രധാനമായും വെള്ളവും പാറകളിലുള്ള ലൈംസ്റ്റോണും തമ്മിലുള്ള പ്രവര്ത്തനഫലമായാണ് മിക്ക കേവ്സും (solutional caves) ഉണ്ടാവുന്നത്. മഴവെള്ളം പാറകളുടെ ചെറിയ വിടവുകളിലൂടേ ഒലിച്ചിറങ്ങുകയും പാറയുടെ ഉപരിതലത്തിലുള്ള ചെറുജീവികളുടെയും ചെടികളുടെയും അവശിഷ്ടങ്ങളില്‍ നിന്നും വരുന്ന കാര്ബണ്‍‌ഡൈ ഓക്സൈഡുമായി പ്രവര്ത്തിച്ച് കാര്‍ബോണിക് ആസിഡ് ഉണ്ടാവുകയും ചെയ്യുന്നു. അത് ലൈം സ്റ്റോണിലുള്ള കാത്സ്യം കാര്ബണേറ്റുമായി പ്രവര്‍ത്തിച്ച് കാത്സ്യം ബൈ കാര്ബണേറ്റ് ലായനി ഉണ്ടാവുന്നു. ഫലത്തില്‍, ഇത് ക്രമേണ ലൈം സ്റ്റോണിനെ അലിയിപ്പിക്കുകയും കാലാന്തരത്തില്‍ ഗുഹ രൂപം കൊള്ളുകയും ചെയ്യുന്നു. മഴ, കാര്‍ബണ്‍ ഡൈ ഓക്സൈഡ് വാതകം എന്നിവയുടെ അളവ്, വെള്ളത്തിന്റെ താപനില, മര്ദ്ദം എന്നിവയുടെ തോത് തുടങ്ങിയവയിലുള്ള ഏറ്റക്കുറച്ചിലുകളനുസരിച്ച് ഒരു ഗുഹ രൂപം കൊള്ളാനെടുക്കുന്ന സമയം വ്യത്യാസപ്പെട്ടിരിക്കുന്നു. താഴേക്ക് ഒലിച്ചു വരുന്ന ഈ ലായനി ഉറഞ്ഞ് പല പല രൂപങ്ങള്‍ ഉണ്ടാകുന്നു. അല്‍ ഹൂത്തയില്‍ ഗണപതിമാരേയും മഹാലക്ഷ്മിമാരേയും ഒക്കെ കണ്ടു. ശിവലിംഗങ്ങള്‍ എത്രയുണ്ടെന്ന് പറയുക വയ്യ.

സിംഹത്തിന്റെ രൂപം?

ഒമാനിലുള്ളവരെങ്കിലും സമയം കിട്ടുമ്പോള്‍ തീര്ച്ചയായും പോയി കാണേണ്ട സ്ഥലങ്ങളിലൊന്നാണിത്. പോകുന്നതിന് ഒരു ദിവസം മുന്‍‌കൂറായി ടിക്കറ്റ് റിസേര്‍‌വ് ചെയ്യണം. കൂടുതല്‍ വിവരങ്ങള്ക്ക് ഒഫീഷ്യല്‍ സൈറ്റില്‍ നോക്കിയാല്‍ മതി. http://www.alhottacave.com/

References
http://en.wikipedia.org/wiki/Cave
http://www.amazingcaves.com/learn_formed.html
http://seedmagazine.com/news/2007/01/of_cavefish_and_hedgehogs.php

കൂടുതല്‍ വായനയ്ക്ക്
http://news.nationalgeographic.com/news/2008/01/080108-cave-fish.html - Blind Cavefish Can Produce Sighted Offspring

http://www.pbs.org/wgbh/nova/caves/form_flash.html - മഴവെള്ളം, തിരമാലകള്, ലാവ, ബാക്ടീരിയ, തുടങ്ങിയവയൊക്കെ ഗുഹകള് ഉണ്ടാവാന് കാരണമാവുന്നുണ്ട്. ഇവിടെ അതിനെ കുറിച്ചുള്ള ഒരു ചെറിയ അനിമേഷന് കാണാം.

http://www.geocities.com/gvstevens/oman/hoti2000/hoti2trips.htm?20057- വായിച്ചു നോക്കൂ. തീര്‍ച്ചയായും ഇഷ്ടപ്പെടും.

കുറിപ്പ്‌- 9,11,12 ചിത്രങ്ങള്‍, അവിടെ നിന്നും വാങ്ങിയ പോസ്റ്റ് കാര്‍ഡ് വലിപ്പത്തിലുള്ള ചിത്രങ്ങള്‍ സ്കാന്‍ ചെയ്തതാണ്.

മരണാനന്തരം?

2008-05-06T21:59:00.009+05:30

ലിമിറ്റ് മലയാളഭാഷ റ്റെന്ഡ്സ് റ്റു മലയാള ബ്ലോഗ് ഓഫ് എനിതിങ്ങ് ഈസ് ഈക്ക്വല് റ്റു ചവര് എന്നു ചില കണക്കൊക്കെ കണ്ടു ബോദ്ധ്യമായതു കൊണ്ട് (കണക്കല്ലേ എല്ലാ ശാസ്ത്രങ്ങളുടെയും രാജ്ഞി,അപ്പോള് തെറ്റാനിടയില്ല!)വെറുതെ സമയം കളയാതെ പഴയ അച്ചടി മാദ്ധ്യമത്തിലേക്കും റ്റെലിവിഷനിലേക്കും മറ്റും തിരിച്ചു പോയി കുറച്ച് വെവരം സമ്പാദിച്ചോണ്ടിരിക്കുകയാരുന്നു കുറെ ദിവസങ്ങളായിട്ട്.കഴിഞ്ഞ രണ്ടു രണ്ടര കൊല്ലമായി പുസ്തകം, പത്രങ്ങള്‍ മുതലായവ കൈകൊണ്ടു തൊട്ടിട്ടില്ല.പണ്ട് എവിടെങ്കിലും പോയാല്‍ കൂടി അവിടു്ള്ളവരോടു പോലും സംസാരിക്കാതെ കാണുന്ന പത്രമോ മാസികകളോ ഒക്കെ എടുത്തു വായിച്ചോണ്ടിരിക്കുന്നതിന്‍ ഒരുപാട് വഴക്ക് കിട്ടീട്ടുണ്ട്. ടി വിയുടെ കാര്യം പറയുകയാണെങ്കില്‍ പണ്ട് ദൂരദര്‍ശന്‍ മാത്രം കിട്ടിക്കോണ്ടിരിക്കുന്ന കാലത്ത് ചിത്രഹാറും, ചിത്രഗീതവും,പിന്നെ ഉറക്കമിളച്ചിരുന്ന് ഹിന്ദി സിനിമകളുമൊക്കെ എത്ര കണ്ടിട്ടുള്ളതാ. ക്രിക്കറ്റാണെങ്കില്‍ ഒരു ബോളു പോലും മിസ്സാവാതെ ടെസ്റ്റെന്നോ വണ്‌ഡേ എന്നോ വ്യത്യാസമില്ലാതെ. ഒരു ദിവസം ന്യൂസ് കണ്ടില്ലെങ്കില്‍ പല്ലു തേയ്കാതെയും കുളിക്കാതെയും ഇരിക്കുന്ന പോലത്തെ ഫീലിംഗ് ആരുന്നു.ഇപ്പോ റ്റോം & ജെറി, ടെലിടബീസ് ഇവയൊക്കെ മാറി മാറി മൂന്നും നാലും ഷോ വച്ച് ഓടുന്നതുകൊണ്ട് അതുമില്ല. ദോഷം പറയരുതല്ലോ, കഴിഞ്ഞ വര്ഷം ഏതാണ്ടീ സമയത്ത് ഉള്ള സീഡീയെല്ലാം കൊണ്ടുകളയുമെന്ന് പിള്ളാരെ ഭീഷണിപെടുത്തി ആ ഇടിച്ചു നിരത്തല്‍ പരമ്പര കണ്ട് മൂന്നാലു ദിവസം കോള്‍മയിര്‍ കൊണ്ടിരുന്നു.

ഇപ്പോ ഒക്കെ ഒന്നു കാണാമെന്നു കരുതി ടീവി തുറന്നപ്പോള്‍ ഒരായിരം ചാനലുകള്‍. ഏതാ കാണണ്ടെന്ന് ഒരു പിടീമില്ല. IPL ഒക്കെ ഒരോവര്‍ പോലും തികച്ചു കാണാന്‍ വയ്യ. ബോറടി തന്നെ.

***************************************************
“ചപ്പാത്തി പരത്തുന്ന പോലെ പരത്തി പരത്തി എങ്ങോട്ടാ?”
“കുറച്ചൂടെ പരത്തിയെങ്കിലേ ടേസ്റ്റു വരൂ“
“ഏതാ ആട്ട?പില്‍‌സ്ബെറിയാണോ?”
“ഏതാണെന്നറിയില്ല,ഗോതമ്പല്ല,മൈദയാണെന്നു തോന്നുന്നു ”
“എന്നാ പിന്നെ എത്ര പരത്തീട്ടും കാര്യമില്ല.ഈ മൈദേന്നു പറയുന്ന സാധനം വെറും ചവറാ”
“അപ്പോള്‍ പരത്തലു നിര്ത്താ മല്ലേ”
“അതാ നല്ലത്”
****************************************************

ഇന്നലെ രാത്രി ഗാഢമായ പുസ്തക വായന നടത്തിക്കൊണ്ടിരിക്കുകയാരുന്നു. ടീവിയും പ്രവര്ത്തിച്ചോണ്ടിക്കുന്നു. പെട്ടെന്നാണ് മരണാനന്തരം എന്നോ മറ്റോ കേട്ടത്. നോക്കിയപ്പോള്‍ സൂര്യയില്‍ മരണത്തിന്റെ വക്കിലെത്തി വീണ്ടും തിരിച്ചു ജീവിതത്തിലേക്ക് വന്നവരുടെ പൊതുവായ അനുഭവങ്ങളെപറ്റി ഒരാള്‍ വിവരിക്കുന്നു(ഏതോ സൈക്കോളജി പ്രൊഫസര്‍ ആണെന്നു തോന്നുന്നു.ബുക്കില്‍ നിന്നും ടീവീലേക്ക് ഫൊക്കസ് ചെയ്തു വന്നപ്പോഴേക്കും എഴുതി കാണിച്ചത് മാഞ്ഞു പോയി). പറഞ്ഞതിന്റെ ചുരുക്കം മരണം എന്നു പറയുന്നത് നമ്മള്‍ കരുതുന്നതു പോലെ അത്ര ഭയപ്പെടേണ്ടതല്ലെന്നും, മറിച്ച് വളരെ പ്ലെസന്റായ ഒരു ഫീലിംഗ് ആണ് മിക്കവര്ക്കും ഉണ്ടായതെന്നുമാണ്. എല്ലാവരും തന്നെ ശക്തിമത്തായ ഒരു വെളിച്ചം കണ്ടത്തായും പറയുന്നു. ഇത്രയും കേട്ടതോടെ ഞാന്‍ ഹാപ്പിയായി. പകല്‍ മരിക്കാന്‍ ഒരു വിരോധവുമില്ലെങ്കിലും രാത്രി മരിക്കാന്‍ എനിക്കു ഭയങ്കര പേടിയാ. കാരണം ഇടിവെട്ടേറ്റവന്റെ തലയില്‍ പാമ്പു കടിച്ചെന്നു പറഞ്ഞ പോലെ , ഒന്നാമതെ പോകേണ്ട വഴിയറിയില്ല, അതിന്റെ കൂടെ രാത്രിയാണെങ്കില്‍ കണ്ണും കാണത്തില്ല. പിന്നെ എങ്ങോട്ടു പോകും?എതായാലും ഇതു കണ്ടതു വളരെ നന്നായെന്നു തോന്നി. ഇനിയിപ്പോ മരണം രാത്രിയായാലും പകലായാലും പേടിക്കണ്ടല്ലോ? സമാധനത്തോടെ പോയി ഉറങ്ങാന്‍ കിടന്നു.

രാവിലെ എണീറ്റിരുന്നു ഗൂഗിളില്‍ തപ്പാന്‍ തുടങ്ങി. എന്റമ്മോ എത്രായിരം ലിങ്കുകളാ. ഒരു ലിങ്കില്‍ (ഇനി ഇതിനെ ഖണ്ഡിക്കാന്‍ വേറേതെങ്കിലും ലിങ്കും കൊണ്ട് ആരേലും വന്നാ ഇപ്പോഴേ പറഞ്ഞേക്കാം, അതൊക്കെ പൊട്ട സൈറ്റുകളാ, ഈ ബ്ലോഗു പോലെ;)) ) ഇങ്ങനെ കണ്ടു.

Why do some people believe that NDEs are not real?

Although there are many answers to this multifaceted question, part of the controversy stems from the way science proves observed phenomena. "Science" is defined as the process used to find truth. Best Evidence, Schmicker, Michael, pg 37. "In contrast, 'Scientism' is a philosophy of materialism, masquerading as scientific truth. Paranormal research, has used the process of science to prove the existence of a variety of phenomena, that simply doesn't fit within Scientism's philosophy of
materialism. If evidence conflicts with philosophy, the evidence should not be
dismissed; instead, the philosophy should be revised."

ഇതു വായിച്ചിട്ട് എനിക്ക് ചില യുക്തിവാദ,പാരമ്പര്യവാദ, ആധുനികവാദ , ശാസ്ത്രീയവാദ വാഗ്വാദങ്ങളെ കുറിച്ചോര്ത്ത് ചിരി വന്നു. ഇപ്പറയുന്നവരൊക്കെ തമ്മില്‍ ഒരു തരത്തിലും യോജിപ്പില്ലെങ്കിലും എല്ലാവര്ക്കുംാ പൊതുവായ ഒരു കാര്യമുണ്ട്.അന്ധവിശ്വാസം.

അങ്ങനെ ലിങ്കകളില്‍ നിന്നും ലിങ്കുകളിലേക്ക് (ഇതെല്ലാം വായിച്ചു നോക്കിയോന്നോ? പിന്നെ, വേറെ പണിയില്ല) പൊയ്ക്കൊണ്ടിരുക്കുമ്പോളാണ്‍ ഇടിത്തീ പോലൊരു ലിങ്കു ഓപ്പണായി വന്നത്. അതില്‍ Rev. George Rodonaia എന്നൊരാള്‍ തന്റെ അനുഭവം ഇങ്ങനെ വിവരിക്കുന്നതായി പറയുന്നു.

The first thing I remember about my NDE is that I discovered myself in a realm
of total darkness. I had no physical pain, I was still somehow aware of my
existence as George, and all about me there was darkness, utter and complete
darkness - the greatest darkness ever, darker than any dark, blacker than any
black. This was what surrounded me and pressed upon me. I was horrified.

അപ്പുറത്ത് വെളിച്ചുമുണ്ട്. പക്ഷേ ഈ ബ്ലാക്ക് ഹോള്‍ ഒന്നു കടന്നു കിട്ടീട്ടു വേണ്ടെ അവിടെത്താന്‍? ഇങ്ങനൊരവസ്ഥയില്‍ പെട്ടാല്‍ പേടിച്ച് എന്റെ വെടി എപ്പോ തീര്ന്നെന്നു ചോദിച്ചാല്‍ മതി.

അതോടെ സേര്ച്ചും മതിയാക്കി എണീറ്റു. ഇന്നലത്തെ സന്തോഷമെല്ലാം ആവിയായ് പോയി. ഇങ്ങനൊരു കാര്യത്തെ കുറിച്ച് നേരത്തെ കേട്ടിട്ടുണ്ടാരിരുന്നെങ്കിലും അന്നൊന്നും സേര്ച്ചാന്‍ കമ്പൂട്ടറ് ഇല്ലാരുന്നു. ഇന്നിനി രാത്രിയില്‍ ഉറക്കം വരുമോ എന്തോ? ആ എന്തേലുമാവട്ടെ. പോയി പുസ്തക വായന തുടരട്ടെ...ഇന്നലെ 1980 ഒക്ടൊബര്‍ ലക്കം ബാലരമയുടെ 53-ആം പേജിലെ പന്ത്രണ്ടാമത്തെ വരിയാ വായിച്ചു നിര്ത്തിയത്.

പുതിയ ലോകത്തിലേക്ക്

2008-04-07T11:38:00.015+05:30

അങ്ങനെ ചന്തുവും സ്ക്കൂളില്‍ പോകാന്‍ തുടങ്ങി. അക്ഷരങ്ങളുടേയും, വരകളുടേയും, കൂട്ടുകാരുടെയും ഒരു പുതു ലോകം. അഗ്രജന്റെ പാച്ചുവിനെ പോലെ അവനും കാത്തിരിക്കുകയായിരുന്നു ഏപ്രില്‍ 2 ആവാന്‍. രാവിലെ 9 മണിക്കായിരുന്നു ഇന്റെര്‍വ്യൂ(?). രാവിലെ 7.30 ന് എന്തോ തട്ടലും മുട്ടലും കേട്ട് ഉണര്‍ന്നു നോക്കിയപ്പോള്‍ ചേച്ചി സ്കൂളില്‍ പോവാന്‍ റെഡിയായി നില്‍ക്കുന്നു. എനിക്കും പോണമെന്നു പറഞ്ഞ് നിലവിളിച്ച് ബാഗും കൈയ്യിലെടുത്ത് കാറില്‍ കയറിയിരുന്നു.

ചേച്ചിയെ കൊണ്ടു വിട്ടിട്ട് തിരിച്ചു വന്ന് കുളിച്ച് കുട്ടപ്പനായി വീണ്ടും സ്ക്കൂളിലേക്ക്.

ഞാന്‍ റെഡി.

ഈ അച്ഛനും അമ്മയ്ക്കും കൃത്യനിഷ്ഠ തീരെയില്ല. സമയമായി കേട്ടൊ? ഞാന്‍ പോവാ.

ശ്ശെടാ, ഈ ക്ലാസ്സെവിടാ ഗോകര്‍ണ്ണത്താണോ കൊണ്ടു വച്ചേക്കുന്നത്?

ആദ്യ ദിവസത്തെ ഉത്സാഹം ഇപ്പോഴില്ല.

സ്കൂളിലോട്ടാണെങ്കില്‍ ഞാനില്ല.

കാരണം ഇതാണ്.

അമ്മയും കൂടി എന്താണ് സ്ക്കൂളില്‍ വരാത്തതെന്ന അവന്റെ ചോദ്യം ന്യായം.
ഇതൊക്കെയാണെങ്കിലും ക്ലാസിനകത്തു കയറിയാല്‍ ആള്‍ ജെന്റില്‍മെന്‍ എന്ന് ടീച്ചറുടെ സാക്‌ഷ്യം.

ഇവിടെ രാവിലെ 8 മുതല്‍ ഉച്ചയ്ക്ക് 2 വരെ വീട് ശൂന്യം.

ജീവിക്കുന്നത് ആര്‍ക്കുവേണ്ടി?

2008-03-30T20:35:00.006+05:30

ജീവിക്കുന്നത് മക്കള്‍ക്കു വേണ്ടിയെന്നു മാതാപിതാക്കള്‍. ഭാര്യക്കു വേണ്ടിയെന്നു ഭര്‍ത്താവ്, ഭര്‍ത്താവിനു വേണ്ടിയെന്നു ഭാര്യ. സഹോദരങ്ങള്‍ക്കു വേണ്ടിയും സുഹൃത്തുക്കള്‍ക്കു വേണ്ടിയുമെന്നും കരുതുന്നവരുണ്ട്. മറ്റുള്ളവര്‍ക്കൊരു ജോലിയാകുമല്ലോ എന്നു കരുതി മാത്രം ബിസിനസ്സ് ചെയ്തു ജീവിക്കുന്നവരുമുണ്ട്.

എന്നാണോ എന്തോ എനിക്ക് മറ്റുള്ളവര്‍ക്കു വേണ്ടി ജീവിക്കാന്‍ തോന്നുക? എനിക്ക് ഒരുപാടു പേരെ ഇഷ്ടമാണ്. മാതാപിതാക്കളെ, കുട്ടികളെ, ജീവിതപങ്കാളിയെ, സഹോദരിയെ, കൂട്ടുകാരെ അങ്ങനെ ഒരുപാടുപേരെ. പക്ഷേ ഇവരാരുമില്ലെങ്കിലും ഞാന്‍ ജീവിതമവസാനിപ്പിക്കാനൊന്നും പോവുന്നില്ല. ജീവിക്കുക തന്നെ ചെയ്യും.

വിശന്നു വലഞ്ഞു വരുന്ന ഒരാള്‍ക്ക് ഒരു നേരത്തെ ഭക്ഷണം കൊടുക്കുമ്പോള്‍ പോലും എനിക്ക് മാനസീകമായ ഒരു സംതൃപ്തി ലഭിക്കുന്നുണ്ട്. അങ്ങനെയൊന്നില്ലെങ്കില്‍ ഞാന്‍ അതുപോലും ചെയ്യുമോ?

ആ, ആര്‍ക്കറിയാം??

നാളെ വിധിനിര്‍ണ്ണായക ദിനം

2008-03-18T22:20:00.004+05:30

ഒന്‍പത് വര്‍ഷം മുന്‍പാണ്. പഠനവും കഴിഞ്ഞ് വിവാഹവും കഴിച്ച് പാസ്പോര്‍ട്ടിനും അപ്ലെ ചെയ്ത് വീട്ടില്‍ ചുമ്മാതെ നില്‍ക്കുന്ന സമയം. പാസ്പോര്‍ട്ടും വിസയുമൊക്കെ കിട്ടി ഒമാനിലേക്ക് വരുന്നതിനു മുന്‍പ് ഡ്രൈവിംഗ് പഠിച്ച് പറ്റുമെങ്കില്‍ ലൈസന്‍സും എടുത്തു വയ്ക്കാന്‍ ഭര്‍ത്താവ് ഉപദേശിച്ചു. ഞാനാണെങ്കില്‍ എന്തെങ്കിലും ഒരു വിദ്യ പഠിക്കാന്‍ കിട്ടാഞ്ഞ് വേഴാമ്പലിനെ പോലെ കാത്തിരിക്കുന്ന സ്മയവും. പിറ്റേന്നു തന്നെ നാട്ടിലെ ഏറ്റവും മിടുക്കനായ ഡ്രൈവിംഗ് മാഷിനെ കണ്ടു സംസാരിച്ച് അടുത്ത ദിവസം മുതല്‍ പഠനം തുടങ്ങാനുള്ള ഏര്‍പ്പാടാക്കി. വെളുപ്പിനെ 6 മണി മുതല്‍ 7 മണി വരെയാണ് സമയം. സുന്ദര സ്വപ്നങ്ങളും കണ്ടു കൊണ്ടുള്ള രാവിലത്തെ ഉറക്കം നഷ്ടപ്പെടുത്തുന്നതില്‍ അല്പം നിരാശയുണ്ടായിരുന്നെങ്കിലും തനിയെ ഡ്രൈവ് ചെയ്തു പോകുന്ന സുഖം ഓര്‍ത്തപ്പോള്‍ ഉത്സാഹത്തോടെ പഠനമാരംഭിച്ചു.

അഭിവന്ദ്യ ഗുരു പഠനത്തിനായി കൊണ്ടു വന്ന റ്റീച്ചിംഗ് എയ്ഡിന് എന്നേക്കാള്‍ പ്രായമുണ്ടായിരുന്നു. ജാംബവാന്റെ കാലത്തെ ഒരു അംബാസിഡര്‍ കാര്‍. അതിന്റെ വളയമൊന്നു തിരിച്ചെടുക്കാനും ക്ലച്ച് , ബ്രേക്ക്, അക്സിലറേറ്റര്‍ എന്നീ കാര്യങ്ങള്‍ ഒന്നു ചവുട്ടിയെടുക്കാനും പെട്ട പാട്. എന്തായാലും ക്രമേണ സ്റ്റീയറിങ് ബാലന്‍സൊക്കെ ആയി. ഏകദേശം ഒരു മാസം കഴിഞ്ഞു. (ഒരു മാസത്തില്‍ പകുതി ദിവസമേ ക്ലാസ്സ് ഉണ്ടായിരുന്നുള്ളൂ) പതിവ് ക്ലാ‍സ് കഴിഞ്ഞിട്ട് വീടിനടുത്തെത്തിയപ്പോള്‍ എന്നോട് പറഞ്ഞു വണ്ടീന്നിറങ്ങാന്‍. ഞാന്‍ ഇറങ്ങി. മാഷും ഇറങ്ങി. പിന്നെ മാഷ് സ്റ്റീയറിംഗ് സീറ്റിലിരുന്നു. എന്നോട് അപ്പുറത്തെ സീറ്റില്‍ കയറാന്‍ പറഞു. ഞാന്‍ കയറി. എന്നിട്ട് റിവേര്‍സ് ഗിയര്‍ ഇട്ടിട്ട് വളയം ഇടത്തോട്ട് തിരിച്ചു കൊണ്ടു പറഞ്ഞു “ഇങ്ങനെ ചെയ്താല്‍ വണ്ടി ഇടത്തോട്ടു പോകും.” ഇതു പോലെ സ്റ്റീയറിങ് വലത്തോട്ടു തിരിച്ചാല്‍ വണ്ടി വലത്തോട്ടു പോകും. ഇത്രയും പറഞ്ഞിട്ട് വീണ്ടും പറഞ്ഞു. “മോളിറങ്ങിക്കേ” ഞാന്‍ ഇറങ്ങി. “ങാ, ഇനി വീട്ടി പൊയ്ക്കോ. ഇത്രേയുള്ളൂ ഡ്രൈവിംഗ്“.

ഹോ! സമാധാനമായി. ഇത്രേയുണ്ടാരുന്നുള്ളൊ കാര്യം. അടുത്ത ആഴ്ചയില്‍ പോയി ടെസ്റ്റും പാസായി വണ്ടിയുമോടിച്ചു കൊണ്ടു നടക്കുന്നതു സ്വപ്നവും കണ്ടു ഞാന്‍ വീട്ടിലേക്കു നടന്നു.

രണ്ടു ദിവസം കഴിഞ്ഞപ്പോള്‍ “വിസ ശരിയായി, പിറ്റേന്നു തന്നെ പുറപ്പെട്ടോളൂ“ എന്നു പറഞ്ഞ് ഫോണ്‍ എത്തി. അങ്ങനെ നാട്ടിലെ ഡ്രൈവിംഗ് ലൈസന്‍സ് എടുക്കുക എന്ന സ്വപ്നത്തിന് തിരശീല വീണു.

ഇവിടെ വന്ന് ഡ്രൈവിംഗ് പഠിക്കണം പഠിക്കണം എന്നു ഇടക്കിടെ വിചാരിച്ചു കൊണ്ടിരുന്നെങ്കിലും രണ്ടു വര്‍ഷം മുന്‍പാണ് പറ്റിയ ഒരു ഗുരുവിനെ ഒരു സുഹൃത്തു മുഖേന കണ്ടു മുട്ടുന്നതും പഠനം ആരംഭിക്കുന്നതും. ഒമാനിയായ ഡ്രൈവര്‍ വന്നു. ഞാന്‍ കയറിയിരുന്നു. എന്തോ ഒന്നു പറഞ്ഞു. വേറൊന്നും പറയാനുള്ള ചാന്‍സില്ലാത്തതു കൊണ്ട് ഓടിക്കാന്‍ തന്നെയാവും എന്നൂഹിച്ചു. പഴയ ഓര്‍മ്മ വച്ച് ക്ലച്ചൊക്കെ ചവുട്ടി ഫസ്റ്റ് ഗിയറിട്ട് അക്സിലറേറ്ററില്‍ സര്‍വശക്തിയുമെടുത്ത് ആഞ്ഞൊരു ചവുട്ട്. വണ്ടി മുയലു ചാടും പോലെ തണ്ടക്കം മുണ്ടക്കം തുള്ളി തുള്ളി ഒറ്റപ്പോക്ക്‌. പുതിയ ടീചിംഗ് എയ്ഡ് കുറച്ചു കൂടി സോഫ്റ്റായി കൈകാര്യം ചെയ്യാനുള്ളതാണെന്നു മനസ്സിലായി. പിന്നെ, അക്സിലേറ്ററില്‍ ചവുട്ടാന്‍ തന്നെ പേടിയായി. ഒമാനി ഗുരു പെട്രോള്‍, പെട്രോള്‍ എന്നു ഇടക്കിടെ പറഞ്ഞുകൊണ്ടിരുന്നു. പെട്രോള്‍ തീര്‍ന്നെങ്കില്‍ പമ്പില്‍ പോകേണ്ടതിനു പകരം ഇയാള്‍ ഇവിടിരുന്നു അലറി വിളിക്കുന്നതെന്തിനാണെന്ന് അറബിയില്‍ ചോദിക്കണമെന്നുണ്ടായിരുന്നെങ്കിലും അത് മലയാളത്തില്‍ തര്‍ജ്ജിമ ചെയ്ത് മനസ്സില്‍ മാത്രം വിചാരിച്ച് ഞാന്‍ സമാധാനമടഞ്ഞു. കുറെ കഴിഞ്ഞാണ് ബെറ്റ്രൂള്‍ (പെട്രോള്‍ എന്നാണ് എനിക്ക് തിരിഞ്ഞത്) എന്നു വച്ചാല്‍ ആക്സിലേറ്ററാണെന്നു പിടികിട്ടിയത്.

ഞങ്ങളു തമ്മില്‍ ഭാഷാപരമായ പൊരുത്തം തീരെയില്ലാരുന്നു. റൈറ്റിലേക്കു പോകണമെങ്കില്‍ മാഷ് ലെഫ്റ്റ് എന്നു പറയും. വണ്ടി ലെഫ്റ്റിലേക്കു പോകും. മാഷ് പല്ലുകടിച്ച് വീണ്ടും അലറും. ലെഫ്ഫ്ഫ്………റ്റ്. ദാ വണ്ടി പിന്നേം ലെഫ്റ്റിലേക്കു തന്നെ. ക്ഷമ കെട്ട് അംഗ്രേസി മാഫി മാലും എന്നു ചോദിക്കും. മനുഷ്യന് കൈ തന്നിരിക്കുന്നത് ഡ്രൈവ് ചെയ്യാനും ഭക്ഷണം കഴിക്കാനും മാത്രമല്ല, ഇത്തരം അവശ്യ ഘട്ടങ്ങളില്‍ ആശയവിനിയയം നടത്താനും കൂടിയാണെന്ന് എങ്ങനെ പറഞ്ഞു മനസ്സിലാക്കണമെന്നറിയാതെ ഞാനും വിഷമിച്ചു.

ആദ്യ ഒരാഴ്ച കൃത്യമായി എത്തിക്കൊണ്ടിരുന്ന മാഷ് പിന്നെ ആഴ്ചയില്‍ ഒരു ദിവസമൊക്കെയാക്കി വരവ്. ഒരു മാസം കഴിഞ്ഞ് ഞങ്ങള്‍ നാട്ടില്‍ പോവുകയും ചെയ്തു. തിരിച്ച് വന്ന് ഒരു ആറു മാസം കഴിഞ്ഞാണ് പഠനം പുനരാരംഭിച്ചത്. അയാളുടെ അമറലും ദേഷ്യപ്പെടലുമൊക്കെ മുറപോലെ നടന്നു. ഇതിനിടയിക്ക് ദേഷ്യപ്പെടലൊക്കെ കഴിഞ്ഞ് ഒരു പ്രത്യേക വാക്ക് അയാള്‍ ധാരാളമായി ഉപയോഗിക്കുന്നതായി ഞാന്‍ എന്റെ ബുദ്ധിയുപയോഗിച്ച് മനസ്സിലാക്കി. ദേഷ്യം വന്നപ്പോള്‍ എന്തൊക്കെയോ പറഞ്ഞു പോയെങ്കിലും പിന്നെ വിഷമം തോന്നി സോറി പറയുന്നതായിരിക്കും എന്നു കരുതി. അപ്പോഴൊക്കെ ഞാന്‍ മാഷെ നോക്കി ഒന്നു ചിരിക്കും. എങ്കിലും ആ വാക്കിന്റ യഥാര്‍ത്ഥ അര്‍ത്ഥം എന്താണെന്നറിയാനുള്ള ഒരു കൌതുകം എന്നില്‍ ഉണ്ടായി. ഒരു ദിവസം വളരെ പാടുപെട്ട് ആ വാക്ക് കാണാതെ പഠിച്ചു കൊണ്ടു വന്ന് വീട്ടില്‍ ചോദിച്ചു. ഉത്തരവും കിട്ടി.

“മന്ദബുദ്ധി.”

“ എന്താ നീയിപ്പോള്‍ ഇതു ചോദിക്കാന്‍ കാരണം?” എന്ന ഭര്‍ത്താവിന്റെ മറുചോദ്യത്തിന് മറുപടി പറയാനുള്ള ശക്തി എനിക്കില്ലായിരുന്നു.

ക്രമേണ അയാള്‍ വരാതെയായി. സി. എ റാങ്കിലുള്ള ഒരു പോലീസ് ഉദ്യോഗസ്ഥനെ കൊണ്ട് വിളിപ്പിച്ചിട്ടും പിന്നെ അയാള്‍ വന്നില്ല. ഒരു മന്ദബുദ്ധിയെ പഠിപ്പിക്കുന്നതിലും ഭേദം ജയില്‍ വാസമാണെന്ന് അയാള്‍ കരുതിയിട്ടുണ്ടാവും. ആ വകയില്‍ 130 റിയാല്‍ പോയിക്കിട്ടി.

അയല്‍‌വാസിയായ ഒരു ഒമാനി സ്ത്രീയാണ് രണ്ടാഴ്ച മുന്‍പ്‌ മൂന്നാമതൊരു ഗുരുവിനെ ഏര്‍പ്പാടാക്കി തന്നത്. ഒന്നില്‍ പിഴച്ചാല്‍ മൂന്നില്‍ കൊള്ളും എന്ന ആപ്തവാക്യം ഞാന്‍ അനുസ്മരിച്ചു. (പുരുഷ ഡ്രൈവര്‍ എന്നു കേട്ടപ്പോള്‍ ഈ രണ്ടു സന്ദര്‍ഭങ്ങളിലും ഒരു പക്ഷേ അറബികളെ കുറിച്ച് കേട്ടിട്ടുള്ള അറിവുകള്‍ വച്ചാവാം വീട്ടുകാര്‍ക്ക് കുറച്ച് ആശങ്കകള്‍ ഉണ്ടായിരുന്നു. ഒരു കാര്യം പറയട്ടെ. ഞാന്‍ ഇവിടെ വന്നിട്ട് 9 വര്‍ഷത്തോളമാവുന്നു. പുറത്തിറങ്ങിയാല്‍ തുറിച്ചു നോട്ടമോ മറ്റ് പെരുമാറ്റങ്ങളൊ ഒന്നും എനിക്ക് ഇതുവരെയും നേരിടേണ്ടി വന്നിട്ടില്ല. എനിക്കറിയാവുന്ന മറ്റു സുഹൃത്തുക്കള്‍ക്കും അങ്ങനെ തന്നെ. )

ആദ്യ ദിവസം കഴിഞ്ഞപ്പോള്‍ ബീവിയെ ഒരു മാസം അറബി പഠിപ്പിക്കൂ. അതു കഴിഞ്ഞാവാം പഠനം എന്നുപുതിയ മാഷ് പറഞ്ഞു. ആദ്യം തന്നെ അറിയാവുന്ന ഇംഗ്ലീഷ് വച്ച് ക്ലച്ച്, ബ്രേക്ക്, അക്സിലറേറ്റര്‍ എന്നിവ ഏതൊക്കെയെന്നും എന്തിനൊക്കെ ഉപയോഗിക്കുന്നുവെന്നും പറഞ്ഞു മനസ്സിലാക്കി തന്നു. താന്‍ വിചാരിക്കുന്നതു പോലെ വിശദീകരിച്ചു തരാന്‍ ഭാഷ തടസ്സമാവുന്നതു കൊണ്ടാണ് അറബി പഠിപ്പിക്കാന്‍ പറഞ്ഞത്. ആത്മാര്‍ഥതയുള്ള ഒരു ഗുരുവിനെ കിട്ടിയതില്‍ ഞാന്‍ സന്തോഷിച്ചു. എന്തായാലും ഒമാനി സ്ത്രീ ഇടപെട്ട് പഠനം തുടരാന്‍ പറഞ്ഞു. സിഗ്നേച്ചറുകളൊക്കെ (സിഗ്നല്‍ എന്നും പറയാം) പറയാതെ തന്നെ ഇടുന്നതു കണ്ട് പുതിയ ഗുരു ഹിരാകുഡ് ഹിരാകുഡ് (വെരി ഗുഡ്) എന്നു പറഞ്ഞ് എന്നെ പ്രോത്സാഹിപ്പിച്ചു കൊണ്ടിരുന്നു. പക്ഷേ മന്ദബുദ്ധി അനുഭവം വച്ച് ആദ്യമൊക്കെ ഇതു കേട്ടിട്ടും യാതൊരു ഭാവഭേദവും പ്രകടിപ്പിക്കാതെ ഇരുന്നു. അങ്ങനെ സ്റ്റീയറിംഗ് ബാലന്‍സും, ഡ്രമ്മും ഒക്കെ വളരെ ഭംഗിയായി പൂര്‍ത്തിയാക്കി.

മൂന്നു ദിവസം മുന്‍പാണ് സ്ലോപ്പ് എടുക്കാന്‍ തുടങ്ങിയത്. ആദ്യം രണ്ടുമൂന്നു തവണ ചുമ്മാ കയറിയിറങ്ങാന്‍ പറഞ്ഞു. ഹാ! എന്തെളുപ്പം. എന്തു രസം . സുഖവും ദുഃഖവും ഡ്രൈവിംഗ് പഠനത്തിന്റെ രണ്ടു വശങ്ങളാണെന്നോര്‍ക്കാതെ അമിതമായി ആഹ്ലാദിച്ചദിന്റെ ഫലം എനിക്കു കിട്ടി. കയറ്റത്തു കൊണ്ടുപോയി വണ്ടി നിര്‍ത്തിയിട്ട് വീണ്ടും എടുക്കണമെന്നുള്ള കാര്യം സത്യമായിട്ടും എനിക്ക് അറിയില്ലാരുന്നു. എന്നെക്കൊണ്ട് എത്ര ശ്രമിച്ചിട്ടും പറ്റുന്നില്ല. മാഷ് പല തവണ ഓടിച്ചു കാണിച്ചു തന്നു. നൊ രക്ഷ. അപ്പോള്‍ അവിടെയുണ്ടാരുന്ന വേറൊരു മാഷ് ഇംഗ്ലീഷ് മാലൂം എന്നു ചോദിച്ചു. ഞാന്‍ മാലൂം എന്നു പറഞ്ഞു. എന്നാ പിന്നെ ഞാന്‍ ഇപ്പോ ശരിയാക്കിത്തരാം എന്നു പറഞ്ഞ് അടുത്തു വന്ന് (ആ വരവു കണ്ടപ്പോള്‍ എനിക്കങനാ തോന്നിയത്) ചറപറാ കുറെ അറബി. ഞാന്‍ വായും പൊളിച്ച് ഇരുന്നു പോയി. പിന്നെ വേറൊരു ഹിന്ദി (ഇന്‍ഡ്യാക്കാരെ പൊതുവെ ഹിന്ദി എന്നാണ് അവര്‍ വിളിക്കുന്നത്) സ്റ്റുഡെന്റിനെ വിട്ടു പറയിപ്പിച്ചു. പാവം മാഷ്. എനിക്ക് അറബി പിന്നേം മനസ്സിലാകുമെന്ന് അറിയില്ലല്ലോ.

ഒന്നുകില്‍ കളരിക്കു പുറത്ത് അല്ലെങ്കില്‍ ആശാന്റെ നെഞ്ചത്ത് എന്ന പോലെയാണ് കാര്യങ്ങള്‍. ഒന്നുകില്‍ അക്സിലറേറ്റര്‍ തീരെ കൊടുക്കില്ല .വണ്ടി നിന്നു പോകും. അല്ലെങ്കില്‍ ഒറ്റച്ചവിട്ട്. കിര്‍ കിര്‍ന്ന് ഇരപ്പിച്ചോണ്ടു പോകും. അതുമല്ലെങ്കില്‍ ഹാന്‍ഡ്ബ്രേക്ക് താഴ്ത്താതെ കൈയില്‍ പിടിച്ചോണ്ടിരിക്കും. കഴിഞ്ഞ മൂന്നു ദിവസമായി ഈ വിക്രിയകള്‍ തുടരുന്നു. യാതൊരു പുരോഗതിയുമില്ലെന്നു മാത്രമല്ല, കീഴോട്ടാണ് ഗ്രാഫ്. ഇത്രയുമായിട്ടും ദേഷ്യം എന്നു പറയുന്ന ഒരു സാധനം മാഷ്ക്കു വന്നിട്ടില്ല. സ്വന്തം തലയില്‍ ചൂണ്ടിക്കോണ്ട് കമ്പുട്ടര്‍ മാഫി (തന്റെ വീട്ടില്‍ കമ്പൂട്ടറില്ല ) എന്നു മാത്രമാണ് പറഞ്ഞത്. (ആലങ്കാരികമായി മന്ദബുദ്ധി എന്നു തന്നെയാണ് വിളിച്ചത് എന്നു തോന്നുന്നുവെങ്കില്‍ അത് വായനക്കാരുടെ മനസ്സ് നന്നാവാത്തതിന്റെ കുഴപ്പമാണ്. )

കയറ്റത്തു കൊണ്ടു പോയി ക്ലച്ച്, ബ്രേക്ക് എന്നിവ ചവുട്ടി വണ്ടി നിര്‍ത്തുക. അതിനുശേഷം ഹാന്‍ഡ്ബ്രേക്കിടുക. ഇടത്തെ കൈ സ്റ്റീയറിംഗില്‍ പിടിക്കുക, ഇടതുകാല്‍ ക്ലച്ചില്‍ ചവിട്ടുക. വലതുകാല്‍ കൊണ്ട് അക്സിലറേറ്റര്‍ കൊടുക്കുക. ക്ലച്ച് ചെറുതായി റിലീസ് ചെയ്യുക, വണ്ടി ചെറുതായി മൂവ് ചെയ്തു തുടങ്ങുമ്പോള്‍ വലതു കൈ കൊണ്ട് ഹാന്‍ഡ്ബ്രേക്ക് താഴ്ത്തുക. ക്ലച്ച്, അക്സിലറേറ്റര്‍ ഇവ അഡ്ജസ്റ്റ് ചെയ്ത് മുന്നോട്ടു പോവുക. ഇത്രയും കാര്യങ്ങളാണ് ചെയ്യേണ്ടതെന്ന് അറിയാം. പക്ഷേ ഇവ കൃത്യമായി വേര്‍തിരിച്ച് അതാതു സമയത്ത് ചെയ്യാനുള്ള എന്റെ തലച്ചോറിന്റെ കഴിവില്ലായ്മയാണോ പ്രശ്നം ?

നാളെ രക്ഷകര്‍ത്താവിനെ വിളിച്ചുകൊണ്ടു ചെല്ലണമെന്നു വാണിംഗ് തന്നു വിട്ടിരിക്കുകയാണ്. ഇത് ലോകത്തിലെ തന്നെ ഏതൊരു ഡ്രൈവിംഗ് സ്കൂളിന്റെയും ചരിത്രത്തിലെ ആദ്യ സംഭവമാകും. അതില്‍ ഭാഗഭാക്കാകുവാന്‍ കഴിഞ്ഞതില്‍ എനിക്ക് അതിയായ സന്തോഷമുണ്ടെകിലും നാളെ എന്തെങ്കിലുമൊന്നു സംഭവിക്കുമല്ലോ എന്നോര്‍ക്കുമ്പോള്‍ ദുഃഖവുമുണ്ട്. കാരണം നാളെ അവര്‍ എന്തെങ്കിലുമൊന്നു തീരുമാനിക്കും. അല്ലെങ്കില്‍ മാഷിനെ രക്ഷിക്കാന്‍ എനിക്കു തീരുമാനിക്കേണ്ടി വരും.

ഇത്രയും ആത്മാര്‍ഥമായി ഒരറിവും നേടാന്‍ ഞാന്‍ ആഗ്രഹിച്ചിട്ടില്ല. എന്നിട്ടും…

അമ്മമാരും അവരുടെ വേവലാതികളും

2008-01-28T12:26:00.002+05:30

അമ്മമാര്‍ക്ക് മക്കളെ കുറിച്ചോര്‍ത്തുള്ള ആകുലതകള്‍ പല വിധത്തിലാണ്. അവരുടെ ജീവന്‍ ഉള്ളില്‍ തുടിക്കുന്നതു മുതല്‍ എത്ര വലുതായാലും കാണും ഓരോരോ വേവലാതികള്‍.

രണ്ടു കുട്ടികളുണ്ടായപ്പോളും ഓരോ തവണയും പരിശോധനക്ക് പോവുന്നത് നെഞ്ചിടിപ്പോടെയായിരുന്നു. ഡോക്ടര്‍ കുഴപ്പമൊന്നുമില്ല എന്നു പറയുന്നതു വരെ ഒരു സമാധാനമില്ല. മോളുണ്ടായപ്പോള്‍ ഭര്‍ത്താവിന് ചില ജോലി തിരക്കുകള്‍ കാരണം നാട്ടില്‍ വരാന്‍ പറ്റിയിരുന്നില്ല. മോള്‍ക്കാണെങ്കില്‍ മിക്ക ദിവസങ്ങളിലും ഓരോരോ പ്രശ്നങ്ങള്‍. പാലു കുടിച്ചില്ലെങ്കില്‍ പ്രശ്നം, ചെറിയ ചൂടു തോന്നിയാല്‍ പ്രശ്നം,. അപ്പിയിട്ടില്ലെങ്കില്‍ പ്രശ്നം, അപ്പിയിട്ടാല്‍ അതിന്റെ കളറു മാറിയാല്‍ പ്രശ്നം, എന്നു വേണ്ട, ഒരു ദിവസം കുറച്ച് കൂടുതല്‍ കരഞ്ഞാല്‍ വരെ പ്രശ്നങ്ങളാണ്. ഒരാഴ്ചയില്‍ കുറഞ്ഞത് അഞ്ചു ദിവസമെങ്കിലും ആശുപത്രിയില്‍ കൊണ്ടു പോകും. മൂന്നു പ്രാവശ്യം വരെ കൊണ്ടു പോയ ദിവസങ്ങളുണ്ട്. അതും മുപ്പതു കിലോമീറ്ററോളം ദൂരമുണ്ടെന്നോര്‍ക്കണം ആശുപതിയിലേക്ക്. കൊണ്ടുപോയി കൊണ്ടുപോയി അച്ഛണ്ടേയും നോക്കി നോക്കി ഡോക്ടര്‍മാരുടേയും അടപ്പിളകി. എന്തായാലും ഒരു ദിവസം അവര്‍ അവിടെ അഡ്മിറ്റാക്കി. നാലുമാസം പ്രായമായ കുഞ്ഞിന്റെ കൈയ്യില്‍ കുത്തി ചോരയുമെടുത്തു, പരിശോധിക്കാന്‍. അഞ്ചാമത്തെ ദിവസം റൌണ്‍സിനു വന്നപ്പോള്‍ ഡോക്ടര്‍ പറഞ്ഞു ഇന്ന് ഡിസ്ചാര്‍ജാവാമെന്ന്. അതുവരെ ഒരു മരുന്നും കൊടുക്കാതിരുന്ന ഡോക്ടര്‍ ചികിത്സയും പറഞ്ഞു തന്നു. ഭര്‍ത്താവിനോട് എത്രയും പെട്ടെന്ന് വരാന്‍ പറയൂ. കുഞ്ഞിന്‍ ഒരു കുഴപ്പവുമില്ല, അമ്മയ്കാണ് പ്രശ്നം!

എന്തായാലും കുഞ്ഞിന്റെ അച്ഛന്‍ വന്നു കഴിഞ്ഞ് പ്രത്യേകിച്ച് കുഴപ്പങ്ങളോന്നുമില്ലാതിരുന്നപ്പോള്‍ ഞാനും കരുതി ചികിത്സ ഫലിച്ചതായിരിക്കുമെന്ന്. എന്തെകിലും വന്നു പോയാല്‍ ഒറ്റയ്ക്കല്ലേ എന്ന ചിന്തയായിരിക്കാം പ്രശ്നക്കാരന്‍ എന്നു വിചാരിച്ചു.പക്ഷേ രണ്ടാമത് മോനുണ്ടായപ്പോളും ഇതു തന്നെ ആവര്‍ത്തിച്ചപ്പോള്‍ രോഗം അതല്ലായിരുന്നുവെന്നു മനസ്സിലായി. നേരത്തെ ചില ആധികള്‍ മാത്രമാണുണ്ടായിരുന്നതെങ്കില്‍ പിന്നീട് യാതൊരു കൂസലുമില്ലാതെ ഒരാള്‍ അടുത്തിരിക്കുന്നതു കാണുമ്പോള്‍ ദേഷ്യവും കൂടി വരാന്‍ തുടങ്ങി.

കുറച്ചു നാള്‍ മുന്‍പ് ഒരു സ്കൂള്‍ ബസ്സ് അപകടത്തില്‍ പെട്ടുവെന്നറിഞ്ഞ് കുറെനേരം ഒന്നും മിണ്ടാനാവാതെ ഇരുന്നു പോയി. ഉരുണ്ടുകൂടിയ കണ്ണുനീരിനുള്ളിലൂടെ ചെറുതും വലുതുമായ ഒരുപാടു കുട്ടികളുടെ മുഖങ്ങള്‍ കണ്ടു. എല്ലാ കുട്ടികള്‍ക്കും മോളുടെ മുഖം..

കഴിഞ്ഞ രണ്ടാഴ്ച്ചക്കുള്ളില്‍ ഞാന്‍ കണ്ട ചില അമ്മമാരും അവരുടെ ചില മാനസികവ്യാപാരങ്ങളും ഇവിടെ പങ്കുവയ്ക്കുന്നു.

അമ്മ നം. 1. രണ്ടാമത്തെ കുട്ടിക്ക് ആറുമാസം പ്രായം. കാലിലും മുഖത്തും തൊലി വരണ്ടിട്ട് (ഇവിടെ ഇപ്പോള്‍ നല്ല തണുപ്പാണേ ) ചുമക്കുകയും ചെറുതായി അവിടവിടെ പൊട്ടുകയും ചെയ്യുന്നു. ഓയിലോ ക്രീമുകളോ കൊണ്ടുള്ള ചില അഭ്യാസങ്ങള്‍ മാറി മാറി അവനില്‍ പരീക്ഷിക്കുന്നുണ്ട്. അവന്‍ വലുതായാല്‍ പെണ്ണുകിട്ടുമോ എന്നുള്ള വിഷമത്തിലാണ്.

അമ്മ നം 2. രണ്ടാമത്തെ കുട്ടിക്ക് ഒന്നര മാസം. ജോലിക്ക് പോകേണ്ടതുകൊണ്ട് കുഞ്ഞിനെ നാട്ടില്‍ ഏല്‍പ്പിച്ച് തിരികെ വന്നിരിക്കുന്നു.

അമ്മ നം. 3. മൂന്നു മാസം ഗര്‍ഭിണി. മാസം അന്‍പതിയിരം രൂപയോളം മാസവരുമാനമുള്ള ജോലിയുണ്ട്. ആള്‍ സാമാന്യം നല്ലൊരു പിശുക്കിയും. എന്നിട്ടും കുട്ടിയുണ്ടായാല്‍ അതിനെ നന്നായി നോക്കാന്‍ പറ്റിയില്ലെങ്കിലോ എന്ന ചിന്തയാല്‍ ജോലി രാജി വയ്കാന്‍ ആലോചിക്കുന്നു.

അമ്മ നം. 4. ആദ്യത്തെ കുട്ടിക്ക് ഒന്നര വയസ്സയപ്പോള്‍ വീണ്ടും ഗര്‍ഭിണിയായി. രണ്ടു കുട്ടികളേയും ഒന്നിച്ചു നോക്കാനുള്ള പ്രയാസമോര്‍ത്ത് അത് വേണ്ട എന്നു വച്ചു.

അമ്മ നം. 5. മൂന്നര വസസ്സുള്ള ഒരു കുട്ടിയുണ്ട്. ഇപ്പോള്‍ വീണ്ടും പ്രെഗ്‌നന്റാണെന്ന് അറിഞ്ഞത് ചിക്കന്‍പോക്സുമായി കഴിയുമ്പോള്‍. കൂടെ ഫൈബ്രോയിഡും U.T.I യും. അതിന്റെ കൂടെ കഴിഞ്ഞ ദിവസം ബ്ലീഡിങ്ങും ആയി ആശുപത്രിയില്‍ കിടക്കേണ്ടി വന്നു. ഈ ബുദ്ധിമുട്ടുകള്‍ക്കിടയിലും ഇത്രയും റിസ്ക് എടുക്കണോ എന്ന ചോദ്യങ്ങള്‍ക്കു മുന്നില്‍ പതറുന്നില്ല. “ഡോക്ടര്‍ വേണ്ടാ എന്നു പറയാതെ ഞാന്‍ ഒന്നും ചെയ്യില്ല. ഇനി എന്തെകിലും കുഴപ്പമുണ്ടെങ്കിലും ഞാന്‍ അങ്ങു വളര്‍ത്തും. “ എന്ന ശക്തമായ തീരുമാനത്തിലാണ്.

ഇതൊക്കെ ചെറിയ കുട്ടികളുള്ള അമ്മമാരുടെ വികാരങ്ങള്‍.
ഇനി മക്കള്‍ വലുതായാലോ?

കഴിഞ്ഞ ദിവസം ഒരമ്മയുടെ കഥ കേട്ടു. മകന്‍ കല്യാണം കഴിച്ചു കഴിഞ്ഞ് ഭാര്യയുമായി പുറത്തിറങ്ങിയാല്‍ അപ്പോ തലകറക്കം വരും. അഭിനയമൊന്നുമല്ല, മോന്‍ കൈവിട്ടു പോകുമോ എന്ന് ആധി കൊണ്ട് പ്രഷറു കൂടി ശരിക്കും തലകറക്കം വരുന്നതാണ്. അവര്‍ക്ക് ഒരു മകളുമുണ്ട്. പക്ഷേ മകള്‍ ഭര്‍ത്താവുമൊന്നിച്ച് പോയാല്‍ ഒരു കുഴപ്പവുമൊട്ടില്ല താനും.

“My son is my son till he hath got him a wife; my daughter is my daughter all days of her life.”

എന്നു പറയുന്നതില്‍ ചില കാര്യമില്ലാതില്ല. പക്ഷേ ഇവിടെ മകന്‍ അങ്ങനെയായാല്‍ കുറ്റക്കാര്‍ മകനോ മരുമകളോ അല്ല, മറിച്ച് അമ്മമാര്‍ തന്നെയാണ്. ഒരമ്മയ്ക്ക് മകളോടുള്ളത് ഉപാധികളില്ലാത്ത സ്നേഹമാണ്. അതുകൊണ്ട് മകള്‍ ഭര്‍ത്താവുമൊത്ത് സുഖമായി കഴിയണമെന്നാഗ്രഹിക്കുന്നു. മകനോടുള്ള സ്നേഹത്തില്‍ സ്വന്തം സ്വാര്‍ഥതയ്ക്കാണ് പലപ്പോഴും മുന്‍‌തൂക്കം. മകന്‍ തന്നേക്കാള്‍ കൂടുതല്‍ ഭാര്യയെ സ്നേഹിച്ചുകളയുമോ എന്ന ചിന്ത അസൂയയിലേക്കും കുശുമ്പിലേക്കുമൊക്കെ വഴി മാറുന്നു. അതു മറ്റു പല പ്രശ്നങ്ങളിലേക്കും.

മകളെ സ്നേഹിക്കുന്നതു പോലെ എന്റെ മകനേയും സ്നേഹിക്കാന്‍ കഴിയണേ എന്നു മാത്രമാണ് പ്രാര്‍ഥന.

എല്ലാ കുഞ്ഞുങ്ങളും ഓടി വരൂ. ഇതാ പായസം. ആരും വഴക്കുണ്ടാക്കാതെ എടുത്തു കുടിക്കണം.

വീണ്ടും ചില ബ്ലോഗുകാര്യങ്ങള്‍

2008-01-10T21:35:00.000+05:30

ഒരല്‍പ്പം ബ്ലോഗുകാര്യം എന്ന പോസ്റ്റിലിട്ട കമന്റ് ഇവിടെ പോസ്റ്റുന്നു.

ഈ ബ്ലോഗില് ഏറ്റവുമധികം ഹിറ്റുകള് ലഭിച്ച പോസ്റ്റുകളില് ഒന്നായിരുന്നു ഇത്. ഹിറ്റുകളുടെ എണ്ണവും കമന്റുകളുടെ എണ്ണവും തമ്മിലുള്ള ശരാശരി അനുപാതം വച്ചു നോക്കിയാല് ഏറ്റവും കുറച്ച് കമന്റുകള് ലഭിച്ച പോസ്റ്റും ഇതു തന്നെ.

കുറച്ചു ദിവസമായി സുഖമില്ലാതിരുന്നതിനാല് മറ്റു ചില ജോലികള് ചെയ്യാതിരിക്കുകയും അങ്ങനെ കൂടുതല് സമയം മലയാളം ബ്ലോഗുകള് വായിക്കാന് ലഭിക്കുകയും ചെയ്തു. അല്ലെങ്കില് ഒരു പക്ഷേ ഞാന് കാണാതെ പോകുമായിരുന്ന, കുട്ടിച്ചാത്തന്റേയും അഗ്രജന്റേയും മേല് പറഞ്ഞ പോസ്റ്റുകളും അവയില് വന്ന ചില കമന്റുകളുമാണ് ഇങ്ങനെയൊരു പോസ്റ്റിടാന് പ്രേരിപ്പിച്ചത്.

ആര്ക്കും എന്തിനെ കുറിച്ചും എന്തു വേണമെങ്കിലും (സമൂഹത്തിന്റെ ചിട്ടവട്ടത്തിനുള്ളില് നിന്നുകൊണ്ട്. അല്ലേല് ചിലപ്പോള് വിവരമറിയും. )പറയാവുന്ന, പങ്കുവയ്ക്കാവുന്ന, ചോദിക്കാവുന്ന, ഒരു സ്വതന്ത്ര മാധ്യമമാണ് ബ്ലോഗ് എന്നാണ് ഞാന് മനസ്സിലാക്കുന്നത്. അതുകൊന്ടു തന്നെ യഥാര്ത്ഥ ബ്ലോഗ്, അയാഥാര്ത്ഥ ബ്ലോഗ് എന്നൊന്നില്ല. വെറും ഓണ്‍ലൈന്‍ ഡയറി എന്ന നിലയില് തുടങ്ങിയ ബ്ലോഗ് ഇന്ന് ആസ്റ്റ്രേലിയക്കാരന് ദാരനെ പോലെ പണമുണ്ടാക്കാനുള്ള ഉപാധിയായും അദ്ധ്യാപകര് തങ്ങളുടെ വിദ്യാര്ത്ഥികള്ക്ക് അസൈന്റ്മെന്റുകള് കൊടുക്കാനും വരെ ഉപയോഗിക്കുന്നുന്റ്. വെബ്സൈറ്റുകളുടെ ഉടമകള്ക്ക് തങ്ങളുടെ സൈറ്റിലേക്ക് കൂടുതല് വിസിറ്റേര്സിനെ ആകര്ഷിക്കാനുള്ള ഒരു മാര്ഗ്ഗം കൂടിയാണ് ബ്ലോഗ്. (മിക്ക സൈറ്റുകളിലും blog എന്ന ഒരു ലിങ്ക് കാണാവുന്നതാണ്. ) കാരണം വിസിറ്റേര്സുമായി സംവദിക്കുവാനുള്ള ബ്ലോഗുകളുടെ പ്രത്യേകത കൊണ്ട് ഒരു സാദാ സൈറ്റിനേക്കാളും കൂടുതല് ആള്ക്കാരെ influence ചെയ്യാന് ബ്ലോഗുകള്ക്ക് കഴിയും. വെബ്സൈറ്റില് അച്ചടി ഭാഷ ഉപയോഗിക്കുമ്പോള് ബ്ലോഗുകളില് വാ മൊഴി ഭാഷയാണ്` കൂടുതലും ഉപയോഗിച്ചു കാണുന്നത്. കാരണം ഇവിടെ ബ്ലോഗ് ചെയ്യുന്നയാള് അയാള്ക്ക് പറയാനുള്ളത് തന്റെ ഓഡിയന്സിനോട് പറയുകയാണ് ചെയ്യുന്നത്. (എഴുത്തും ബ്ലോഗിങ്ങും തമ്മില്‍ പ്രത്യേകിച്ച് ബന്ധമൊന്നുമില്ല. അതുകൊണ്ട് തന്നെ എഴുത്തിന്റ് ക്വാളിറ്റിയാണ് ബ്ലോഗിന്റെ ക്വാളിറ്റി എന്നു കരുതുക വയ്യ.) അതുതന്നെയാണ് സാധാരണ സൈറ്റുകളും ബ്ലോഗുകളും തമ്മിലുള്ള വ്യത്യാസവും. അപ്പോള് പറഞ്ഞു വന്നത്, ഓരോരുത്തരും ഓരോരോ ആവശ്യങ്ങള്ക്കായി ബ്ലോഗ് ഉപയോഗിക്കുന്നു. ബ്ലോഗിന് പൊതുവായ ഒരു ഒബ്ജെക്റ്റീവ് ഉണ്ടെന്നു തോന്നുന്നില്ല. അതേ സമയം ഓരോ ബ്ലോഗിനും അതിന്റേതായ ലക്ഷ്യവും ഉദ്ദേശ്യവും ഉണ്ടു താനും. ഒരു കവിതാ ബ്ലോഗിന്റെയും, ഒരു പേര്സണല് ബ്ലോഗിന്റേയും ഉദ്ദേശ്യം ആയിരിക്കില്ല ഒരു സയന്സ് ബ്ലോഗിനുള്ളത്. അതുകൊണ്ട് ഇതിലേതെങ്കിലുമൊന്ന് ബ്ലോഗല്ലാതാവുന്നുമില്ല.

മലയാളം ബ്ലോഗിങ്ങിലേക്ക് വരുന്നതിനു മുന്പ് മറ്റു ചില കണക്കുകള് നോക്കാം.ഈ പോസ്റ്റും അതില് വന്ന കമന്റുകളും കമ്പുട്ടര് ഉപയോഗിക്കുന്ന മലയാളികളെ കുറിച്ചുള്ള എന്റെ ധാരണ എത്രമാത്രം തെറ്റായിരുന്നു എന്നു കാണിക്കുന്നു. അതിനെ തുടര്ന്ന് സേര്ച്ചു ചെയ്തപ്പോള് കിട്ടിയ ചില വിവരങ്ങള് ഇവിടെയുണ്ട്. ലോകത്ത് ഇന്റെര്നെറ്റ് ഉപയോഗിക്കുന്നവരില് ഇന്ഡ്യക്ക് അഞ്ചാം സ്ഥാനം ഉണ്ടെങ്കിലും ജനസംഖ്യാനുപാതികമായി (അതാതു രാജ്യങ്ങളിലെ) നോക്കിയാല് ഇന്ഡ്യയുടെ സ്ഥാനം വളരെ താഴെയാണ്.

ആസ്റ്റ്രേലിയക്കാരില് 71.9% പേരും (സാജോ..), അമേരിക്കയില് 69.7% പേരും ക്യാനഡയില് 67.8% പേരും ഇന്റെര്നെറ്റ് ഉപയോഗിക്കുമ്പോള് ഇന്ഡ്യാക്കാരില് 3.7% പേര് മാത്രമാണ് ഇന്റെര്നെറ്റ് ഉപയോഗിക്കുന്നത്. (ബ്ലോഗ് ചെയ്യുന്നവരില് കൂടുതല് പ്രവാസികളായത് എന്തുകൊണ്ടെന്ന് വ്യക്തമായല്ലോ?) അതില് തന്നെ നല്ലൊരു ശതമാനവും വെറും ഇമെയിലും ചാറ്റിങ്ങുമായിരിക്കും നടത്തുന്നതെന്ന് അനുമാനിക്കാം.

ആസ്റ്റ്രേലിയക്കാരനായ അല്ലന് ( ഒരു ഉദാഹരണം മാത്രം) 1998 മുതല് തന്നെ ഇന്റെര്നെറ്റിന്റെ അപാരമായ സാധ്യതകള് കണ്ടെത്തുകയും തന്റെ ജീവിത വരുമാനത്തിനുള്ള മാര്ഗ്ഗമായി അതിനെ ഉപയോഗപ്പെടുത്തുകയും ചെയ്തുകൊണ്ടിരിക്കുന്നു. പത്തു കൊല്ലത്തിനു ശേഷം പോലും നമ്മുടെ അപ്പര് ക്ലാസ്സ് (?) ആള്ക്കാര്ക്കു പോലും ഇന്റെര്നെറ്റ് എന്തെന്നോ ഇമെയില് എന്തെന്നോ പോലും വലിയ പിടിപാടില്ല.

ഈയൊരവസ്ഥയില്‍ നിന്നു കൊണ്ടു വേണം മലയാളം ബ്ലോഗിങ്ങിനെ പറ്റി ചിന്തിക്കുവാന്. മലയാളത്തില് ബ്ലോഗ് ചെയ്യുന്നവരുടെ എണ്ണം (അതോ ബ്ലോഗുകളുടെ എണ്ണമോ) ആയിരമോ രണ്ടായിരമോ വരുമെന്നു കേള്ക്കുന്നു. ഈ കഴിഞ്ഞ വര്ഷം നല്ലൊരു ശതമാനം വര്ദ്ധനവാണ് ഉണ്ടായതെന്നു പറയുന്നു. ഇവരില് നല്ലൊരു ശതമാനവും സാധാരണക്കാരായ ആള്ക്കാരാണ്. ഇതുപോലെയുള്ള ഡോക്റ്റര്മാര് വരെയുള്ളിടത്താണ് ഇവര് നര്മ്മത്തില് പൊതിഞ്ഞ, വീട്ടുകാര്യമോ നാട്ടുകാര്യമോ ഓര്മ്മക്കുറിപ്പുകളോ അല്ലെങ്കില് തങ്ങളുടെ കുഞ്ഞു മൊബൈല് ഫോണ് വച്ചെടുത്ത ഫോട്ടോകളോ ഒക്കെ തങ്ങള്ക്കാവും വിധം ബ്ലോഗുന്നത്. ഇപ്പോള് മലയാളം ബ്ലോഗിങ്ങിനെ കുറിച്ച് ആരെങ്കിലുമൊക്കെ അറിയുവാനും മറ്റു മാധ്യമങ്ങളില് ചര്ച്ച ചെയ്യപ്പെടാനും കൂടുതല് കൂടുതല് ആളുകള് ഈ മാധ്യമത്തിലേക്ക് കടന്നു വരാന് ഇടയായതും ഇത്തരം ബ്ലോഗുകള്‍ കാരണമാണ്; അല്ലാതെ ഏതെങ്കിലും ആശയ സമ്പുഷ്ടവും അറിവു പകര്ന്നു കൊടുക്കുന്നതുമായ ഘനഗംഭീര (കുട്ടിചാത്തനോട് കടപ്പാട്) ബ്ലോഗുകള് കാരണമല്ല.

ഒരു ബ്ലോഗെന്നു പറയുമ്പോള്‍ അതിന് ഇന്നയിന്ന ഗുണങ്ങള് ഉണ്ടായിരിക്കണമെന്ന് ശഠിക്കുക , അല്ലെങ്കില് ഇന്നയിന്ന ഗുണങ്ങള് ഉണ്ടായാലേ അത് ബ്ലോഗാവൂ എന്നും പറയുക വയ്യ. ഓരോ ബ്ലോഗിന്റേയും ഉദ്ദേശ്യവും ലക്ഷ്യവും വ്യത്യസ്സ്തമാണെന്നിരിക്കെ ഒന്ന് മറ്റൊന്നിനേക്കാള് മികച്ചതെന്നു കരുതാനും വയ്യ. ഓരോ ബ്ലോഗിനും അതിന്റേതായ ഒരു ഓഡിയന്സും അവിടെ അവരുടേതായ ഇന്റെറാക്ഷനും സംവേദനവും ഒക്കെ നടക്കുന്നുണ്ട്. അതുകൊണ്ടു തന്നെയാണ്` ബ്ലോഗ് ഒരു സ്വതന്ത്ര മാധ്യമമെന്നറിയപ്പെടുന്നതും.

നമുക്ക് കൂടുതല് കൂടുതല് വിഷയങ്ങളെ പറ്റിയുള്ള , കൂടുതല് കൂടുതല് അറിവു പകര്ന്നു തരുന്ന കൂടുതല് കൂടുതല് വൈവിധ്യമാര്ന്ന ബ്ലോഗുകള് തീര്ച്ചയായും വേണം . അതു പക്ഷേ ഒരിക്കലും മറ്റു ബ്ലോഗുകളെ താഴ്ത്തിക്കെട്ടിക്കൊണ്ടോ തള്ളിപ്പറഞ്ഞുകൊണ്ടോ ആവരുത്. ഇന്നത്തെ നിലയില് അത്തരം പ്രവണതകള് മലയാള ബ്ലോഗിങ്ങിന് ദോഷമേ ചെയ്യൂ. അമേരിക്കക്കാരോ, ആസ്റ്റ്രേലിയക്കാരോ എഴുതുന്ന ബ്ലോഗുകളുമായി നമ്മുടെ ബ്ലോഗുകളെ ഇപ്പോള്‍ താരതമ്യപ്പെടുത്തുന്നത് ശരിയല്ല. നമുക്ക് പടികള് ഓരോന്നായി ചവുട്ടി കയറാം, സാവധാനം. വന്ന പടികള് മറക്കാതെ.

ഇത്രയും പറയാന് കാരണം ചവര് പോസ്റ്റുകള് , വീട്ടുകാര്യവും നാട്ടുകാര്യവും എന്നൊക്കെയുള്ള ചില പരിഹാസങ്ങള് ചിലയിടങ്ങളില് കണ്ടതു കൊണ്ടാണ്. അതിലെ പുച്ഛരസം എന്നില് വേദനയുണ്ടാക്കി. (ഇനിയിപ്പോള് എന്റെ ബ്ലോഗ് അത്തരത്തിലുള്ളതാണെന്ന് കരുതിയാണെന്ന് പറയരുതേ.) എനിക്ക് കൂടുതല് താല്പര്യവും വേറൊരു ഒബ്ജെക്റ്റീവുമുള്ള മറ്റൊരു ബ്ലോഗുള്ളതു കൊണ്ട് ഈ ബ്ലോഗില് ഞാന് കൂടുതല് ആക്റ്റീവോ റെഗുലറായി പോസ്റ്റിടൂകയോ ചെയ്യാറില്ല. സമയക്കുറവു മൂലം മലയാള ബ്ലോഗ് വായനയും കുറവാണ്. പക്ഷേ അങ്ങനെയല്ലാത്ത, സ്ഥിരമായി, നര്മ്മത്തില് പൊതിഞ്ഞ വീട്ടുകാര്യവും ഓര്മ്മക്കുറുപ്പുകളും ബ്ലോഗ് ചെയ്യുകയും, വായിക്കുകയും ചെയ്യുന്ന വലിയൊരു വിഭാഗം ബ്ലോഗേര്സ് ഇവിടെയുണ്ട്. അവരാണ് (തല്ക്കാലത്തേക്കെങ്കിലും) മലയാള ബ്ലോഗിന്റെ ജീവന്.

ഒരല്‍പ്പം ബ്ലോഗുകാര്യം

2008-01-07T18:00:00.000+05:30

ബൂലോക താരോദയം 2007 , സൂപ്പര്‍ ബ്ലോഗര്‍ 2007 എന്നീ പോസ്റ്റുകളില്‍ ചൂടുപിടിച്ച ചര്‍ച്ച നടന്നു കൊണ്ടിരിക്കുകയാണല്ലോ? ഇവിടങ്ങളില്‍ നടന്നു കൊണ്ടിരിക്കുന്ന ചര്‍ച്ചകളില്‍ എല്ലാവരും ശരിയായ ഒരു അവാര്‍ഡ് ജേതാവിനെ കണ്ടെത്താനാവാതെ നട്ടം തിരിയുന്ന കാഴ്ചയാണ് കാണാന്‍ കഴിയുന്നത്. ഇതിനൊരന്തവും കുന്തവുമില്ലേ കൂട്ടുകാരെ?ഈ അവസരത്തില്‍ എനിക്കു പറയാനുള്ള ഒന്നു രണ്ടു കാര്യങ്ങള്‍ പറഞ്ഞു കൊള്ളട്ടെ..

ബ്ലോഗിംഗ് എന്നാല്‍ എന്ത്? അതിന്റെ ഉദ്ദേശവും ലക്ഷ്യവും എന്ത് മുതലായ കാര്യങ്ങളില്‍ വ്യക്തമായ ഒരു ധാരണ, (ഒരു പക്ഷേ താരതമ്യേന പുതിയ ഒരു മാധ്യമമായതിനാലാവും) മിക്കവര്‍ക്കും ഇല്ല, അല്ലെങ്കില്‍ പലരും ധരിച്ചു വച്ചിരിക്കുന്നതല്ല യഥാര്‍ത്ഥ ബ്ലോഗിങ്ങ് എന്ന് ചിലരെങ്കിലും അഭിപ്രായപ്പെട്ടു കണ്ടു. അതില്‍ ചില കാര്യമില്ലാതില്ലേ എന്ന ചിന്താകുഴപ്പം എന്നേയും ബാധിച്ചു തുടങ്ങിയിരിക്കുന്നു. മനസമാധാനത്തോടെ ഉറങ്ങികൊണ്ടിരുന്ന എനിക്ക് ഉറക്കം നഷ്ടപ്പെട്ട കരാള രാത്രികളാണ് കടന്നു പൊയ്ക്കൊണ്ടിരിക്കുന്നത്. അതുകൊണ്ടു തന്നെ ഇതിനൊരുത്തരം കണ്ടെത്തേണ്ടത് വ്യക്തിപരമായ ഒരാവശ്യം കൂടിയായി തീര്‍ന്നിരിക്കുന്നു.

ഗൂഗിളിലും മറ്റും തപ്പി ചില ലിങ്കുകളിലൊക്കെ ചെന്നു നോക്കിയെങ്കിലും ഒന്നും തൃപ്തികരമായി തോന്നിയില്ല. ഈ വിഷയത്തെ പറ്റി നേരത്തെ ഒരു പോസ്റ്റോ ചര്‍ച്ചയോ നടന്നിട്ടുണ്ടോ എന്നറിയില്ല. ഉണ്ടെങ്കില്‍ ദയവായി ആ ലിങ്ക് ഒന്നെടുത്തു തരൂ. ഇല്ലെങ്കില്‍ ഇക്കാര്യത്തില്‍ താല്പര്യവും അറിവുമുള്ളവര്‍ സമഗ്രമായ, അവാര്‍ഡു പടം പോലല്ലാതെ മനുഷ്യനു മനസ്സിലാവുന്ന ഭാഷയില്‍ ഒരു പോസ്റ്റിടൂ. അങ്ങനെ ബ്ലോഗിംഗ് എന്ന കരകാണാ കടലലയില്‍ മുങ്ങിത്തപ്പി അന്തം വിട്ട് കുന്തം വിഴിങ്ങിയിരിക്കുന്ന എന്നെ പോലുള്ള അനേകായിരങ്ങളെ രക്ഷിക്കാന്‍ ആരെങ്കിലും മുന്നോട്ടു കടന്നു വരൂ. (ബ്ലോഗവാര്‍ഡ് കിട്ടിയില്ലെങ്കിലും ഈ വര്‍ഷത്തെ സാഹിത്യത്തിനുള്ള നോബല്‍ സമ്മാനം ഈ എനിക്കു തന്നെ.) അവാര്‍ഡു സിനിമ മാത്രം എടുക്കുന്ന സംവിധായകരെ പോലെ ഇനി അവാര്‍ഡിനായി മാത്രം ബ്ലോഗുന്നവരുണ്ടെങ്കില്‍ അവര്‍ക്കും പ്രയോജനപ്പെടുമല്ലോ? നമുക്കോ പറ്റിയതു പറ്റി. ഇനി വരുന്നവര്‍ക്കെങ്കിലും ഈ അബദ്ധം പറ്റാതിരിക്കാന്‍ ഒന്നുമല്ലെങ്കിലും ബ്ലോഗിന്റെ സൈഡ് ബാറില്‍ തൂക്കിയിടുകയെങ്കിലും ചെയ്യാമല്ലോ?

ഇത്തരുണത്തില്‍ ബ്ലോഗവാര്‍ഡിനെ കുറിച്ചും രണ്ടു വാക്കു പറയാതെ പോകുന്നതു ശരിയല്ലല്ലൊ?
ബ്ലോഗവാര്‍ഡ് വേണോ വേണ്ടയോ എന്നുള്ളത് ആദ്യം തീരുമാനിക്കണം.

വേണ്ടെങ്കില്‍ പ്രശ്നമില്ല.

വേണമെങ്കില്‍, എങ്ങനെയൊക്കെയുള്ള അവാര്‍ഡ് ഏര്‍പ്പെടുത്തണം?

നല്ല ബ്ലോഗ്, ബ്ലോഗുമൂല്യമുള്ള ജനപ്രിയ ബ്ലോഗ്,കാറ്റഗറി വേണമെങ്കില്‍ ഏതൊക്കെ?
നല്ലബ്ലോഗര്‍, ജനപ്രിയ ബ്ലോഗര്‍, നല്ല പോസ്റ്റ്, നല്ല കമന്റ്(ഇമ്മിണി വിയര്‍ക്കും കണ്ടു പിടിക്കാന്‍) തുടങ്ങിയവയൊക്കെ പരിഗണിക്കാവുന്നതാണ്.

ഓരോന്നിനും വേണ്ട ക്രൈറ്റീരിയ, വോട്ടറന്മാര്‍ക്കുള്ള ഗൈഡ് ലൈന്‍സ് തുടങ്ങിയവയെ കുറിച്ചും വ്യക്തമാക്കണം .

അപ്പോ അതും തീര്‍ന്നു.

എന്തായാലും നനഞ്ഞു. എന്നാ പിന്നെ ഒരു കാര്യം കൂടി പറഞ്ഞേക്കാം.

മനുഷ്യന്മാരായ മനുഷ്യന്മാര്‍ക്കൊക്കെ അല്ലെങ്കില്‍ തന്നെ ആവശ്യത്തിനുള്ള ടെന്‍ഷന് ഉണ്ട്. പിന്നീ ബ്ലോഗിലും കൂടി വന്ന് എന്തിനു മനസമാധാനം കളയുന്നു എന്ന് എത്ര ആലോചിച്ചിട്ടും മനസ്സിലാവുന്നില്ല. ഒരു വിഷയത്തില്‍ ആശയപരമായ വൈരുധ്യം സ്വാഭാവികം. തന്റെ വാദം സ്ഥാപിച്ചെടുക്കാന്‍ ശ്രമിക്കുന്നതും മനസ്സിലാക്കാം.. ബ്ലോഗില്‍ വ്യക്തിക്ക് പ്രാധാന്യമില്ലെന്നു പറയുമ്പോള്‍ തന്നെ ഇത്തരം ആശയസംഘട്ടനങ്ങള്‍ പലപ്പോഴും വ്യക്തിവിദ്വേഷത്തിലേക്കും ചെളിവാരിയെറിയലിലേക്കും പോകുന്നതെന്തു കൊണ്ട്? ഒരു അഭിപ്രായവ്യത്യാസം വരുമ്പോള്‍ ഞാനോ നീയോ കേമന്‍ എന്നുള്ള ഈഗോ ഒഴിവാക്കാന്‍ എല്ലാവരും മനസ്സു വയ്ക്കാന്‍ ശ്രദ്ധിക്കണമെന്ന് ഈയവസരത്തില്‍ താഴ്മയായി അപേക്ഷിച്ചു കൊള്ളുന്നു. :)>- ഇടക്കിടയ്ക്ക് ചിലതൊക്കെ കാണുന്നതു കൊണ്ട് പറഞ്ഞു പോയതാണ്.

ബ്ലോഗിനെ കുറിച്ചോ ബ്ലോഗര്‍മാരെ കുറിച്ചോ ഒരിക്കലും പോസ്റ്റിടില്ലെന്നു കരുതിയിരുന്ന ഞാന്‍ വരെ ദാ അവസാനം………ഇനീപ്പോ ഇതാണോ ഈ ബ്ലോഗിംഗ് ബ്ലോഗിംഗ് എന്നു പറയുന്ന സംബവം?

CBSE Sample Papers For Class X and XII

2007-12-14T14:13:00.000+05:30

മുന്‍പ് ഇവിടെ NCERT Online Textbooks ഡൌണ്‍ലോഡ് ചെയ്യാവുന്ന ഒരു ലിങ്ക് കൊടുത്തിരുന്നു. സിലബസ് മാറിയതു കൊണ്ട് പുസ്തകം കിട്ടാത്തവര്‍ക്ക് തല്‍ക്കാലം പ്രയോജനപ്പെടട്ടെ എന്നു കരുതിയാണ് ആ പോസ്റ്റിട്ടത്. പക്ഷേ, ഈ അദ്ധ്യയന വര്‍ഷം ഏതാണ്ട് അവസാനിക്കാറായിട്ടും ഇപ്പോഴും ദിവസേന ശരാശരി നാലഞ്ചു പേര്‍ വീതം ഗൂഗിളില്‍ നിന്നും യാഹൂവില്‍ നിന്നും ആ ലിങ്കില്‍ എത്താറുണ്ട്. ഇന്‍ഡ്യയില്‍ നിന്നും ഗള്‍ഫ് രാജ്യങ്ങളില്‍ നിന്നും അപൂര്‍വം യൂറോപ്യന്‍ രാജ്യങ്ങളില്‍ ( അവിടെയൊക്കെ ഇന്‍‌ഡ്യന്‍ സ്കൂളുകള്‍ ഉണ്ടോ എന്നറിയില്ല . ഒരു പക്ഷേ നാട്ടിലുള്ളവര്‍ക്കു വേണ്ടീയാവാം) നിന്നും.

ഇപ്പോള്‍ CBSE യുടെ ഈ സൈറ്റില്‍ പത്തിലേയും പന്ത്രണ്ടിലേയും Sample Papers കൊടുത്തിട്ടുണ്ട്. ബ്ലൂ പ്രിന്റും മാര്‍ക്കിംഗ് സ്കീമും ഓരോ പേപ്പറിണ്ടെയും കൂടെ ലഭ്യമാണ്. ഡൌണ്‍ലോഡ് ചെയ്യേണ്ട ലിങ്ക് :‌http://www.cbse.nic.in/curric~1/sample.htm

You can download CBSE sample papers for class X and class XII from the following site:
http://www.cbse.nic.in/curric~1/sample.htm
You will get the blue prints and the marking schemes also with it.

കമ്പതി

2007-11-17T16:54:00.001+05:30

''എന്നാലും ബറദീപീ ചതി എന്നോടു ചെയ്യണ്ടായിരുന്നു”
പ്രദീപെന്ന സഹധര്‍മ്മനെ കണ്ടപാടെ ആ ഒമാനി പൊട്ടിത്തെറിച്ചു.

ക്ഷമാശക്തിക്ക് ഭൂമീദേവിയെ തോല്പിച്ച് സമ്മാനം നേടിയിട്ടുള്ള സഹധര്‍മ്മന്‍ സാവധാനം ആരാഞ്ഞു.

“ എന്താണു കാര്യം? ”

“നീ എന്റെ ജനാലയ്ക്കരികില്‍ കമ്പതിയുടെ പടമെന്തിനാ ഡിസൈന്‍ ചെയ്തു വച്ചിരിക്കുന്നത്?”

അയാളുടെ വീടിന്റെ പ്ലാന്‍ വരച്ചു കൊടുത്തിരുന്നുവെങ്കിലും കമ്പതിയുടെ പോയിട്ട് സിമ്പതിയുടെ പോലും പടം വരച്ചതായി തീരെ ഓര്‍മ്മകിട്ടുന്നില്ലല്ലോ?

“അല്ല, ഇതാരപ്പാ ഈ കമ്പതി?“

“ കമ്പതിയെ നിങ്ങള്‍ക്കറിയില്ലേ? നിങ്ങളുടെ ഒരു ദൈവം“

മുപ്പത്തി മുക്കോടി ദൈവങ്ങളുള്ളതില്‍ പേരറിയാവുന്നത് വിരലിലെണ്ണവുന്നവരുടെതു മാത്രം. അല്ലെങ്കില്‍ തന്നെ ഇത്രയും പേരൊന്നും ആര്‍ക്കും പഠിച്ചു വയ്ക്കാന്‍ പറ്റില്ലല്ലോ? ഇനിയിപ്പോ അങ്ങനെ പേരുള്ള ആരെങ്കിലും ഉണ്ടാവുമോ? എങ്കിലും ഒട്ടും ആത്മവിശ്വാസം വിടാതെ ഒരു സര്‍വജ്ഞനെപോലെ പറഞ്ഞു.

“അങ്ങനെയൊരു ദൈവം ഇല്ലല്ലോ”

“ആരു പറഞ്ഞു? എന്നെ പറ്റിക്കാനൊന്നും നോക്കണ്ട. ബോംബയിലൊക്കെ ഞാന്‍ ഇഷ്ടം പോലെ കണ്ടിട്ടുണ്ട്.”

അപ്പോള്‍ ആള്‍, അല്ല, ദൈവം വളരെ പ്രസിദ്ധന്‍ തന്നെ. ദൈവങ്ങളോട് പ്രത്യേകിച്ച് വിരോധമൊന്നുമില്ലെങ്കിലും അവര്‍ക്ക് അവരുടെ വഴി, തനിക്ക് തന്റെ വഴിയെന്ന ലൈനായതു കൊണ്ട് ഇനി അറിയാന്‍ പാടില്ലാത്തതായിരിക്കും.

“ എനിക്ക് അങ്ങനെയൊരു ദൈവത്തെ അറിയില്ല. അറിയാന്‍ പാടില്ലാത്ത ഒരാളെ ഞാന്‍ എങ്ങനെ വരയ്ക്കും?”

“അങ്ങനെ ഒഴിഞ്ഞു മാറിയിട്ടൊന്നും കാര്യമില്ല. ഞാന്‍ കേസു കൊടുക്കും”

ശ്ശെടാ, ആകെ പുലിവാലായല്ലോ.

“എന്തായാലും ഡ്രായിങ്ങെടുക്കൂ, നോക്കട്ടെ”

ഒമാനി ഡ്രായിങ്ങെടുത്തു കൊടുത്തു. ഡ്രായിംഗ് നോക്കുന്നു , ബ്രയിനിലുള്ള ദൈവങ്ങളുടെ പടവുമായി ഒത്തു നോക്കുന്നു. വരകള്‍ക്കിടയിലൂടെ വീണ്ടും വീണ്ടും നോക്കുന്നു. ബ്രയിനിലെ ദൈവങ്ങള്‍ എന്ന ഫോള്‍ഡര്‍ വീണ്ടും വീണ്ടും സ്കാന്‍ ചെയ്തു നോക്കുന്നു. കിം ഫലം. ഒന്നും മാച്ചാവുന്നില്ല.

“എന്റെ കമ്പതി ഭഗവാനേ, ഇതില്‍ നിന്നു രക്ഷപെടാന്‍ എന്തെങ്കിലും ഒരു വഴി കാണിച്ചു തരൂ“ ജീവിതത്തിലാദ്യമായിട്ടാണ് ഒരു ദൈവത്തെ വിളിച്ചു പ്രാര്‍ഥിക്കുന്നത്.

വെറും രണ്ടു നിമിഷം. ഭഗവാന്‍ അതാ കടാക്ഷിച്ചിരിക്കുന്നു. യുറെക്കാ, യുറെക്ക എന്നുറക്കെ വിളിച്ചു കൂവാന്‍ തോന്നി.

“ എനിക്കിതു കണ്ടിട്ട് ഒരു ദൈവത്തെപോലെയും തോന്നുന്നില്ല. ഒരു കാര്യം ചെയ്യൂ. നിങ്ങള്‍ ബോംബെയില്‍ കണ്ട കമ്പതി ദൈവത്തെ ഒന്നു വരച്ചു കാണിക്കൂ.”

ഒമാനി വരയ്ക്കുന്നത് ആകാംഷയോടെ നോക്കികൊണ്ടിരുന്നു. മുഴുവന്‍ വരക്കേണ്ടി വന്നില്ല. അതിനു മുന്‍പ് തന്നെ അറിയാതെ പറഞ്ഞു പോയി.

“ഓ! ഗണ്‍പതി... ഗണപതി..“

“അതെ. അതുതന്നെ.“ ഒമാനിക്കും ആശ്വാസമായി. ആളെ , അല്ല, ദൈവത്തെ പിടികിട്ടിയല്ലോ.

പകുതി വരച്ച ഗണപതിയുടെ ചിത്രം ഡ്രായിങ്ങുമായി ചേര്‍ത്തു വച്ചു കൊണ്ട് ചോദിച്ചു.

“നോക്കൂ സുഹൃത്തേ.. ഇതു രണ്ടും കൂടി എവിടെയാണ് സാമ്യമുള്ളത്? “

ഗണപതിയുടെ നെറ്റി ഭാഗം വരയ്ക്കുമ്പോള്‍ “ന” എന്ന അക്ഷരം വലിച്ചുനീട്ടിയതു പോലെയിരിക്കുന്നതാണ് പ്രശ്നമായത്. അറബിക് ആര്‍ക്കിടെക്റ്റില്‍ അങ്ങനെയൊരു ഡിസൈന്‍ ഉള്ളതുമാണ്.

അയാള്‍ക്ക് എന്തായാലും കാര്യം മനസ്സിലായി.

“ഒരു മലബാറിയാണ് എന്നോടിതു പറഞ്ഞത്..“

ഒമാനി ഷേക് ഹാന്‍ഡിനു വേണ്ടി കൈ നീട്ടിയപ്പോഴേക്കും മനസ്സില്‍ അറിയാവുന്ന മലയാളികളുടെ മുഖങ്ങള്‍ സ്കാന്‍ ചെയ്യാന്‍ തുടങ്ങിയിരുന്നു.

****************************************

ഇന്നലെ വൈകിട്ട് ഇവിടടുത്തുള്ള നക്കല്‍ എന്ന സ്ഥലത്ത് പോയിരുന്നു. അവിടെ ഒരു പാറപ്പുറത്ത് ഇരുന്ന സഹധര്‍മ്മനെ പ്രായമായ ഒരു ഒമാനി വന്ന് പൊക്കി. അതില്‍ അള്ളാ എന്നും മുഹമ്മദ് എന്നും എഴുതിയിട്ടുണ്ടത്രേ.

അപ്പോള്‍ മനസ്സില്‍ തോന്നിയ രണ്ടു കാര്യങ്ങള്‍.

ഈ എഴുത്തുള്ളടത്തേ ദൈവമുള്ളോ? ദൈവം സര്‍വ്വവ്യാപിയാണന്നാണല്ലോ പറയുന്നത്.

അഥവാ ദൈവത്തിനതിഷ്ടപ്പെട്ടില്ലാരുന്നെങ്കില്‍ ഉടനെ കട്ടുറുമ്പിനെ വിട്ട് അദ്ദേഹത്തെ കടിപ്പിക്കത്തില്ലാരുന്നോ?

വാല്‍

ഞാന്‍ അമ്പലങ്ങളില്‍ പോയിട്ട് കുറെ നാളായി. കാരണം മറ്റൊന്നുമല്ല എനിക്ക് കടുത്ത അസൂയയാണ്. പ്രത്യേകിച്ച് ഗുരുവായൂരപ്പനോടൊക്കെ. എത്ര പേരാ അവരെ ചിരിപ്പിക്കാന്‍ വേണ്ടീ മത്സരിച്ചു ഓരോരോ തമാശകള്‍ കാണിക്കുന്നതും പറയുന്നതും. നമുക്കാണെങ്കില്‍ മരുന്നിനൊരു കൊച്ചുത്രേസ്യയോ മറ്റോ ഒക്കെയല്ലേയുള്ളൂ. അവരാണെങ്കില്‍ ഇവരുടെയൊന്നും ഏഴയലത്തു പോലും വരത്തതുമില്ല.

ഡിസ്ക്ലൈമര്‍

ഞാന്‍ ഒരു ദൈവത്തിന്റേയും മതത്തിന്റേയും വക്താവല്ല. വിശ്വാസികളെ ചോദ്യം ചെയ്യാനോ കളിയാക്കാനോ ഉദ്ദേശിച്ചിട്ടുമില്ല. അങ്ങനെയാര്‍ക്കെങ്കിലും തോന്നിയാല്‍ ഞാന്‍ ഉത്തരവാദിയല്ല.

ബള്‍ഗേറിയയിലേക്ക് ഒരു email

2007-10-24T17:11:00.000+05:30

അന്ന് ഒരവധി ദിവസമായിരുന്നു. വൈകുന്നേരം കുട്ടികളേയും കൊണ്ട് പുറത്തൊക്കെ ഒന്നു കറങ്ങിയിട്ട് തിരിച്ചെത്തിയപ്പോഴാണ് പ്രദീപിന് ഒരു ഡോക്ടര്‍ സുഹൃത്തിന്റെ ഫോണ്‍ വന്നത്. അദ്ദേഹത്തിന്റെ മകന്‍ ബള്‍ഗേറിയയില്‍ മെഡിസിന് പഠിക്കുകയാണ്. അത്യാവശ്യമായി മകന് എന്തോ document ഇമെയില്‍ ചെയ്യണം. വീട്ടില്‍ ഇന്റെര്‍നെറ്റ് കണക്ക്ഷന്‍ ഇല്ല. അതുകൊണ്ട് പ്രദീപിന്റടുത്തു വന്ന് അയക്കാമെന്നു കരുതി വിളിച്ചതാണ്. ഇത്രയും കേട്ടു കഴിഞ്ഞപ്പോഴും പ്രദീപിന്റെ ഭാര്യക്കു സംശയം. എങ്കിലും ഈ രാത്രി 11 മണിക്ക് അദ്ദേഹമെന്തിനാണ് ഇരുപത് കിലോമീറ്ററോളം ദൂരം ഡ്രൈവ് ചെയ്തിവിടെ വരുന്നത്, അവിടടുത്തെങ്ങും ഇന്റെര്‍നെറ്റ് കണക്ഷന്‍ ഉള്ള വീടുകള്‍ ഇല്ലാത്തതു പോലെ.

കുട്ടികളെയെല്ലാം കിടത്തി ഉറക്കി ഡ്രെസ്സൊക്കെ മാറി വന്നപ്പോഴേക്കും കോളിങ് ബെല്‍ അടിച്ചു. പ്രദീപ് ചെന്ന് വാതില്‍ തുറന്നു. പിന്നാലെ സഹധര്‍മ്മിണിയും. അതിഥിയെ ഒന്നു വിഷ് ചെയ്ത് ഒരു കുശലമൊക്കെ പറഞ്ഞ് തിരിഞ്ഞു നടക്കുമ്പോള്‍ പുറകില്‍ ഡോക്ടറുടെ ശബ്ദം കേട്ടു.

“ഈ ബള്‍ഗേറിയയിലേക്ക് ഇമെയില്‍ അയക്കുന്നതിന് ഒരുപാടു പൈസയാകുമോ? എത്രയായാലും ഞാനങ്ങു തരാം പ്രദീപേ, പക്ഷേ ഇന്നു തന്നെ അയക്കണം.”

പ്രദീപിന്റെ പൊളിഞ്ഞിരിക്കുന്ന വാ കാണാന്‍ അവള്‍ക്ക് ഒന്നു തിരിഞ്ഞു നോക്കണമെന്നുണ്ടായിരുന്നുവെങ്കിലും, ഇതു കേട്ട ഞെട്ടലില്‍ ബോധം മറഞ്ഞു വരുന്നതായി തോന്നിയതു കൊണ്ട് നേരെ കട്ടിലില്‍ ചെന്നു വീണു.

കുറിപ്പ്‌:

ഇത് ഇന്റെര്‍നെറ്റും, ഇമെയിലും മറ്റും കണ്ടുപിടിച്ച കാലഘട്ടത്തില്‍ ഏതോ വാരികയില്‍ വന്ന മിനിക്കഥയൊന്നുമല്ല. കഴിഞ്ഞ വ്യാഴാഴ്ച ഞങ്ങളുടെ വീട്ടില്‍ സംഭവിച്ച ഒരു അത്യാഹിതം മാത്രമാകുന്നു.

ചന്തുവിന് ഇന്ന് 3 വയസ്സ്

2007-09-29T22:04:00.000+05:30

ചന്തുവിന് ഇന്ന് (30/9/2007) 3 വയസ്സ് തികയുന്നു. തിരിഞ്ഞു നോക്കുമ്പോള്‍ കുറേ സംഭവങ്ങളും മുഖങ്ങളും മനസ്സില്‍ തെളിയുന്നു.

അവന്റെ ജീവന്‍ എന്റെയുള്ളില്‍ കുരുത്തു കഴിഞ്ഞ് മൂന്നു മാസം കഴിഞ്ഞ സമയത്ത് ഇവിടെയെല്ലാം ചെങ്കണ്ണ് (acute conjunctivitis)എന്ന പകര്‍ച്ച വ്യാധി പടര്‍ന്നു പിടിച്ചു. കൂട്ടത്തില്‍ എനിക്കും കിട്ടി. ഇവിടെയടുത്തുള്ള ഒരു eye specialist ന്റെയടുത്ത് കാണിച്ചു . പ്രഗ്നന്റായതുകൊണ്ട് വളരെ വീര്യം കുറഞ്ഞ ഒരു മരുന്ന് പുരട്ടാനായി തന്നു. അത് ദിവസം മൂന്നു നേരം വച്ച് പുരട്ടിയിട്ടും കാര്യമായ വ്യത്യാസം കണ്ടില്ലെന്നു മാത്രമല്ല, കാര്യം നാള്‍ക്കു നാള്‍ വഷളായി വരികയും ചെയ്തു. വീണ്ടും ഡോക്ടറെ പോയി കണ്ടു . വേറൊരു മരുന്നു തന്നു. അതു പുരട്ടിയിട്ടും ഫലം തഥൈവ. ഈ പരിപാടി ഒരു മാസത്തോളം തുടര്‍ന്നു. കണ്ണു തീരെ തുറക്കാന്‍ വയ്യാത്ത അവസ്ഥയായി. കണ്ണു തുറന്നാലല്ലേ എന്തെങ്കിലും കാണാന്‍ പറ്റൂ. ഇതിനിടയില്‍ മറ്റുള്ള ,ഛര്‍ദ്ദില്‍, തലകറക്കം തുടങ്ങിയ കലാപരിപാടികള്‍ ഒരു വശത്ത് നടക്കുന്നുണ്ട്. അവസാനം കുറേശ്ശെ പേടിയായി തുടങ്ങി. അപ്പോഴേക്കും നാലര മാസമായി. മസ്കറ്റിലെ Royal hospital ല്‍ നിന്നും retired ആയ ഗൈനക്കോളഗിസ്റ്റ് ഡോക്ടര്‍ കൌസല്യയെയാണ് കണ്‍സള്‍ട്ട് ചെയ്തുകൊണ്ടിരുന്നത്. അവരോട് കാര്യം പറഞ്ഞപ്പോള് ‍ഇത്രയും നാള്‍ വച്ചുകൊണ്ടിരുന്നതിന് കുറേ വഴക്കു പറഞ്ഞു. കണ്ണിന്റെ ഫ്യൂസ് പോകാതിരുന്നത് ഭാഗ്യം. എന്നിട്ട് ഡോക്ടറുടെ പരിചയത്തിലുള്ള ഒരു കണ്ണു ഡോക്ടറിന്റെയടുത്ത് പറഞ്ഞു വിട്ടു. അങ്ങനെ അടുത്ത രണ്ടാഴ്ച കൊണ്ട് രോഗം ഭേദമായി. ഏകദേശം ഒന്നര മാസത്തോളം ഇതുമൂലം കഷ്ടപ്പെട്ടു. അതില്‍ തന്നെ രണ്ടാഴ്ചയോളം തീരെ കണ്ണു കാണാന്‍ പാടില്ലാത്ത അവസ്ഥയായിരുന്നു.

ഏഴാം മാസം സ്കാന് ചെയ്തിട്ട് ആണ്‍ കുട്ടിയാണെന്ന്‌ ഡോക്ടര്‍ പറഞ്ഞിരുന്നു. ഏഴര മാസമായപ്പോള്‍ ഡെലിവറിക്കു വേണ്ടി നാട്ടില്‍ പോയി. ‍ഡോക്ടര്‍ കൌസല്യയെ കുറിച്ച് ഒരല്പം. ഇത്രയും സിമ്പിള്‍ ആയ ഒരു ഡോക്ടരെ ഞാന്‍ വേറെ കണ്ടിട്ടില്ല. ‘’നീ” എന്നു മാത്രമേ ഡോക്ടര്‍ വിളിക്കൂ. ആ നീ വിളിയില്‍ സ്വന്തം അമ്മ മോളെ എന്നു വിളിക്കുന്നതിനേക്കാളും സ്നേഹമുണ്ടായിരുന്നു. മോനെ തിരികെ കൊണ്ടു കാണിക്കുവാന്‍ പറ്റിയില്ല. അതിനു മുന്‍പേ ഡോക്ടര്‍ ഉറുമ്പു (ഇവിടെ കാണപ്പെടുന്ന ഒരുതരം ഉറുമ്പിന്റെ കടിയേറ്റാല്‍ മരണം സംഭവിക്കാം) കടിയേറ്റ് മരിച്ചു പോയി.

നാട്ടില്‍ ചെങന്നൂരുള്ള ഒരു സ്വകാര്യ ആശുപത്രിയിലാണ് പോയിരുന്നത്. അവിടെ അവരുടെ വക സ്കാനിങിനായി പോയ ദിവസം, റേഡിയൊളജിസ്റ്റ് എന്നോടു ചോദിച്ചു”മസ്കറ്റില്‍ വച്ച് സ്കാന്‍ ചെയ്തപ്പോള്‍ എന്തെങ്കിലും കുഴപ്പമുള്ളതായി പറഞിരുന്നുവോ?” വയറ്റില്‍ കൂടി ഒരാന്തലും തലക്കകത്തൂടെ ഒരു മിന്നല്‍ പിണരും. ഞാന്‍ പറഞ്ഞു “ഇല്ല, എന്താണു കുഴപ്പം“ . അയാള്‍ക്ക് മിണ്ടാട്ടമില്ല. നെറ്റി ചുളിക്കലും, മുഖത്തെ ഭാവവും കണ്ടിട്ട് എന്തോ സീരിയസായ പ്രശ്നമുണ്ടെന്നു മനസ്സിലായി. ഞാന്‍ വീണ്ടും എന്താണു കുഴപ്പമെന്നു ചോദിച്ചു കൊണ്ടിരുന്നെങ്കിലും പുള്ളി അതൊന്നും ശ്രദ്ധിക്കാതെ സ്കാനിങ്ങോടെ സ്കാനിങ്ങ്. അവസാനം സ്കാനിങ് അവസാനിച്ചപ്പോള്‍ അയാള്‍ പറഞു “കുഴപ്പമൊന്നുമില്ല, ഒരു കിഡ്നിക്ക് ചെറിയ ഒരു പ്രശ്നമുണ്ട്. “ ഞാന്‍ ആ മുറിയില്‍ നിന്നും എങനെ പുറത്തു വന്നുവെന്നറിയില്ല. പിന്നിട് ഈ റിപ്പോര്‍ട്ടുമായി ഡോക്ടെറെ കണ്ടപ്പോള്‍ വെളിയില്‍ ഒരുപാടു പേര്‍ കാത്തു നില്‍ക്കുന്നുണ്ടായിരുന്നെങ്കിലും ഡോക്ടര്‍ എന്റെ പുറത്തു തട്ടിക്കൊണ്ട് വിഷമം മുഴുവന്‍ കരഞ്ഞു തീര്‍ത്തോളാന്‍ പറഞ്ഞു.

Anti natal Hydronephrosis പ്രധാനമായും urinary tract ല്‍ ഉള്ള എന്തെങ്കിലും obstruction കാരണമാണ് സംഭവിക്കുന്നത്. പ്രസവ ശേഷം മിക്കവാറും കുട്ടികളില്‍ ഒന്നു മുതല്‍ രണ്ടു വയസ്സിനുള്ളില്‍ തനിയെ ഭേദമാവും. മറ്റുള്ളവരില്‍ surgery വേണ്ടി വരും. മോന്റെ കാര്യത്തില്‍, ഒരെണ്ണത്തിന് ചെറിയ ഒരു dilation മാത്രമേയുന്റായിരുന്നുള്ളൂ. എങ്കിലും ചിന്തകള്‍ കാടു കയറാന്‍ തുടങ്ങി. ഭര്‍ത്താവാണെങ്കില്‍ എന്നെ ആശ്വസിപ്പിക്കാന്‍ വേണ്ടി എന്തൊക്കെയോ പറയുന്നുണ്ടെന്നു മാത്രമേയുള്ളൂ.

അങ്ങനെ മൂന്നു ദിവസം എങനെയോ കടന്നു പോയി. നാലാമത്തെ ദിവസം തൊട്ട് മോനാണെങ്കില്‍ ഒരനക്കവുമില്ല. നേരത്തെയാണെങ്കില്‍ ഒറ്റയടിക്ക് പത്തിരുപതു ഇടിയും തൊഴിയുമൊക്കെ വച്ച് കിട്ടിക്കൊണ്ടിരുന്നതാണ്. വൈകുംനേരം വരെ ആരോടും പറയാനൊന്നും പോയില്ല. പിന്നെ ഇതിന്റെയെന്തെകിലും കുഴപ്പം കൊണ്ടാണോ അനക്കമില്ലാത്തതെന്നു തോന്നിയപ്പോളാണ് പറഞത്. അങ്ങനെ രാത്രിയില്‍ തന്നെ ഹോസ്പിറ്റലില്‍ അഡ്മിറ്റായി. ഈ നാലു ദിവസം കൊണ്ട് എന്റെ 5 കിലോ ഭാരം കുറഞ്ഞു. അത് കുഞിനേയും ബാധിച്ചതാണ് കാരണം. പക്ഷേ എന്റെ മനസ്സ് അത് സമ്മതിക്കാന്‍ തയ്യറായില്ല. മറ്റെന്തെങ്കിലും കുഴപ്പമാണോ എന്നുള്ള ആശങ്കയായിരുന്നു. രണ്ടു ദിവസം കൂടി നോക്കിയെങ്കിലും അതേ സ്ഥിതി തന്നെ തുടര്‍ന്നതു കൊണ്ട് അടുത്ത ദിവസം സിസേറിയന്‍ ചെയ്യാമെന്നു തീരുമാനിച്ചു.

അങ്ങനെ 2004 സെപ്റ്റെമ്പര്‍ 30ന് രാവിലെ 10 മണിയോടു കൂടി ഡെലിവറി റൂമിലേക്കു പോയി. മോശമായ ഒരു വാര്‍ത്തയാണ് എതാനും മണിക്കൂറുകള്‍ കൂടി കഴിയുമ്പോള്‍ അറിയുന്നതെങ്കില്‍ എന്റെയവസ്ഥയെന്തായിരിക്കുമെന്നുള്ള ചിന്തയെ ഒഴിവാക്കാന്‍ എത്രയൊക്കെ ശ്രമിച്ചിട്ടും കഴിഞില്ല. ഓപ്പറേഷനു വേണ്ടിയുള്ള തയാറെടുപ്പിന്റെ ഭാഗമായി എന്തൊക്കെയോ injection എടുക്കുന്നുണ്ട്. അപ്പോഴാണ് ഡൂട്ടിയിലുണ്ടായിരുന്ന ജുനിയര്‍ ഡോക്ടര്‍ വന്ന് കേസ് ഷീറ്റ് നോക്കിയത്. എന്തോ വലിയ ഒരു പേരു വായിച്ചീട്ട് എന്നോടൊരു ചോദ്യം. “ഈ മരുന്നു ഞാന്‍ ആദ്യമായിട്ട് കാണുകയാ, ഇതെന്തിനുള്ള injection ആണെന്നറിയാമോ വനജയ്ക്ക്?“ രണ്ടു ദിവസമായി ഈ ഡോക്ടറുടെ വകയായി കുറേ ഡയലോഗുകള്‍ കേട്ടിരുന്നതിനാല്‍ ആളെ കുറിച്ച് ഒരു ധാരണയൊക്കെയുന്റാരുന്നുവെങ്കിലും ഇത്രയും പ്രതീക്ഷിച്ചില്ല. അതു കേട്ട് ആ ടെന്‍ഷനിടയിലും ചിരിച്ചു എന്നു തന്നെയാണെന്റെ ഓര്‍മ്മ. ഈ ചിരി പിന്നെ എന്റെ മുഖത്തൂന്ന് മറഞ്ഞത് ഇവരെ ഒപ്പറേഷന്‍ തിയറ്ററില്‍ മറ്റേ ഡോക്ടറുടെ assistant ആയി കണ്ടപ്പോളാണ്!!!

രണ്ടര കഴിഞപ്പോള്‍ ഓപ്പറേഷന്‍ തീയറ്ററിലേക്ക് കൊണ്ടു പോയി. പോകുന്നതിനു മുന്‍പായി കൂടെയുണ്ടായിരുന്ന ഡൂട്ടി നേഴ്സ് ഒന്നു കൊണ്ടൂം വിഷമിക്കണ്ട, മോനൊരു കുഴപ്പവും കാണില്ല എന്നു പറഞ്ഞ് ഒരു നിമിഷം എനിക്കു വേണ്ടി പ്രാര്‍ഥിച്ചു. അവിടെ, ഓപ്പറേഷന്‍ ടേബിളിന്റെ മുന്‍പില്‍ ഒരു വൈറ്റ് ബോര്‍ഡില്‍ എന്റെ പേരും മറ്റു വിവരങളും എഴുതിയിരുന്നു. അതിനു താഴെയായി “God bless you" എന്നും . പേടിച്ച് പകുതി കാറ്റു പോയിരിക്കുന്ന മനുഷ്യന്റെ മുഴുവന്‍ കാറ്റും പോകാന്‍ ഇതു കണ്ടാല്‍ മാത്രം മതി. ( എന്റെ കാര്യത്തില്‍, ആദ്യത്തേത്, നോര്‍മല്‍ ഡെലിവറിയായിരിക്കുമെന്നു കരുതിയിരുന്നുവെങ്കിലും, ഒരു അടിയന്തര ഘട്ടത്തില്‍ അതിനും സിസേറിയന്‍ വേന്റി വന്നു. അന്ന് 5 മിനുട്ടു കൊണ്ട് ഡെലിവറി റൂമില്‍ നിന്നും ഓപ്പറേഷന്‍ തീയറ്ററില്‍ എത്തിയതു കാരണം പേടിക്കാനുള്ള സമയം കിട്ടിയിരുന്നില്ല. എന്നാല്‍ രണ്ടാമത്തേതിനൊന്നു പേടിക്കാമെന്നു വിചാരിച്ചപ്പോള്‍ അതിങ്ങനെയായി.) ലോക്കല്‍ അനസ്ത്യേഷ്യ ആയിരുന്നതു കൊണ്ട് അവിടെ നടക്കുന്ന കാര്യങ്ങളെല്ലാം അറിയാമായിരുന്നു. മോനെയെടുത്തതും ഡോക്ടര്‍ എന്നെ കാണിച്ചു തന്നു. അത്രയും ആശ്വാസമായി.

പിന്നെ റിക്കവറി റൂമില്‍ കിടക്കുമ്പോള്‍, മോനെ അടുത്ത് കൊണ്ടുവന്നപ്പോള്‍ ഞാനനുഭവിച്ച സന്തോഷം പറഞ്ഞറിയിക്കാന്‍ പറ്റില്ല. മൂത്രമൊഴിക്കുമ്പോല്‍ എന്തെങ്കിലും തടസ്സമോ, കരച്ചിലോ ഒന്നും ഉണ്ടായിരുന്നില്ല. അതു കൊണ്ട് എല്ലാം മാറിയതായിരിക്കുമെന്നു കരുതി. പിന്നെ ഒന്നര മാസം കഴിഞ് സ്കാന്‍ ചെയ്തപ്പോളും അത് അങ്ങനെ തന്നെയെന്ന റിപ്പോര്‍ട്ട് വീണ്ടും നിരാശയിലേക്ക് തള്ളി വിട്ടു. പക്ഷേ യാതൊരു തടസ്സങ്ങളും കാണാനില്ലായിരുന്നു. മൂത്രം ടെസ്റ്റ് ചെയ്തിട്ടും മറ്റു വ്യതിയാനങ്ങളൊന്നും കണ്ടില്ല. പിന്നീട് പുഷ്പഗിരി ആശുപത്രിയിലുള്ള ഒരു പീഡിയാട്രിക് സര്‍ജനെ കാണിച്ചപ്പോള്‍ അദ്ദേഹവും രണ്ടു വര്‍ഷം ഒബ്സെര്‍വേഷന്‍ മാത്രം ചെയ്യാനാണു പറഞത്. പിന്നെ ഇവിടെ വന്ന് രണ്ടു സ്കാന്‍ ചെയ്തപ്പോളും ചെറിയ പ്രശ്നമുണ്ടായിരുന്നു. അടുത്ത സ്കാനിങിന്റെ report positive ആയിരുന്നു. രണ്ടു കിഡ്നിയും നോര്‍മല്‍. ഒരു പ്രശ്നവുമില്ല. അപ്പൊഴാണ് കഴിഞ്ഞ ഒരു വര്‍ഷമായി അനുഭവിച്ചു കൊണ്ടിരുന്ന ടെന്‍ഷനില്‍ നിന്നു ഒരു മോചനം കിട്ടിയത്.

ഇതിനിടയില്‍, ആള്‍കാരുടെ പല തരത്തിലുള്ള പ്രതികരണവും കണ്ടു. നാലുമാസമായിട്ടും കഴുത്തുറക്കാത്തതെന്തുകൊണ്ട് , പത്തു മാസമായിട്ടും നടന്നിട്ടു വീഴാന്‍ പോകുന്നതെന്തു കൊണ്ട്, ഒന്നര വയസ്സായിട്ടും ചറപറാ സംസാരിക്കാത്തതെന്തുകൊണ്ട് എന്നും മറ്റുമുള്ള “ഉത്കണ്ഠകള്‍“!

അടുത്ത തവണ നാട്ടില്‍ പോയപ്പോള്‍ മോന് ഛര്‍ദ്ദിലായിട്ട്, അതേ ആശുപത്രിയില്‍ തന്നെ പോയിരുന്നു. മോനെ നോക്കിയിരുന്ന പീഡിയാട്രീഷനെ അന്നും കണ്ടു. അദ്ദേഹം കാര്യങ്ങളൊക്കെ തിരക്കി. കുഴപ്പമൊന്നുമില്ലെന്നു പറഞ്ഞപ്പോള്‍ മോഡേണ്‍ മെഡിസിന് ഇങ്ങനെ ചില കുഴപ്പങ്ങളുമുണ്ടെന്ന് അദ്ദേഹം പറഞ്ഞു. അതേ... കാര്യങ്ങള്‍ ഞാന്‍ വളരെ നിസ്സാരമായി പറഞുവെങ്കിലും അന്നനുഭവിച്ച പ്രയാസം അത്രക്കായിരുന്നു. അഞ്ഞൂറില്‍ ഒരു കുട്ടിക്കു വീതം ഇങ്ങനെ വരാരുണ്ട്. മിക്കവാറും തനിയെ ശരിയാവുകയും ചെയ്യും. അതുകൊണ്ട് മുന്‍പൊക്കെ ആരും ഇത്തരം പ്രശ്നങ്ങള്‍ അറിയാറില്ലായിരുന്നു. എന്നാല്‍ ഇതിന്റെ നല്ല വശവും കാണാതിരുന്നു കൂടാ. എന്തെങ്കിലുമുണ്ടെങ്കില്‍ നേരത്തെ മനസ്സിലാക്കിയാല്‍ അതിനനുസരിച്ച് ചികിത്സിക്കുവാനും മറ്റു കുഴപ്പങ്ങള്‍ ഒഴിവാകാനും സാധിക്കും.

സ്മൈലി ഇന്‍ ബ്ലോഗ്സ്പോട്ട്

2007-09-22T12:24:00.000+05:30

ഈ ബ്ലോഗില്‍ ഇതുവരെ ഞാന്‍ ഉപയോഗിച്ചിരുന്നത് ദീപയുടെ യാഹൂ സ്മൈലികളാണ്. ഇതിന്റെയൊരു പ്രത്യേകത യാഹുവിന്റെ എല്ലാ സ്മൈലികലും നമുക്ക് ഉപയോഗിക്കാമെന്നതാണ്. കമന്റിലും അത് ഐക്കണായി തന്നെ കാണുകയും ചെയ്യും.

ഇന്നലെ, LaTeX എങ്ങനെ ബ്ലോഗറില്‍ ഉപയോഗിക്കാമെന്നു സേര്‍ച്ച് ചെയ്തുകൊണ്ടിരുന്നാപ്പോള്‍ വേറൊരു സംഗതി കൂടി കിട്ടി. ഇതുപയൊഗിച്ച് സ്മൈലി പോസ്റ്റില്‍ നേരിട്ട് ഒരു ക്ലിക്കിലൂടെ ഇന്‍സേര്‍ട്ട് ചെയ്യാം. പക്ഷേ ഫയര്‍ഫോക്സില്‍ മാത്രമേ ഇതിന്റെ സ്ക്രിപ്റ്റ് ഇന്‍സ്റ്റാള്‍ ചെയ്യാന്‍ പറ്റൂ. ആവശ്യമുള്ളവര്‍ക്ക് ഇവിടെ നിന്നും ഇന്‍സ്റ്റാള്‍ ചെയ്യാവുന്നതാണ്.

ഇത്രയും പറഞ്ഞ സ്ഥിതിക്ക് LaTeX എങ്ങനെ ബ്ലോഗറില്‍ ഉപയോഗിക്കാം എന്നു കൂടി പറയാം. അതിനു വേണ്ട script ഇവിടെ നിന്നും install ചെയ്യാം. LaTeX ഉപയോഗിച്ച് math symbols എങ്ങനെ എഴുതാമെന്നറിയാത്തവര്‍ വിഷമിക്കണ്ട. അതിന്നു വേണ്ടി ഈ online editor ഉപയോഗിക്കാം.

ഉദാഹരണം:

{\left(a+b \right)}^{2}={a}^{2}+2ab+{b}^{2}

എന്ന് $$ ന്റേയും $$ ന്റേയും ഇടയില്‍ type ചെയ്തിട്ട് LaTeX എന്ന ഐക്കണില്‍ ക്ലിക്ക് ചെയ്താല്‍

എന്ന identity ലഭിക്കും.

ആനപ്പടങ്ങള്‍-3

2007-09-07T12:39:00.000+05:30

Sensitive points

ആനകളുടെ ശരീരത്തില്‍ ഏകദേശം 107 sensitive points ആണ് ഉള്ളത്. അത്തരം സ്ഥാനങ്ങളിലുള്ള ഏതെങ്കിലും തരത്തിലുള്ള മര്‍ദ്ദമോ വേദനയോ ആനകളെ ആക്രമണ സ്വഭാവികളാക്കും. ചിത്രത്തില്‍ കാണുന്ന ചുവന്ന കുത്തുകള്‍ അതീവ സെന്‍സിറ്റീവ് പോയ്ന്റുകളെ സൂ‍ചിപ്പിക്കുന്നു.

മദം
ആനകളുടെ കണ്ണുകള്‍ക്കും ചെവിക്കും ഇടയിലായി രണ്ടു ഭാഗത്തുമായി ഒരു ജോഡി ഗ്രന്ഥികള്‍ സ്ഥിതി ചെയ്യുന്നുണ്ട്. വര്‍ഷത്തിലൊരിക്കല്‍ മുതിര്‍ന്ന കൊമ്പനാനകളില്‍ ഈ ഗ്രന്ഥികളില്‍ നിന്നും ഒരു തരം ദ്രവം സ്രവിക്കും. രണ്ടു മുതല്‍ മൂന്നു മാസം വരെ ഈ ഗ്രന്ഥികള്‍ active ആയിരിക്കും. ഈ സമയത്താണ്‍ ആനയ്ക്ക് മദം ഉണ്ടാകുന്നത്. ഈ അവസ്ഥയുടെ യഥാ‍ര്‍ത്ഥ കാരണം എന്താണെന്ന് അറിയില്ല. ഇക്കാലയളവില്‍ പുരുഷ ഹോര്‍മോണ്‍ ആയ testosterone വളരെ കൂടുതല്‍ അളവില്‍ ഉല്പാദിപ്പിക്കപ്പെടുന്നു.

പ്രത്യുല്‍പ്പാദനം
ഏകദേശം 10-14 വയസ്സിനിടയില്‍ കൊമ്പനാ‍നകള്‍ പ്രായപൂര്‍ത്തിയെത്തുന്നുവെങ്കിലും 30 വയസ്സ് ആകുന്നതുവരെ മിക്കവാറും ഇണചേരാറില്ല. ഇതിനു കാരണങ്ങള്‍ രണ്ടാണ്.

മുതിര്‍ന്ന കൊമ്പനാനകള്‍ അവയെ തടയുന്നു.
കൌമാരപ്രായക്കാരായ കൊമ്പനാനകളെ പിടിയാനകള്‍ ഇണയായി സ്വീകരിക്കാറില്ല.

14 വയസ്സു മുതല്‍ 50 വയസ്സു വരെ , നാലോ അഞ്ചോ വര്‍ഷത്തെ ഇടവേളകളിലായി പിടിയാനകള്‍ കുട്ടിയാനകള്‍ക്ക് ജന്മം നല്‍കുന്നു. 20 മുതല്‍ 22 മാസം വരെയാണ്‍ ഗര്‍ഭകാലം. അപൂര്‍വമായി മാത്രം ഇരട്ട കുട്ടികളും ഉണ്ടാവാറുണ്ട്.

ആനക്കുട്ടികള്‍ക്ക് ഏകദേശം 100 കിലോയോളം ഭാരം കാണും. രണ്ടു മൂന്നു വയസ്സു വരെ അമ്മയാനയുടെ മുലപ്പാല്‍ കുടിച്ചാണ് വളരുന്നത്. തുമ്പിക്കൈയ്യല്ല , മറിച്ച് വായുപയോഗിച്ചാണ് പാലു കുടിക്കുന്നത് . ആനക്കുഞ്ഞുങ്ങളില്‍, ആണാന 12-14 വയസ്സു വരെയും, പെണ്ണാന അമ്മയാനയുടെ മരണം വരെയും അമ്മയാനയോടൊപ്പമാണ് ജീവിക്കുന്നത്.

കുടുംബ ജീവിതം
ഒരു കുടുംബത്തില്‍ സാധാരണയായി 10 അംഗങ്ങളോളം ഉണ്ടാവും. മൂന്നോ നാലോ പിടിയാനകളും അവരുടെ പത്തോ പന്ത്രണ്ടോ വയസ്സു വരെയുള്ള കുട്ടികളും ഉള്‍പ്പെടുന്നതാണ് ഒരു കുടുംബം. പ്രായം കൂടിയ പിടിയാനയാണ്‍ കുടുംബ നാഥ. കുടുംബത്തില്‍ നാഥന്‍ ഇല്ലെന്നു പറയാം. കാരണം പ്രായപൂര്‍ത്തിയായ കൊമ്പനാനയും പിടിയാനയും വേറെ വേറെ ആണ് താമസം.

പ്രായമാവുന്നതോടു കൂടി പല്ലുകള്‍ കൊഴിയുകയും ഭക്ഷണം കഴിക്കാന്‍ സാധിക്കാതെ വരികയും ചെയ്യുന്നു. അങ്ങനെ പോഷകാഹാരകുറവു മൂലം മരണം സംഭവിക്കുന്നു.

ആനപ്പല്ലുകള്‍

താഴെ കൊടുത്തിരിക്കുന്ന ചിത്രങ്ങള്‍ കൂടി നോക്കുക. ആന വന്ന വഴിയേതെന്ന് മനസ്സിലാവും.

ആനപ്പടങ്ങള്‍-1
ആനപ്പടങ്ങള്‍-2

ക്യാമറാമാന്‍ സുരേന്ദ്രനോടൊപ്പം.

വിവരങ്ങള്‍ക്ക് കടപ്പാട്: കോന്നി ആനക്കൂട്.

ചിക്കുന്‍ ഗുനിയ ബാധിച്ച് അതികഠിനമായ വേദനക്കിടയിലും ഈ ചിത്രങ്ങള്‍ (ചില ചിത്രങ്ങളെ അത് ബാധിച്ചിട്ടുണ്ട്) എടുത്ത എന്റെ ഫോട്ടോഗ്രാഫറോടുള്ള വ്യാജപൂര്‍വമുള്ള നന്ദി ഖേദപൂര്‍വ്വം രേഖപ്പെടുത്തുന്നു.

അവസാനിച്ചു.:)

ആനപ്പടങ്ങള്‍-2

2007-09-01T12:26:00.003+05:30

താഴെ കാണുന്നവരാണ് കോന്നി ആനക്കൂട്ടിലെ അന്തേവാസികള്‍.

സോമന്‍-65. ആനകളുടെ ശരാശരി ആയുസ്സ് 65 വര്‍ഷമാണ്. അപ്പോള്‍ ഇദ്ദേഹത്തെ സോമനപ്പൂപ്പന്‍ എന്നു വിളിക്കണം.

പ്രിയദര്‍ശിനി-30

മീന-15

സുരേന്ദ്രന്‍-9 . കുറച്ചു കൂടി മോഡേണ്‍ ആയ പേര്‍ ഇടാമായിരുന്നു. സുരേന്ദ്രന് ഈ പേരിട്ടയാള്‍ ആരായാലും ഇവന്റെയടുത്ത് വന്നുപെട്ടാലുള്ള അവസ്ഥയോര്‍ത്തിട്ട് പേടിയാവുന്നു. ( എന്റെ സ്വന്തം അനുഭവം ഓര്‍ത്തുപോയി. ചെറുപ്പത്തില്‍, എന്റെയീ പേരിനെ ചൊല്ലി കുറച്ചൊന്നുമല്ല, വീട്ടിലെ സമാധാനാന്തരീക്ഷം ഞാന്‍ അലങ്കോലപ്പെടുത്തിയിട്ടുള്ളത്. ഈ കൊലച്ചതി എന്നോട് ചെയ്തത് സ്വന്തം അമ്മയായതുകൊണ്ടു മാത്രമാ അന്നു ക്ഷമിച്ചത്. )

ഇനി നല്ല ലക്ഷണമൊത്ത ആനയുടെ ‘ലക്ഷണങ്ങള്‍‘ എന്തൊക്കെയാണെന്നു നോക്കാം.

നിറം..................... കരിവീട്ടിയുടെ
തുമ്പിക്കൈ..............നിലത്തിഴയണം
തലക്കുന്നി...............ഉയര്‍ന്നതാവണം
മസ്തകം.................തള്ളിനില്‍ക്കണം
കൊമ്പുകള്‍..............വീണ് എടുത്ത് അകന്ന് ഉയര്‍ന്ന് വെണ്മയാര്‍ന്നവ
കണ്ണുകള്‍.................തെളിമയാര്‍ന്നവ
ചെവികള്‍...............വിസ്താരമേറിയവ
കഴുത്ത്...................കുറിയതാവണം
കാലുകള്‍.................ഉറച്ചതാവണം
നഖങ്ങള്‍.................18 എണ്ണം ഒരേ നിറത്തില്‍
ഉടല്‍.......................നീളമേറിയതാവണം
വാല്‍......................നീളമുള്ള, നിലത്തൂമുട്ടാത്ത , രോമം നിറഞ്ഞതാവണം

ഗുരുവായൂര്‍ പദ്മനാഭനും കുട്ടങ്കുളങ്ങര രാമദാസും ലക്ഷണമൊത്ത ആനകളാണ്.

രാമദാസിന്റെ കൊമ്പുകള്‍ കുറച്ചു കൂടി അകന്ന് ഉയര്‍ന്നതായി കാണാം.

ആനകളെ കുറിച്ചുള്ള മറ്റു ചില കാര്യങ്ങള്‍

ആഹാരം...........................200-250k.g/day
കുടിക്കുന്ന വെള്ളം............250ലിറ്റര്‍/day
പുറന്തള്ളുന്ന മൂത്രം...........50 ലിറ്റര്‍
പുറന്തള്ളുന്ന പിണ്ഡം........150-200 കിലോ
ഗര്‍ഭകാലം.......................20 മാസം
ഹൃദയതാളം....................28/മിനുട്ട് ( നില്‍ക്കുമ്പോള്‍)
ഹൃദയതാളം....................35/മിനുട്ട് (കിടക്കുമ്പോള്‍)
ശ്വസന നിരക്ക്...................10/മിനുട്ട് (നില്‍ക്കുമ്പോള്‍)
ശ്വസന നിരക്ക്...................5/മിനുട്ട് (കിടക്കുമ്പോള്‍)
ശരീര താപനില............35.9° C
തുമ്പിക്കൈ..................മേല്‍ചുണ്ട് രൂപാന്തരപ്പെട്ടത്

തൂണിക്കൈ.................തുമ്പിക്കൈയ്യുടെ അറ്റത്തുള്ള ത്രികോണാകൃതിയിലുള്ള അവയവം

നാക്ക്.........................വെളിയിലേക്ക് നീക്കാന്‍ സാധിക്കില്ല
കൊമ്പുകള്‍.................ഉളിപ്പല്ലുകള്‍ രൂപാന്താരം പ്രാപിച്ചത്
തേറ്റകള്‍......................പിടിയാനയ്ക്കും മോഴയ്ക്കും മാത്രം
വിരലുകള്‍.................ഇല്ല
നഖങ്ങള്‍....................6-18
തൊലി......................സ്വേദ ഗ്രന്‍ഥികള്‍ ഇല്ല

ആഫ്രിക്കന്‍ ആന

ആഫ്രിക്കന്‍ ആനയുടെ ചെവി ഏഷ്യന് ആനകളുടേതിനേക്കാള്‍ ഇരട്ടിയുണ്ട്. എഷ്യന്‍ കൊമ്പനാനകള്‍ക്ക് ഏകദേശം 3600കിലോ ഭാരമുള്ളപ്പോള്‍ ആഫ്രിക്കന്‍ കൊമ്പന് 5400 കിലോ തൂക്കമുണ്ട്. ഏഷ്യന്‍ പിടിയാനയുടെ ഭാരം 3000 കിലോയും ആഫ്രിക്കന്‍ പിടിയാനയുടേത് 3600 കിലോയുമാണ്.

ആനപ്പടങ്ങള്‍ - ഭാഗം1
ആനപ്പടങ്ങള്‍-ഭാഗം3

ആനപ്പടങ്ങള്‍-1

2007-08-24T17:26:00.000+05:30

പത്തനംതിട്ടയില്‍ നിന്നും ഏകദേശം 10 കി.മീ (പത്തനംതിട്ട-പുനലൂറ്‍ റൂട്ട്‌) ദൂരമേയുള്ളൂ കോന്നിയിലേക്ക്‌. പറഞ്ഞിട്ടെന്താ, സ്വന്തം നാട്ടിലായിരിന്നിട്ടുകൂടി ഇതുവരെ കോന്നിയിലെ ആനക്കൂട്‌ കാണാന്‍ സാധിച്ചിട്ടില്ലായിരുന്നു. അല്ലെങ്കിലും മുറ്റത്തെ മുല്ലയ്ക്ക്‌ മണമില്ലെന്നാണല്ലോ?;;) . എന്തായാലും ഇത്തവണ നാട്ടില്‍ പോയപ്പോള്‍ കാര്യം സാധിച്ചു.

ഞങ്ങള്‍ പോയത് ഒരു ഞായറാഴ്ച്ച ദിവസമാണ്. അറിയാതെ പിറ്റേദിവസമായിരുന്നു പോയിരുന്നെങ്കില്‍ ഇത്തവണയും പോക്ക് മുടങ്ങിയേനേം. ബോര്‍ഡ് വായിച്ച് ഞെട്ടണ്ടാ ,നല്ല ധൈര്യമുള്ള കൂട്ടത്തിലായതു കൊണ്ട് ആനപ്പുറത്തു കയറാനൊന്നും നിന്നില്ല.

കാട്ടില്‍ നിന്നും പിടിച്ചുകൊണ്ടു വരുന്ന ആനകളെ, താപ്പാനകളെ ഉപയോഗിച്ച് പരിശീലിപ്പ്പിക്കുന്ന ഒരു കേന്ദ്രമാണിത്. 6 ആനകള്‍ക്ക് പരിശീലനം നല്‍കുവാനുള്ള ശേഷിയുണ്ട് ആനക്കൂടിന്. 1942 ലാണ്‍ ആനക്കൂട്‌ സ്ഥാപിക്കപ്പെട്ടത്‌. മുന്‍പൊക്കെ കാട്ടാനകളെ പിടിച്ചിരിന്നുവെങ്കിലും 1977 -ഓടേ ആനപിടുത്തം അവസാനിപ്പിച്ചു.

പുതുതായി പണിത ഓഫീസ് കെട്ടിടവും, മ്യൂസിയവും ഒക്കെ നല്ല ഭംഗിയുണ്ട്.

ഞങ്ങള്‍ ചെന്നപ്പോള്‍ അവിടെ നാല് ആനകള്‍ ഉണ്ടായിരുന്നു. സോമന്‍ 65, പ്രിയദര്‍ശിനി 30, മീന 15, സുരേന്ദ്രന്‍ 9 എന്നിവര്‍. വേറെവിടേക്കോ ഒരു കൊമ്പനു കൂട്ടായി ഒരു പിടിയാനയെ താമസിയാതെ അയക്കുമെന്ന് അധികൃതര്‍ അന്ന് പറഞിരുന്നു.

കമ്പകം എന്ന തടിയാണ് ആനക്കൂട് നിര്‍മ്മിക്കാന്‍ ഉപയോഗിച്ചിരിക്കുന്നത്. (ചിത്രത്തില്‍ ക്ലിക്കി നോക്കിയാല്‍ എഴുതിയിരിക്കുന്നത് വായിക്കാം.)

ഇവിടെയാ‍ണ് ആനകളെ താമസിപ്പിച്ചിരിക്കുന്നത്. ഭക്ഷണവും മറ്റും കൊടുക്കുന്നത് ഇവിടെയാണ്. (പടങ്ങള്‍ക്ക് ചില പ്രശ്നങ്ങളൊക്കെയുണ്ട്. എന്തുകൊണ്ടാണെന്നു പിന്നെ പറയാം)

ആനപ്പടങ്ങള്‍-ഭാഗം2

എണ്റ്റെ കേരളം, എത്ര സുന്ദരം...

2007-08-05T13:46:00.000+05:30

ചിക്കന്‍ ഗുനിയ, തക്കാളി പനി, ഡങ്കി പനി, എലിപനി...
പേരറിയാത്ത ഒട്ടനവധി രോഗങ്ങള്‍ പിന്നെയും...
രോഗം പരത്തുന്ന വൃത്തിഹീനങ്ങളായ ആശുപത്രികള്‍. ..
സഹായിക്കാന്‍ ആരുമില്ലാതെ വേദന കൊണ്ടു നട്ടം തിരിയുന്ന രോഗികള്‍...
സ്വിമ്മിംഗ്‌ പൂളുകളായി തീര്‍ന്ന റോഡുകള്‍...
ഭരിക്കാനറിയാത്ത മന്ത്രിമാര്‍; അറിയാവുന്നവരെ അതിനു സമ്മതിക്കാത്ത രാഷ്ട്രീയക്കാര്‍. ..
അഴിമതി കറ പുരണ്ട രാഷ്ട്രീയ ഉദ്യോഗസ്ത വൃന്ദങ്ങള്‍...
പണം കൊണ്ടു ഫേഷ്യല്‍ ചെയ്യുന്ന കള്ള പ്രമാണിമാര്‍...
കടം കേറി(?) ആത്മഹത്യ ചെയ്യുന്ന മനുഷ്യ കോലങ്ങള്‍..
വിദ്യാഭ്യാസരംഗത്തെ അഭ്യാസക്കുളമാക്കിയ പക്ഷങ്ങള്‍.. .
അദ്ധ്യാപകനെ തല്ലുന്ന വിദ്യാര്‍ത്ഥികള്‍ ; വിദ്യാര്‍ത്ഥികളെ പേടിക്കുന്ന അദ്ധ്യാപകര്‍...
സ്ത്രീ പീഠനം, സെക്സ്‌ റായ്ക്കറ്റ്‌- എത്രയായിട്ടും പഠിക്കാത്ത പെണ്‍കുട്ടികള്‍. ..
വിവാഹപൂര്‍വ്വ ലൈംഗികത സ്റ്റാറ്റസ്സായി കൊണ്ടു നടക്കുന്ന പുത്തന്‍ തലമുറ... (ആണിനു വേണ്ടാത്തത്‌ ഞങ്ങള്‍ക്കുമാത്രമെന്തിനെന്ന പെങ്കുട്ടികളുടെ ചോദ്യത്തിനു മറുപടിയില്ല)
സ്ത്രീയെ ഏറ്റവും വില കുറഞ്ഞ commodity (ചരക്കായി )കാണുന്ന പുരുഷ മനസ്സുകള്‍....
ജാതിയുടെയും, മതത്തിണ്റ്റെയും പേരില്‍ കലപില...
പാവം ദൈവങ്ങളുടെ പേരില്‍ കശപിശ...
ദൈവങ്ങള്‍ ജീവനും കൊണ്ടോടി പോയ അമ്പലങ്ങളും, പള്ളികളും...
തമ്മലടിക്കുന്ന സഹോദരങ്ങള്‍ ; മക്കളെ തമ്മില്‍ തല്ലിക്കുന്ന മാതാപിതാക്കള്‍...
ആരാനു വേണ്ടി എന്ന്‌ ഓരോരുത്തരും കരുതുന്ന പൊള്ളയായ സദാചാര സംഹിതകള്‍.. ....
കണ്ണും, കാതും, മനസാക്ഷിയും നഷ്ടപ്പെട്ട ജനസമൂഹം...
ഹാ... എണ്റ്റെ കേരളം, എത്ര സുന്ദരം...

കേരളമെന്നു കേട്ടാല്‍ അന്തരംഗം അപമാനപൂരിതമാവാന്‍ ഇത്രയൊക്കെ പോരെ......
ഇനിയും ഒരുപാടുണ്ട്‌. പക്ഷേ ഈ ബ്ളോഗും , ജന്‍മവും മതിയാവില്ല എഴുതി തീര്‍ക്കുവാന്‍.

ഓ! ഒന്നു മറന്നു... വിമര്‍ശനത്തിനതീതരായ കോടതിയും, മാധ്യമങ്ങളും അതു മാത്രമുണ്ടഭിമാനിക്കാന്‍!!!

ഗോനുവിനു ശേഷം

2007-06-09T19:30:00.000+05:30

അത്യന്തം വിനാശകാരിയായ catagery 5 ല്‍ പെട്ട ഗോനു ചുഴലിക്കാറ്റ്‌ ബുധനാഴ്ച ഒമാണ്റ്റെ വടക്കു കിഴക്കന്‍ ഭാഗങ്ങളില്‍ കനത്ത നാശനഷ്ടങ്ങള്‍ വരുത്തുകയുണ്ടായി.

മസ്കറ്റില്‍ നിന്നും ഏകദേശം 125 km അകലെയാണ്‌ ഞങ്ങള്‍ താമസിക്കുന്നത്‌. ഇവിടെ വ്യാഴാഴ്ച പുലര്‍ച്ചെ 3 മണിയോടെ ഗോനു എത്തുമെന്നാണ്‌ പറയപ്പെട്ടിരുന്നത്‌. ഏകദേശം രണ്ടര മണിയായപ്പോള്‍ കരണ്ട്‌ പോയി. ഗൊനു എത്താറായെന്നു തന്നെ കരുതി. പക്ഷേ 10 മിനുട്ടിനു ശേഷം കറണ്ടു വന്നു. ഒന്നൊളിഞ്ഞു പോലും നോക്കാതെ ഗോനു എവിടെയോ പോയി മറഞ്ഞു. ഗോനുവിനേയും പ്രതീക്ഷിച്ചു കിടക്കുമ്പോള്‍, ചന്ദ്രനില്‍ പോയാലും ,എവറസ്റ്റ്‌ കീഴടക്കിയാലും ,ഇംഗീഷ്‌ ചാനല്‍ നീന്തി കടന്നലും ,ബഹിരാകാശ സഞ്ചാരം നടത്തിയാലും പ്രകൃതിയുടെ മുന്‍പില്‍ മനുഷന്‍ എത്രയോ നിസ്സാരന്‍ എന്ന്‌ ഓര്‍ത്തുപോയി.

ഇന്നലെ വൈകുംനേരം സീബിലുള്ള (മസ്കറ്റിനും 40 കിലോമീറ്ററോളം മുന്‍പ്‌. ) വരെ പോയിരുന്നു. അപ്പോള്‍ കണ്ട ചില കാഴ്ച്ചകളാണ്‌ താഴെ. ഇതൊന്നുമല്ല യഥാര്‍ഥ കാഴ്ചകള്‍. അവിടേക്ക്‌ പോയില്ല.

മസ്കറ്റില്‍ ക്വറിയാത്ത്‌ എന്ന സ്ഥലത്താണ്‌ ഏറ്റവുമധികം നാശനഷ്ടങ്ങള്‍ ഉണ്ടായിട്ടുള്ളത്‌. ഏകദേശം 35 പേരോളം മരണപ്പെട്ടതായാണ്‌ കണക്ക്‌.

മസ്കറ്റില്‍ അക്ഷരാര്‍ഥത്തില്‍ ജനജീവിതം സ്തംഭിച്ചിരിക്കുകയാണ്‌. വൈദ്യുതി ബന്ധം ഇനിയും പല സ്ഥലങ്ങളികും പുനഃസ്ഥാപിക്കപ്പെട്ടിട്ടില്ല.

ജല ദൌര്‍ലഭ്യമാണ്‌ ജനങ്ങള്‍ നേരിടുന്ന ഏറ്റവും വലിയ പ്രശ്നം. മസ്കറ്റിലുള്ള ഞങ്ങളുടെ ഒരു ബന്ധു രണ്ടു ദിവസമായി അടുത്തുള്ള ഒരു ഹോട്ടലിനെയാണ്‌ പ്രഭാതകര്‍മ്മക്കായി ആശ്രയിക്കുന്നത്‌. Simming pool ലെ വെള്ളം filter ചെയ്താണ്‌ അവിടെ ഉപയോഗിക്കുന്നതെന്നാണ്‌ അറിയാന്‍ കഴിഞ്ഞത്‌. ചോറു വയ്ക്കാന്‍ കൂടുതല്‍ വെള്ളം വേണ്ടിവരുമെന്നതു കൊണ്ട്‌ മൂന്നു നേരവും ചപ്പാത്തി തന്നെയാണ്‌ ഉണ്ടാക്കുന്നത്‌. ഡിസ്പോസിബിള്‍ പ്ളേറ്റുകളൂം ഗ്ളാസ്സുകളൂമാണ്‌ ഭക്ഷണം കഴിക്കാനും മറ്റുമായി ഉപയോഗിക്കുന്നത്‌.

Climate ണ്റ്റെ പ്രത്യേകത കൊണ്ട്‌ വെള്ളം കെട്ടികിടന്ന്‌ നാട്ടിലെ പോലെ പകര്‍ച്ചവ്യാധികളുണ്ടാവാനുള്ള സാധ്യത കുറവാണ്‌.

പലരും കുളിച്ചിട്ട്‌ 3 ദിവസത്തിലേറെയായി. കരണ്ട്‌ ഇല്ലാത്തതു കൊണ്ട്‌ A/C യും പ്രവര്‍ത്തിക്കുന്നില്ല. എന്നാല്‍ കാറ്റും മഴയും ശമിച്ചതോടെ ചൂട്‌ പഴയപടിയാവുകയും ചെയ്തിരിക്കുന്നു.

കടകളൊക്കെ തുറന്നു പ്രവര്‍ത്തിച്ചു തുടങ്ങിയിട്ടുണ്ട്‌. പക്ഷെ കൈയ്യില്‍ പൈസയുള്ളവര്‍ക്കു മാത്രം എന്തെങ്കിലും വാങ്ങാം. മിക്കവരും ഇപ്പോള്‍ ATM കാര്‍ഡാണല്ലോ ഉപയോഗിക്കുന്നത്‌. മെഷീനുകളും മറ്റു കമ്പുട്ടര്‍ സംവിധാനങ്ങളും തകരാറിലായിരിക്കുന്നതു കൊണ്ട്‌ പൈസ എടുക്കാന്‍ സാധിക്കാത്ത അവസ്ഥയാണ്‌.

വിജനമായി കിടക്കുന്ന Muscat city center ണ്റ്റെ roof parking area . മിക്കവാറും ദിവസങ്ങളില്‍ പ്രത്യേകിച്ചും , വെള്ളിയാഴ്ച്ച വൈകുന്നേരങ്ങളില്‍ പാര്‍ക്കിംഗ്‌ കിട്ടാറെയില്ലന്നതാണ്‌ അനുഭവം.

ഗോനുവിനു മുന്‍പില്‍ എല്ലാവരും സമന്‍മാര്‍. വലിയവനും ചെറിയവനും, പാവപ്പെട്ടവനും പണക്കാരനും, ഇന്ത്യക്കാരനും പാക്കിസ്താനിയും അമേരിക്കകാരനും, ഹിന്ദുവും ക്രിസ്ത്യാനിയും മുസ്ളിമും, സ്തീയും പുരുഷനും എല്ലാവരും. ഗോനു സംഹാരതാണ്ഢവമാടിയ നിമിഷങ്ങളില്‍ ഇന്നലെ വരെ തമ്മിലടിച്ചു കഴിഞ്ഞവരും ഒന്നിച്ച്‌ ഒരേ കാര്യം തന്നെയാവുമല്ലോ പ്രാര്‍ഥിച്ചിട്ടുണ്ടാവുക.

ഗോനുവിനു നാലു ദിവസങ്ങള്‍ക്കു ശേഷം ഒമാനില്‍ ജനജീവിതം സാധാരണ രീതിയിലേക്ക്‌ മടങ്ങുകയാണ്‌.
ഞാനും; എണ്റ്റെ അഹങ്കാരങ്ങളിലേക്ക്‌.

കൂടുതല്‍ ചിത്രങ്ങള്‍

Ref: First photo by Gulf News.

കടുവയെ പിടിച്ച കിടുവ.

2007-05-24T19:32:00.000+05:30

എല്ലാവര്‍ക്കും നമസ്കാരം.
നമ്മുടെ അപ്പൂസിണ്റ്റെ ഈ പോസ്റ്റ്‌ കണ്ടതിനു ശേഷം ഒരു ക്യാമറാമാനു വന്ന മാറ്റങ്ങളാണ്‌ ഈ പോസ്റ്റിണ്റ്റെ പ്രദിപാദ്യ വിഷയം.

പ്രസ്തുത പോസ്റ്റ്‌ കാണുന്നതിനു മുന്‍പ്‌ ഇദ്ദേഹം എടുത്തുകൊണ്ടിരുന്ന ചില പോട്ടോവുകളുടെ സാമ്പിളുകളാണ്‌ താഴെ കാണുന്നവ.

ഇത്‌ ഒട്ടകം. പ്രധാനമായും മരുഭൂമികളില്‍ കണ്ടു വരുന്നു.

ഒന്നും കാണുന്നില്ലെ , ഒന്നു ഞെക്കി വലുതാക്കി നോക്കൂ . ചിലപ്പോള്‍ എന്തെങ്കിലും കാണുവാരിക്കും. ഇതിന്‌ കയര്‍ എന്നു പറയും . ക്ഷമിക്കണം. ഇതൊരു ജീവിയല്ല. ഇതിനെ പറ്റി കൂടുതല്‍ അറിയാന്‍ ആലപ്പുഴ പ്രദേശങ്ങളില്‍ പോയി നോക്കുന്നത്‌ നന്നായിരിക്കും.

പ്രസ്തുത പോസ്റ്റ്‌ കണ്ടതിനു ശേഷമെടുത്ത പോട്ടൊവുകളാണ്‌ ഇനിയുള്ളവ.

ഇത്‌ ഒമാനില്‍ കാണുന്ന ഒരിനം ഈച്ചയാണ്‌. ഇംഗളീഷില്‍ ഇവനെ ഫ്ള്യ്കൊ ഒമാനിയോ എന്നു പറയും. കൂടുതലറിയാന്‍ ഈ ലിങ്ക്‌ സഹായിക്കും.

ഇതു ഒമാനില്‍ സുവൈക്ക്‌ എന്ന സ്ഥലത്ത്‌ ഒരു വീട്ടിനു സമീപം കാണപ്പെടുന്ന ഒരിനം ഓന്താണ്‌.

ഇവന്‍ ഇംഗളീഷില്‍ ഓന്താര്‍ഡോ സുവൈക്കോ എന്നറിയപ്പെടുന്നു. കൂടുതലറിയണമെന്നുള്ളവര്‍ ആ വീട്ടുകാരെ contact ചെയ്യുക.

അടുത്തതായി കിളി വര്‍ഗ്ഗത്തില്‍ പെട്ട ഒരു ജീവിയാണ്‌.

അറബിക്കില്‍ ഇവന്‌ മാഫി മാലൂങ്ഗോ എന്നാണ്‌ പേര്‍. ഈ ലിങ്കില്‍ ഞെക്കിയാലും ഞെക്കിയില്ലെങ്കിലും ഒന്നും കിട്ടാന്‍ പോകുന്നില്ല.

ഇത്രയൊക്കെ ആയപ്പോള്‍ ഇതു കണ്ടുകൊണ്ടിരുന്ന എനിക്കും ഒരു പൂതി. അങ്ങനെ ആ ക്യാമറ പിടിച്ചു വാങ്ങി ഞാനും എടുത്തു ഒരു ജീവിയുടെ ഫോട്ടോവ്‌. അതാണ്‌ താഴെ കാണുന്ന മൂന്നു ചിത്രങ്ങള്‍.

ഈ ജീവിയുടെ ഒരു പ്രത്യേകത എന്താണെന്നു വച്ചാല്‍ എല്ല ഭാഷയിലും ഇദ്ദേഹം ഒരു പേരില്‍ തന്നെയാണ്‌ അറിയപ്പെടുന്നതെന്നുള്ളതാണ്‌. ഹോമോ സാപ്പിയന്‍സ്‌ എന്ന ഇനത്തില്‍ പെടുന്നു. ലിങ്ക്‌ ചോദിക്കരുത്‌. തരത്തില്ല.

ഈ കടുവ ഏതോ ഇരയെ തിരയുകയാണെന്നു തോന്നുന്നു. എന്തോ തടഞ്ഞ മട്ടുണ്ടല്ലോ.

കടുവയെ പിടിച്ച കിടുവയോ എന്നുണ്ടല്ലോ നോട്ടം കണ്ടാല്‍.

(എണ്റ്റീശ്വരാ.. ഇപ്പം ചിരിക്കുന്നുണ്ടെങ്കിലും ഭാവം മാറിയാലോ. സ്ഥലം വിടുന്നതു തന്നെ നല്ലത്‌. ആത്മഗതം. )

അപ്പോള്‍ സമയക്കുറവു മൂലം ഇവിടെ വച്ചു നിര്‍ത്തുകയാണ്‌. ഈ കത്തി സഹിച്ചിരുന്ന്‌ കണ്ടും, കേട്ടും അല്ല വായിച്ചും വെറുതെ സമയം കളഞ്ഞ എല്ലാവര്‍ക്കും നന്ദി, നമസ്കാരം.
:
:
:
അയ്യൊ ..അമ്മേ ...എണ്റ്റെ നടുവേ........

മൂന്നാര്‍ നല്‍കുന്ന സന്ദേശം

2007-05-22T12:30:00.000+05:30

ഓരോ വര്‍ഷവും നാട്ടില്‍ പോയി തിരികെയെത്തുന്നത്‌ അസ്വസ്ഥത നിറഞ്ഞ മനസ്സുമായാണ്‌. ഏഴു വര്‍ഷം മുന്‍പ്‌ ഞാന്‍ പോരുമ്പോളുള്ള നാട്ടിന്‍ പുറമല്ല ഇപ്പോളുള്ളത്‌. പണ്ടൊക്കെ അഴിമതി സമ്പന്ന വര്‍ഗ്ഗങ്ങള്‍ക്കിടയിലോ അല്ലെങ്കില്‍ നഗരങ്ങളെ കേന്ദ്രീകൃതമായോ നടക്കുന്ന ഒരു സംഭവമാണെന്നായിരുന്നു ധാരണ. ഇന്ന്‌ പണം, അതെങ്ങനെ നേടിയതാണെങ്കിലും മാന്യതയുടെ സിംബലായി മാറിയിരിക്കുന്നു. അഴിമതി ഒരു പകര്‍ച്ചവ്യാധി പോലെ സമൂഹമാകെ പടര്‍ന്നു പിടിച്ചിരിക്കുന്നു. മൂല്യങ്ങള്‍ക്ക്‌ യാതൊരു വിലയുമില്ലാതായിരിക്കുന്നു. ജീവിതമൂല്യങ്ങലെ കുറിച്ച്‌ സംസാരിക്കുന്നവനെ വേറിട്ട കാഴ്ചയായി നോക്കിക്കാണുന്നു. സര്‍ക്കാരുകള്‍ക്കോ മറ്റു ഭരണകേന്ദ്രങ്ങല്‍ക്കോ ഇതിനെതിരായി ഒന്നും ചെയ്യനാകാത്ത വിധം, ഒരു സംസ്കാരമായി അഴിമതി മാറിയിരിക്കുന്നതു കാണേണ്ടി വരുന്ന ഒരു സാധാരണക്കാരണ്റ്റെ നിസ്സഹായാവസ്ഥയില്‍ നിന്നു വേണം മൂന്നാറിലെ സംഭവങ്ങളെ നോക്കി കാണുവാന്‍.

വീയെസ്സിണ്റ്റെ ചെയ്തികളെ പല തരത്തില്‍ നോക്കിക്കണുന്നവരുണ്ടാകും. അതവിടെ നില്‍ക്കട്ടെ. ഈ ഒരു പ്രവൃത്തി മൂലം സമൂഹത്തിനാകെ ഒരുണര്‍വ്‌ സംഭവിച്ചുണ്ടെന്നു സമ്മതിക്കാതെ വയ്യ. പ്രതീക്ഷയുടെ ചെറു നാമ്പുകള്‍ എവിടെയൊക്കെയോ മുളച്ചിരിക്കുന്നു. കുറ്റാക്കൂരിരുട്ടില്‍ ഒരു മിന്നാമിനുങ്ങിണ്റ്റെ ചെറുവെട്ടം കാണുമ്പോഴുള്ള സന്തോഷം. അങ്ങിനെ ഒരുപാടു മിന്നാമിനുങ്ങുകള്‍ വരട്ടെ. അതിനായി നമുക്കു പ്രാര്‍ഥിക്കാം. പൂര്‍ണമായ വെളിച്ചം നല്‍കാനാവില്ലായിരിക്കും, എങ്കിലും ഇരുട്ടില്‍ തപ്പിത്തടയണ്ടല്ലോ.

വാല്‍ക്കഷണം:
ഒറ്റക്കു മിടുക്കനാവണ്ട എന്ന്‌ പിണറായി പറഞ്ഞതായി ഏഷ്യാനെറ്റ്‌ ഭാഷ്യം. ഏഷ്യാനെറ്റ്‌ മനോരമയുടെ നിലവാരത്തിലെത്തിയോ?

പിന്നെ പ്രതേകിച്ച്‌ എന്തിനൊരു Mothers Day

2007-05-13T12:27:00.000+05:30

ഞാനൊരു മകളാണ്‌.

മക്കളെ വളര്‍ത്തിയതിണ്റ്റെ ബുദ്ധിമുട്ടുകളെക്കുറിച്ചോ മക്കള്‍ക്ക്‌ തന്നോടുള്ള കടപ്പാടിനെക്കുറിച്ചോ ഒരിക്കല്‍പ്പോലും പറഞ്ഞിട്ടില്ലാത്ത എണ്റ്റെ അമ്മയെ ഓര്‍ക്കാത്ത ഒരു ദിവസം പോലും എണ്റ്റെ ജീവിതത്തിലില്ല.
പിന്നെ പ്രത്യേകിച്ച്‌ എന്തിനൊരു Mothers Day?

ഞാന്‍ ഒരമ്മയാണ്‍`

എണ്റ്റെ കുട്ടികളെ സൃഷ്ടിച്ച എനിക്ക്‌ അവരോടാണ്‍` ഉത്തരവാദിത്വവും കടമയും വേണ്ടതെന്ന് ഓരോ നിമിഷവും ഞാന്‍ എന്നെ ഓര്‍മ്മിപ്പിക്കുന്നു.
പിന്നെ പ്രതേകിച്ച്‌ എന്തിനൊരു Mothers Day?

ദാണ്ടേ കൈപ്പള്ളിയുടെ T.V Interview

2007-05-11T01:40:00.000+05:30

കൈപ്പള്ളിയുടെ Interview കാണാത്തവര്‍ക്കും, കണ്ടിട്ടും മുടി ശ്രദ്ധിക്കാതെ പോയവര്‍ക്കുമായി.

മെയില്‍ അയച്ചവര്‍ ശ്രദ്ധിക്കുമല്ലോ.

സ്പൈഡര്‍മാനും ചന്തുവും പിന്നെ ഞങ്ങളും

2007-05-05T12:46:00.000+05:30

എക്കാലത്തേയും ഏറ്റവും Expensive ആയ സിനിമ എന്നു വിശേഷിക്കപ്പെട്ടു കഴിഞ്ഞ സ്പൈഡര്‍മന്‍ 3 ഇന്നലെ release ആയിരിക്കുന്നു. 500 million ഡോളറിലധികം ചെലവഴിച്ചണ്‌ സോണി ഈ ചിത്രം നിര്‍മ്മച്ചിരിക്കുന്നത്‌. അതായത്‌ സ്പൈഡെര്‍മാന്‍ 2 വിനേക്കളും രണ്ടര മടങ്ങിലധികം തുക. 800 million ഡോളറിലധികം വരുമാനമാണ്‌ പ്രതീക്ഷിക്കുന്നത്‌.

സിനിമ എത്തിയതോടെ കച്ചവടക്കാരും ഉത്സാഹത്തിലാണ്‌. കുട്ടികളെ കളിപ്പിക്കാന്‍ ഇനി എന്തെല്ലാമാണാവോ വരാന്‍ പോകുന്നത്‌? രണ്ടു മാസം മുന്‍പ്‌ ചന്തുവിന്‌ (ഞങ്ങളുടെ മകന്‍) നാലര റിയാല്‍ (1RO = Rs.110) കൊടുത്ത്‌ സ്പൈഡര്‍മാണ്റ്റെ പടം ഉള്ള toy phone ഒരു വാങ്ങി . അഞ്ചു മിനുട്ടു പോലും ഉപയോഗിച്ചില്ല . അതിനു മുന്‍പ്‌ അതു കേടായി. രണ്ടര വയസ്സുള്ള മകനെ ആശ്വസിപ്പിക്കാന്‍ പെട്ട പാട്‌. അതുപോലെ ഞങ്ങളുടെ ഒരു അയല്‍ വാസി ഏഴര റിയാലിന്‌ ഒരു Bed sheet വാങ്ങി. ഒരു നന കഴിഞ്ഞപ്പോള്‍ നല്ല ചുവന്നിരുന്ന സ്പൈഡറ്‍ മാന്‍ വെളുത്തു നരച്ചു പോയി. ആശിച്ചു വാങ്ങിയ sheet ഇങ്ങനെയായതു കണ്ട കുട്ടികള്‍ ആകെ നിരാശരായി.

ഇനി കുറേ നാളത്തേക്ക്‌ shopping വേണ്ടെന്നു വച്ചാലോ എന്നാലോചിക്കുകയാണ്‌.

ആ അതെന്തുവെങ്കിലും ആകട്ട്‌ , ഇതൊന്നു കണ്ടു നോക്ക്‌.

വാഴക്കൊല

2007-05-01T11:49:00.000+05:30

മുറ്റത്തെ വാഴ കുലച്ചപ്പോള്‍.

പാകമാകുമ്പോള്‍ എല്ലാവരും വന്നു കഴിച്ചോണേ.... :-j

സുഹൃത്ത്‌- ചെയ്യേണ്ടതും ചെയ്യരുതാത്തതും

2007-04-24T14:01:00.000+05:30

സുഹൃത്ത്‌- ചെയ്യേണ്ടതും ചെയ്യരുതാത്തതും; ഇങ്ങനെയൊരു post എഴുതാന്‍ പ്രചോദനമായത്‌ ശ്രീയുടെ സൌഹൃദങ്ങള്‍ നശിക്കുന്നതെങ്ങനെ എന്ന പോസ്റ്റാണ്‌. സൌഹൃദങ്ങളുടെ അര്‍ത്ഥം എന്ന് ഞാന്‍ മുന്‍പ്‌ ഒരു പോസ്റ്റ്‌ ഇട്ടിരുന്നു ഇവിടെ.

ഒരു യഥാര്‍ത്ഥ സുഹൃത്ത്‌:-

ചെയ്യേണ്ടത്‌- നമ്മുടെ എല്ല കുറ്റങ്ങളും കുറവുകളും കണ്ടുപിടിച്ച്‌ നമ്മോടു പറയുക.
ചെയ്യരുതാത്തത്‌- മറ്റുള്ളവരുടെ മുന്‍പില്‍ നമ്മടെ ന്യൂനതകള്‍ പറയരുത്‌.

ഇന്ന്‌ പലരും ഇതിന്‍' നേരെ വിപരീതമാണ്‌ ചെയ്യുന്നത്‌. അതായത്‌ ഒന്നിണ്റ്റെ സ്ഥാനത്ത്‌ രണ്ടും, രണ്ടിണ്റ്റെ സ്ഥാനത്ത്‌ ഒന്നും. തീര്‍ച്ചയായും ഇതിന്‍ വേറൊരു വശവും കൂടിയുണ്ട്‌. സ്വന്തം കുറുവുകള്‍ പറഞ്ഞു തരുന്ന ഒരുവനെ അല്ലെങ്കില്‍ ഒരുവളെ സുഹൃത്തായി അംഗീകരിക്കാന്‍ എത്രപേര്‍ തയ്യറാവും. നേരെ മറിച്ച്‌ സത്യമല്ലെങ്കില്‍ കൂടി തന്നെ പൊക്കിപറയുകയും മറ്റുള്ളവണ്റ്റെ കുറ്റം പറയുകയും ചെയ്യുന്നവനെ എല്ലാവരും ഇഷ്ടപ്പെടുന്നു.

ഇനി നിങ്ങള്‍ നിങ്ങളൂടെ മനഃസാക്ഷിയോടു ചോദിച്ചു നോക്കൂ, നിങ്ങള്‍ എത്ര പേരുടെ സുഹൃത്താണെന്ന്‌. ഒന്നുകൂടി; നിങ്ങള്‍ സുഹൃത്തുക്കളാണെന്നു കരുതുന്ന എത്രപേര്‍ യഥാര്‍ത്ഥത്തില്‍ നിങ്ങളുടെ സുഹൃത്തുക്കളാണ്‌.

ഒരു കാര്യം വിട്ടു പോയി. മനഃസാക്ഷിയോടു ചോദിക്കുന്നതുനു മുന്‍പ്‌ ഒരു കാര്യം ചെയ്യാനുണ്ട്‌. ചിലപ്പോള്‍ പുള്ളി വര്‍ഷങ്ങളായി കുംഭകര്‍ണസേവയിലായിരിക്കും. I-) അതല്ലെങ്കില്‍ നിങ്ങള്‍ ബോധപൂര്‍വം എന്തെങ്കിലും മയക്കുമരുന്ന്‌ കൊടുത്ത്‌ പാവത്തിനെ മയക്കി കിടത്തിയിരിക്കുകയായിരിക്കും. അങ്ങനെ ചോദിച്ചാല്‍ ശരിയായ ഉത്തരം കിട്ടില്ല. (ഇക്കാര്യത്തിനു മാത്രമല്ല, പല കാര്യങ്ങള്‍ക്കും). അപ്പോള്‍ പറഞ്ഞു വന്നത്‌ , മനഃസാക്ഷിയെന്നു പറയുന്ന സാധുവിനെ വിളിച്ചുണര്‍ത്തി, നല്ല പച്ചവെള്ളത്തില്‍ ഒന്നു കുളിപ്പിച്ച്‌ കുട്ടപ്പനാക്കിയിട്ടു വേണം ചോദ്യങ്ങള്‍ ചോദിക്കുവാന്‍. പുള്ളി ചറചറാന്നു പറയുന്ന പല സത്യങ്ങളും കേട്ട്‌ ബൊധം കെട്ടു താഴെ വീഴരുത്‌. അഥവാ വീണാല്‍, ഞാന്‍ ഒരുതരത്തിലും അതിന്‌ ഉത്തരവാദിയായിരിക്കുന്നതല്ല. :-h

അടിക്കുറിപ്പ്‌
ഉണര്‍ത്തിവച്ച മനഃസാക്ഷിയെ ഇനിയൊരിക്കലും ഉറങ്ങാന്‍ വിടരുത്‌. [-O<

കുട്ടികളെ ഉറങ്ങാന്‍ അനുവദിക്കൂ....

2007-04-19T11:41:00.000+05:30

കഴിഞ്ഞ ഒരു ദിവസം പത്താം ക്ളാസ്സില്‍ പഠിക്കുന്ന ഒരു കുട്ടിയേയും അമ്മയേയും കാണാനിടയായി.ഒരു റോഡപകടത്തില്‍ ഭര്‍ത്താവു നഷപ്പെട്ട ആ സ്ത്രീ ഇവിടെ ഒമാനി സ്കൂളില്‍ ടീച്ചറായി ജോലി ചെയ്യുന്നു. പൊതുവെ വളരെ ബോള്‍ഡായ അവര്‍ അന്ന്‌ വളരെ അസ്വസ്ഥയായി കാണപ്പെട്ടു. കാരണം തിരക്കിയപ്പോള്‍ മകണ്റ്റെ പഠനത്തെ ക്കുറിച്ചുള്ള ഉത്കണ്ഠയാണെന്നു പറഞ്ഞു.പല വിഷയങ്ങള്‍ക്കും മാര്‍ക്ക്‌ കുറവായതു കൊണ്ട്‌ വാര്‍നിങ്ങോടെയാണ്‌ അവനെ 10 ക്ളാസ്സിലേക്ക്‌ promote ചെയ്തിരിക്കുന്നത്‌. അവര്‍ പറഞ്ഞത്‌ വീട്ടിലിരുന്ന്‌ അവന്‍ എല്ലാം പഠിച്ചിരുന്നുവെന്നും പച്ചവെള്ളം പോലെ എല്ലാം അവന്‌ അറിയാമായിരുന്നുവെന്നുമാണ്‌.

അവണ്റ്റെ പഠന രീതികളെ പറ്റി കൂടുതല്‍ ചോദിച്ചപ്പോളാണ്‌ കാര്യം പിടികിട്ടിയത്‌. പരീക്ഷയ്ക്കു മുന്‍പുള്ള ഒന്നര മാസക്കാലം ദിവസം രണ്ടോ മൂന്നോ മണിക്കൂറ്‍ മാത്രമാണ്‌ അവന്‍ ഉറങ്ങിയിരുന്നത്‌. Social science പരീക്ഷയുടെ അന്ന്‌ പരീക്ഷാ ഹാളില്‍ മയങ്ങി വീഴുകയും ചെയ്തു. പിന്നീട്‌ ആ കുട്ടിയോട്‌ സംസാരിച്ചപ്പോള്‍ പറഞ്ഞത്‌,പഠിച്ച പല കാര്യങ്ങളൂം കൃത്യമായി വേര്‍തിരിച്ചെടുക്കാന്‍ പോലും കഴിഞ്ഞില്ല എന്നാണ്‌.

പഠനവും ഉറക്കവും തമ്മില്‍ വളരെയധികം ബന്ധപ്പെട്ടിരിക്കുന്നു. കുറച്ച്നാള്‍ മുന്‍പ്‌ എവിടെയോ ഇതേപറ്റി വായിച്ചതാണ്‌. ഒരാഴ്ച്ച മുഴുവന്‍ കഷ്ടപ്പെട്ടു പഠിക്കുന്ന ഒരു കുട്ടി വാരാന്ത്യത്തില്‍ ഒറക്കമുളച്ചാല്‍ പഠിച്ച പല കാര്യങ്ങലും മറക്കാനുള്ള സാധ്യത വളരെയധികമാണ്‌. ഒരു പ്രധാന കാര്യം പഠിച്ചതിനു ശേഷം അന്നു രാത്രി ഉറക്കമുളച്ചാല്‍ പഠിച്ചതിണ്റ്റെ 30% ത്തിലധികം മറക്കാനുള്ള സാധ്യതയുണ്ട്‌. രണ്ടാമത്തെ ദിവസം ഉറക്കമുളച്ചാല്‍ വലിയ കുഴപ്പമില്ല. പക്ഷേ മൂന്നമത്തെ ദിവസം ഉറക്കം നഷ്ടപ്പെട്ടാലും എതുതന്നെ സംഭവിക്കും. വെള്ളിയാഴ്ച്ച ദിവസം ഉറക്കമുളച്ചാല്‍ അത്‌ വെള്ളിയാഴ്ച്ച പഠിച്ച കാര്യങ്ങളേയും ബുധനാഴ്ച്ച പഠിച്ച കാര്യങ്ങളേയും ബാധിക്കും. ശനിയാഴ്ച ഉറക്കമിളച്ചാല്‍ വ്യാഴാഴ്ച്ചത്തെ പഠനത്തെയാണ്‌ ബാധിക്കുന്നത്‌.

അതുകൊണ്ട്‌ കുട്ടികള്‍ക്ക്‌ ദിവസം 7-8 മണിക്കൂറെങ്കിലും ഉറങ്ങാന്‍ സമയം കൊടുക്കേണ്ടതാണ്‌. അല്ലെങ്കില്‍ ഗുണത്തേക്കാളേറെ ദോഷമാവും ഉണ്ടാവുക. പിന്നെ കുട്ടികളെ കുറ്റം പറഞ്ഞിട്ട്‌ കാര്യമില്ല.

ഉം..... ഉപദേശിക്കാന്‍ എന്താ സുഖം... ;)) ആഹാ

നാളെ ഒന്നാം ക്ളാസ്സിലേക്ക്‌

2007-04-03T13:43:00.000+05:30

മോള്‍ക്ക്‌ നാളെ school തുറക്കുന്നു. ഇനിയും ഒന്നാം ക്ളാസ്സില്‍. ജനുവരിയില്‍ അവള്‍ക്ക്‌ 5 വയസ്സ്‌ തികഞ്ഞിട്ടേയുള്ളൂ. ക്ളാസിലെ ഏറ്റവും പ്രായം കുറഞ്ഞ കുട്ടി മോളാണ്‌. uniform ഇട്ട്‌ School ല്‍ പോകാനുള്ള ആവേശത്തിലാണ്‌ കക്ഷി.

MAY BE YOU'LL THINK TWICE...THRICE.... DON'T CRY .....

2007-03-31T20:59:00.000+05:30

ഇന്ന്‌ രാജേഷിണ്റ്റെ റോഡപകടങ്ങള്‍ എന്ന ബ്ളോഗ്‌ കാണാനിടയായി. ആദ്യം കൊടുത്തിരിക്കുന്ന ചിത്രം കണ്ടപ്പോഴാണ്‌ കുറച്ചു നാള്‍ മുന്‍പ്‌ മെയിലില്‍ ആരോ ഫോര്‍വേഡു ചെയ്ത ഒരു Picture story യുടെ കാര്യം ഓര്‍മ്മ വന്നത്‌. കിട്ടിയ മെയില്‍ അതേ പോലെ തന്നെ post ചെയ്യുകയാണ്‌.

The Destiny of Someone due to the other who Drinks and Drives.....

This is Jaqueline Saburido on September 19, 1999.

This is she and her Father, 1998

Birthday party as a child.

At a party with friends.

The car in which Jacqueline travelled. She was hit by another car that was driven by a 17-year old male student on his way home after a couple of hard packs with his friends. This was in December 1999.

After the accident Jacqueline has needed over 40 operations.

Jacqueline was caught in the burning car and her body was heavily burnt during around 45 seconds.

With her Father, 2000.

Getting treatment.

Three months after accident.

Without a left eyelid Jacqie needs eyedrops to keep her vision.

He cannot forgive himself for driving drunk on that night.
He's aware of devastating Jaqcueline Saburido's life.

Not everyone who gets hit with a car dies. This picture was taken 4 years after the accident and the doctors are still working on Jacqueline, who's body was covered with 60% severe burnings.

അടുത്ത തവണ മദ്യപിച്ച്‌ DRIVE ചെയ്യുന്നതിനു മുന്‍പ്‌ ഒന്നാലോചിക്കൂ. നിങ്ങളുടെ ഒരു നിമിഷത്തെ അലസത ഒരു പക്ഷേ ഒരുപാടു പേരുടെ തീരാ നഷ്ടമായേക്കാം. ജീവിതകാലം മുഴുവന്‍ മറക്കനാവാത്ത വേദനയായി നിങ്ങളുടെയും.

ഒപിനിയന്‍സ്‌ വാണ്ടെഡ്‌

2007-03-29T11:58:00.000+05:30

ഒപിനിയന്‍സ്‌ വാണ്ടെഡ്‌

അമ്പട ഞാനെ എന്ന പേരു ഞാന്‍ മാറ്റണോ വേണ്ടായോ , ഇപ്പം പറഞ്ഞോണം. പിന്നെ അതും ഇതും പറഞ്ഞിട്ടു കാര്യമില്ല. ഇന്നലെ ഏറനാടനു പറ്റിയ പോലത്ത പറ്റു പറ്റാതിരിക്കാനാ ചോദിക്കുന്നത്‌. പുള്ളീക്കാരനെന്താ പറ്റീന്നറിയാന്‍ മനുഷ്യരായാല്‍ നന്ദി വേണം, നന്ദി* എന്ന പോസ്റ്റും, അതിണ്റ്റെ കമണ്റ്റുകളും നോക്കുക.
നോക്കിയല്ലൊ?:)) ഇനി പറ. ഞാന്‍ എടനല്ല , ഒരു എടിയാണെങ്കിലും അമ്പടി ഞാനെ എന്നു പറഞ്ഞാല്‍ ഒരു സുഖമില്ലല്ലോ. അതുകൊണ്ടാ അമ്പട ഞാനെ എന്നങ്ങിട്ടത്‌. ഈ പേരിനിയിപ്പോ മറ്റണമെങ്കില്‍ ഏതു പേരാ എണ്റ്റയൊരു സെറ്റപ്പു വച്ചു ചേരുക?~X(

നിര്‍ദ്ദേശങ്ങള്‍ സാദരം ക്ഷണിച്ചു കൊള്ളുന്നു.

*Update

They have deleted that post from their blog .
I received this letter from them first.

Hi ambada,
We encourage you to continue to make posts on vidarunnamottukal. Please be aware our intention of this post is to bring blogging to mainstream and also create an audience to read good bloggers. We also plan to commercialize these blog entries by publishing them in printed media. Your post was directed to cricket only and we are focussed on malayalam journalism and literature.
The last post you made does not fit into any category that we want to promote . We donot want to you to feel bad about it ,so it will remain in the blog . But in future please help us in achieving the goals of this blog post.

Thanks
Mobchannel Mentoring Team.

I don't know why they removed that post now.

Anyway, I am not a big writer and I have already mentioned about this in this blog. I didn't feel bad because I know my limitations and who am I. B-)

ഗീത ചേച്ചിയെ പേടിപ്പിച്ച കണ്‍മഷി

2007-03-27T13:41:00.000+05:30

ഗീതച്ചേച്ചി ഒമാനിലുള്ള ഞങ്ങളുടെ ഒരു സുഹൃത്താണ്‌. ചേച്ചിക്ക്‌ മിക്കവാറും പല അബദ്ധങ്ങളും പറ്റാറുണ്ട്‌. മറ്റുള്ളവരെ അബദ്ധ്ങ്ങളില്‍ കൊണ്ടു ചാടിക്കുന്നതും ചേച്ചിയുടെ അബദ്ധങ്ങളില്‍ പെടും. ചേച്ചിക്ക്‌ 42 വയസ്സോളം പ്രായമുണ്ട്‌.
കഴിഞ്ഞ ദിവസം പറ്റിയ ഒരു പറ്റിനെ കുറിച്ചാണ്‌ പറഞ്ഞു വരുന്നത്‌. ചേച്ചിക്ക്‌ എന്തു കിട്ടിയാലും അത്‌ ബ്ളൌസ്സിനുള്ളില്‍ വയ്ക്കുന്ന പതിവുണ്ട്‌. മിനഞ്ഞാന്ന്‌ വൈകിട്ട്‌ ഒരു വീട്ടില്‍ അത്താഴത്തിന്‌ വിളിച്ചിരുന്നു. ചേച്ചിയുടെ കണ്‍മഷി തീര്‍ന്നുപോയതുകൊണ്ട്‌ അവിടെ നിന്നും കുറച്ചു കണ്‍മഷി ചോദിച്ചു വാങ്ങി. ഒരു കടലാസ്സില്‍ പൊതിഞ്ഞാണ്‌ എടുത്തത്‌. സ്വാഭാവികമായും ചേച്ചി അത്‌ എവിടെയായിരിക്കും വച്ചതെന്ന്‌ ഊഹിക്കാമല്ലൊ.
അത്താഴമൊക്കെ കഴിഞ്ഞ്‌ തിരികെയെത്തിയപ്പൊല്‍ ഒരു നേരമായി. ആളൊരു ഉറക്കപ്രിയയും കൂടിയാണ്‌. ഒരു കണക്കിന്‌ ഡ്രെസ്സൊക്കെ മാറ്റി ഒരു നിമിഷം പോലും വൈയ്സ്റ്റാക്കാതെ കിടക്കയില്‍ ചെന്നു വീണു.

പിറ്റേദിവസത്തെ പതിവു പരിപാടികളെല്ലാം കഴിഞ്ഞ്‌ വൈകുംന്നേരം ആയപ്പോള്‍ ഒന്നു കുളിച്ചേക്കാമെന്നു കരുതി ബാത്‌ റൂമില്‍ കയറി വാതിലടച്ചു. പിന്നീട്‌ കേട്ടത്‌ കേട്ടത്‌ ഒരലര്‍ച്ചയാണ്‌. ഇടക്കിടയ്ക്ക്‌ പല പോസ്സുകളില്‍ ഉരുണ്ടു വീഴുന്ന കലാ പരിപാടി നടത്താറുള്ളതുകൊണ്ട്‌ T.V കണ്ടുകൊണ്ടിരുന്ന മകള്‍ കരുതിയത്‌ സംഗതി വീഴ്ചതന്നെയണെന്നാണ്‌. സ്ഥിരം പരിപാടിയായതു കൊണ്ട്‌ അവള്‍ കുറച്ചു സാവധാനത്തിലാണ്‌ എത്തിയത്‌. കാര്യം തിരക്കിയ അവള്‍ക്ക്‌ ഒന്നുമില്ല എന്ന മറുപടിയാണ്‌ കിട്ടിയത്‌. പിന്നീട്‌ അനക്കമൊന്നും കേട്ടില്ല.

കുളിയൊക്കെ കഴിഞ്ഞ്‌ മുടിയൊക്കെ ചീകി പൊട്ടൊക്കെ തൊട്ട്‌ സുന്ദരിയായി വന്ന അമ്മയോട്‌ മകള്‍ ചോദിച്ചു

"അമ്മ കണ്ണെഴുതിയില്ലേ ?ഇന്നലെ ആണ്റ്റിയുടെ അടുത്തു നിന്ന്‌ കണ്‍മഷി വാങ്ങിക്കുന്നതു കണ്ടല്ലോ"

"കണ്‍മഷി, കുന്തം... "
മകള്‍ക്ക്‌ ഒന്നും പിടികിട്ടിയില്ല. അവള്‍ പിന്നാലെ കൂടി

"അമ്മയ്ക്കിതെന്താ പറ്റിയത്‌?"

"ഹാര്‍ട്ട്‌ അറ്റായ്ക്ക്‌ വന്ന്‌ എണ്റ്റെ കാറ്റു പോകാഞ്ഞത്‌ നിണ്റ്റെ ഭാഗ്യം."

കണ്‍മഷിയും ഹാര്‍ട്ട്‌ അറ്റായ്ക്കും തമ്മിലെന്തു ബന്ധമെന്ന്‌ മകള്‍
പറയാതെ അവള്‍ വിടില്ലെന്ന്‌ ചേച്ചിക്കു മനസ്സിലായി.

" മറ്റേ സാധനം ഊരിമാറ്റിയപ്പോള്‍ ഞാന്‍ കണ്ട കാഴ്ച .... "

"വേണ്ടമ്മേ എനിക്കെല്ലാം മനസ്സിലായി "മകള്‍.

സംഗതി ഊരുന്നുതിനിടയില്‍ കടലാസ്സ്‌ താഴെപ്പോയത്‌ ചേച്ചി കണ്ടില്ല. ഇങ്ങനെയൊരു കാര്യം എടുത്തുവച്ചതിനെ കുറിച്ച്‌ പാവം മറന്നുപോവുകയും ചെയ്തു. കടലാസ്സൊക്കെ തുറന്ന്‌ കണ്‍മഷിയ്യൊക്കെ പുരണ്ട്‌ ആകെയൊരു പരുവമായിരുന്നു. ഒറ്റ ദിവസം കൊണ്ട്‌ ഇങ്ങനെയൊരു മാറ്റം കണ്ടാല്‍ ആരുടെയായാലും കാറ്റുപോയെനെയെന്നാണ്‌ ചേച്ചി പറയുന്നത്‌. ചേച്ചി കുറച്ചു ധൈര്യമുള്ള കൂട്ടത്തിലായതു കൊണ്ട്‌ ഒന്നും പറ്റിയില്ലെന്നു മാത്രം. B-)
കയ്യോടെ തന്നെ ചേച്ചി ഒരു പ്രതിജ്ഞയുമെടുത്തു. ഇനി മേലാല്‍ ഞാന്‍ ഒരു സാധനവും......... ല്‍ വയ്ക്കുന്നതല്ല.

കുറിപ്പ്‌
ഗീത എന്ന പേര്‌ യഥാര്‍ത്ഥത്തിലുള്ളതല്ല.

NCERT-Online Text Books

2007-03-26T11:53:00.000+05:30

ഗള്‍ഫില്‍ അടുത്ത അദ്ധ്യയന വര്‍ഷത്തേക്കുള്ള ക്ളാസ്സുകള്‍ തുടങ്ങി. മാറ്റമുള്ള പുസ്തകങ്ങള്‍ ഒന്നും കിട്ടിയിട്ടില്ല. NCERT യുടെ സൈറ്റില്‍ നിന്നും Text book കല്‍ download ചെയ്യാം. Adobe Reader ഇല്ലെങ്കില്‍ അത്‌ ആദ്യം download ചെയ്യണം.

http://www.download.com/Adobe-Reader/3000-2378_.html

Online Text Book കള്‍ ഇവിടെ നിന്നും download ചെയ്യാം.

http://www.ncert.nic.in/textbooks/testing/Index.htm

മുകളില്‍ കൊടുത്തിരിക്കുന്ന പേജ്‌ കണ്ടല്ലോ. അതില്‍ NATIONAL COUNCIL OF EDUCATIONAL RESEARCH AND TRAININGഎന്ന് എഴുതിയിരിക്കുന്നതിനു താഴെ Select class, Select subject, select Book എന്നിങ്ങനെ കാണുന്നുണ്ടല്ലോ. അതില്‍ ക്ളിക്ക്‌ ചെയ്ത്‌ ഏതാണ്‌ വേണ്ടതെന്നു വച്ചാല്‍ അത്‌ download ചെയ്യുക. contents കിട്ടിക്കഴിഞ്ഞാല്‍ chapters ല്‍ ക്ളിക്ക്‌ ചെയ്താല്‍ മതി. അങ്ങിനെ ഓരോ ചാപ്റ്ററും download ചെയ്യാം. പുസ്തകം മാറിയിട്ടുള്ള ക്ളാസ്സാണെങ്കില്‍ ഉദാ: (classX &class XII), ClaassX NEW, ClassXII NEW വേണം സെലെക്റ്റ്‌ ചെയ്യാന്‍.

ഉദാ: ആറാം ക്ളാസ്സിലെ Mathematics പുസ്തകം കിട്ടാന്‍ Select class എന്നതില്‍ ClassVI NEW സെലെക്റ്റ്‌ ചെയ്യുക. അതിനുശേഷം Select Subject ല്‍ Mathamatics സെലെക്റ്റ്‌ ചെയ്യുക. അതിനു ശേഷം Select Bookല്‍ Mathematics select ചെയ്യുക. അപ്പോള്‍ മാത്ത്‌ ബുക്കിണ്റ്റെ കവര്‍ പേജ്‌ വരും. അതില്‍ ക്ളിക്ക്‌ ചെയ്താല്‍ Contents page കിട്ടും. അതില്‍ CHAPTER1 ക്ളിക്ക്‌ ചെയ്താല്‍ ആദ്യ ചാപ്റ്ററായ KNOWING OUR NUMBERS] DOWNLOAD ചെയ്യാം. download ചെയ്തു കഴിഞ്ഞ്‌ സേവ്‌ ചെയ്യം..
internet explorer ല്‍ പറ്റിയില്ലെങ്കില്‍ firefox ല്‍ നോക്കുക.

സംശയം എന്തെങ്കിലുമുണ്ടെങ്കില്‍ ചോദിക്കാന്‍ മടിക്കണ്ട. >:D<

ഒമാനില്‍ മഴ

2007-03-21T21:29:00.000+05:30

ഒമാനില്‍ കഴിഞ്ഞ ഞായറാഴ്ച വലിയ മഴ പെയ്തു. ചില സ്ഥലങ്ങളില്‍ വലിയ ആലിപ്പഴം വീഴുകയും ചെയ്തു. പല വാഹനങ്ങളും കല്ലു വാരിയെറിഞ്ഞാലെന്ന പോലെ ചളുങ്ങി നാശമായി.

ഒരു വീടിണ്റ്റെ ടെറസ്സില്‍ കൂട്ടിയിട്ട ആലിപ്പഴം :-O

ഇതിനിടയ്ക്ക്‌ നമ്മുടെ ചില സുഹൃത്തുക്കള്‍ക്ക്‌ ഒരബദ്ധം പറ്റി. പതിവുപോലെ രാത്രിയില്‍ ഒന്നു മിനുങ്ങാനായി തങ്ങളുടെ സ്ഥിരം സങ്കേതത്തില്‍ എല്ലാവരും ഒത്തുകൂടിയതാണ്‌. സങ്കേതത്തിണ്റ്റെ ഉടമസ്ഥന്‍ ഇതിനിടയില്‍ എന്തോ ആവശ്യത്തിനു പുറത്തു പോയി. ചെറിയ കാറ്റുണ്ടായിരുന്നതുകൊണ്ട്‌ കതക്‌ അബദ്ധത്തില്‍ തൂറന്ന്‌ ആരും കാണണ്ട എന്നു കരുതി പുള്ളി വാതില്‍ പുറത്തുനിന്ന്‌ പൂട്ടിയിട്ടാണ്‌ പോയത്‌. മൂന്നു പേരാണ്‌ അകത്തുണ്ടായിരുന്നത്‌. കുറച്ചുകഴിഞ്ഞപ്പോള്‍ ആരോ shoot ചെയ്യുന്നതുപോലെ ഭയങ്കര ശബ്ദം. room ണ്റ്റെ roof ആസ്ബെസ്റ്റോസ്‌ ആയിരുന്നതുകൊണ്ട്‌ ആലിപ്പഴം വന്നു വീഴുമ്പോള്‍ ശരിക്കും ആരോ കുത്തിപ്പൊളിക്കുന്നതുപോലെയാണ്‌ തോന്നിയത്‌. മൂവരും പേടിച്ചു വിറച്ചു അലറി വിളിക്കാന്‍ തുടങ്ങി. ആരു കേള്‍ക്കാന്‍. network പോയതുകൊണ്ട്‌ ഫോണ്‍ ചെയ്യാനും പറ്റിയില്ല. അവസാനം വാതില്‍ ചവുട്ടി പൊളിക്കാന്‍ ശ്രമം തുടങ്ങി. എന്തായാലും അവസാനം ഉടമസ്ഥന്‍ എത്തി കതകു തുറന്നു കൊടുത്തു. ആകെ വെള്ളമയമായതു കൊണ്ട്‌ റൂമില്‍ കണ്ട വെള്ളം ഏതാണെന്നു പുള്ളിക്ക്‌ മനസ്സിലായില്ല. മഴവെള്ളമാണോ, അടിച്ച വെള്ളത്തിണ്റ്റെ ബാക്കിയാണൊ അതൊ വെപ്രാളത്തിനിടയില്‍ ആരെങ്കിലും .... :)

ഞങ്ങള്‍ പിറ്റേന്ന് വെറുതെ മഴയത്ത്‌ ഒന്നു കറങ്ങിയപ്പോള്‍ എടുത്ത ചില സ്നാപ്പുകള്‍.

See the writings on the hill

റസ്താക്കില്‍(ഒമാന്‍) ജിന്‍ ബാധ!!!

2007-02-24T22:04:00.000+05:30

ഒമാനിലെ റസ്താക്കില്‍ (previous capital of Oman) ഒരു വീട്ടില്‍ പ്രേതബാധ. ഒരാഴ്ചയായി ജിന്‍ തണ്റ്റെ കലാപരിപാടികള്‍ തുടങ്ങിയിട്ട്‌. രാത്രിയിലാണ്‌ പുള്ളി ഉഷാറാവുന്നത്‌(അല്ലെങ്കിലും ഏതെങ്കിലും ജിന്നോ പ്രേതമോ പകലിറങ്ങിയതായി കേട്ടിട്ടില്ലല്ലൊ). രാത്രിയായാല്‍ വല്ലാത്ത ഒരു ശബ്ദം (മനുഷ്യണ്റ്റെ) ആ വീട്ടില്‍ നിന്നും കേള്‍ക്കുന്നുവത്രേ.

കഥകള്‍ പലതും പ്രചരിച്ചുകഴിഞ്ഞു. ആ വീട്ടിലെ ഗൃഹനാഥന്‍ ഒരാഴ്ച മുന്‍പ്‌ മരണമടഞ്ഞു. മരിക്കുന്നതിനു മുന്‍പ്‌ അയാള്‍ പറഞ്ഞുവത്രേ 5 ദിവസം ( ഒരു മാസം എന്നും കേട്ടു) കഴിഞ്ഞേ ഒരു മുറി തുറക്കാവൂ എന്ന്‌. അതു കൂടാതെ ഒരു കുട്ടി ആ മുറി തുറന്നുവെന്നും ആ നിമിഷം തന്നെ ആ കുട്ടി മരിച്ചുവെന്നും അന്നു രാത്രി മുതലാണ്‌ ശബ്ദം കേള്‍ക്കാന്‍ തുടങ്ങിയതെന്നുമാണ്‌ ഒരു കഥ.

പോലിസ്‌ വീട്‌ വളഞ്ഞിരിക്കുകയാണ്‌. അകത്തു കയറി നോക്കാമെന്നു വച്ചാല്‍ ടോര്‍ച്ച്‌ കത്തുന്നില്ലത്രേ. പാവം പോലിസ്‌! എന്തായാലും ഒരു പട്ടണം മുഴുവന്‍ ഭീതിയില്‍ കഴിഞ്ഞു കൂടുകയാണ്‌.

യുക്തിവാദികള്‍ ആരെങ്കിലും കേള്‍ക്കുന്നുണ്ടോ...

Disclaimer
കേട്ടറിവു മാത്രമാണ്‌. ഞാന്‍ നേരിട്ട്‌ ഒന്നും കണ്ടിട്ടും കേട്ടിട്ടുമില്ല.

Update:

A video clipping for the same is posted here

Latest Update:
28/02/2007

That building was demolished by Royal Oman Police.

വാല്‍ കഷണം

പാമ്പുകള്‍ക്കു മാളമുണ്ട്‌...
പറവകള്‍ക്കാകാശമുണ്ട്‌...
പാവം ജിന്നുകള്‍ക്കു തല ചായ്ക്കാനിടമില്ല.....

കുറ്റമാരുടേത്‌

2007-02-18T22:05:00.000+05:30

അവന്‍ എണ്റ്റെ വീടിനടുത്തുള്ള കുട്ടിയായിരുന്നു. അച്ഛന്‍ Gulf ല്‍.അമ്മ,അനിയന്‍,മുത്തച്ഛന്‍,മുത്തശ്ശി എന്നിവരോടൊപ്പമായിരുന്നു അവന്‍ താമസിച്ചിരുന്നത്‌. 85-ം വയസ്സിലും തികഞ്ഞ അധ്വാനിയായിരുന്നു അവണ്റ്റെ മുത്തച്ഛന്‍. അമ്മ വീട്ടുകാര്യങ്ങളെല്ലാം കിറു ക്രൃത്യമായി നോക്കി നടത്തുന്ന വീട്ടമ്മയും. അച്ഛന്‍ വര്‍ഷത്തിലൊരിക്കല്‍ ഒരു മാസത്തെ അവധിക്ക്‌ നാട്ടില്‍ വരും. അയാള്‍ കോടികള്‍ സമ്പാദിച്ചിരുന്നു. കൂടാതെ ഏക്കറു കണക്കിന്‌ റബ്ബര്‍ തോട്ടം വേറെയും.

നാലാം ക്ളാസ്സില്‍ പഠിച്ചു കൊണ്ടിരുന്നപ്പോഴാണ്‌ അവന്‍ എണ്റ്റെ അടുത്ത്‌ math tuition നു വരാന്‍ തുടങ്ങിയത്‌. pass mark മാത്രം വാങ്ങുന്ന ഒരു കുട്ടിയായിരുന്നു. പക്ഷേ നല്ല അനുസരണ ശീലവും മുതിര്‍ന്ന ആളുകളോടു ബഹുമാനവും വിനയവും ഉണ്ടായിരുന്ന അവനെ ഒരിക്കലും പണത്തിണ്റ്റെ ഹുങ്കോ അഹങ്കാരമോ ബാധിച്ചിരുന്നില്ല. ക്രമേണ അവന്‍ പഠനത്തിലും മികവു കാട്ടിത്തുടങ്ങി. കണക്ക്‌ അവണ്റ്റെ ഇഷ്ട വിഷയമായി.പത്താം ക്ളാസ്സില്‍ 88 % mark വാങ്ങി അവന്‍ വിജയിച്ചു. പ്ളസ്സ്‌ വണ്ണിന്‌ അതേ schoolല്‍ തന്നെ ചേര്‍ന്നു. second term വരെ ഞാന്‍ അവന്‌ class എടുത്തിരുന്നു. പിന്നീട്‌ ഞാന്‍ ഇവിടേക്ക്‌ പോന്നു. എണ്റ്റെ വിലപിടിച്ച സ്വത്തുക്കളുടെ കൂട്ടത്തില്‍ അവനും ഉള്‍പ്പെട്ടിരുന്നു.

പിന്നീട്‌ നാട്ടില്‍ പോയപ്പൊള്‍ അവണ്റ്റെ അച്ഛനെയും അമ്മയേയും കണ്ടിരുന്നു. അവന്‍ പ്ളസ്സ്‌ ടൂ നല്ല മാര്‍ക്കോടെ പാസ്സായെന്നും ഇപ്പൊള്‍ Bangalore ല്‍ Engineering ന്‌ പഠിക്കുകയാണെന്നും പറഞ്ഞു. അവര്‍ വലിയ സന്തോഷത്തിലായിരുന്നു. അവന്‍ ഈ നിലയിലെത്താന്‍ കാരണം ഞാന്‍ ആണെന്നു അവര്‍ പറഞ്ഞു. എനിക്ക്‌ അഭിമാനവും സന്തോഷവും തോന്നി.

പക്ഷേ കഴിഞ്ഞ വര്‍ഷം നാട്ടില്‍ പോയപ്പോള്‍ അവന്‍ ഒരു drug addict ആയെന്നും മയക്കുമരുന്നിണ്റ്റെ അമിതമായ ഉപയോഗം അവനെ ഒരു ഭ്രാന്തനാക്കി മാറ്റിയെന്നും ഞാനറിഞ്ഞു. പഠനം പൂര്‍ത്തിയാക്കാതെ അവന്‍ തിരികെയെത്തി. പല treatmentകള്‍ നടത്തിയെങ്കിലും ഒന്നും അവണ്റ്റെ ഭ്രാന്തു മാറ്റിയില്ലത്രേ. വീട്ടില്‍ മുറിക്കുള്ളില്‍ അടച്ചിരുപ്പാണെന്ന്‌ പലരും പറഞ്ഞറിഞ്ഞു. നഷ്ടങ്ങളുടെ പട്ടികയില്‍ ഒന്നു കൂടി വന്നു ചേര്‍ന്നതായി എനിക്ക്‌ തോന്നി. തിരികെ വരുന്നതു വരെ ഒരു പ്രാര്‍ഥനയേ ഉണ്ടായിരുന്നുള്ളൂ -ഒരിക്കലും അവണ്റ്റെ മാതാപിതാക്കളെ കാണാനിടവരരുതേ എന്ന്‌.

പലരും പലരേയും കുറ്റപ്പെടുത്തുന്നത്‌ കേട്ടു. യഥാര്‍ഥത്തില്‍ ആരാണിവിടെ തെറ്റുകാര്‍? അച്ഛനോ, അമ്മയോ, കൂട്ടുകാരോ അതോ ഞാനും നിങ്ങളും ഉള്‍പ്പെടുന്ന സമൂഹമോ?-അറിയില്ലെനിക്ക്‌. അറിയാവുന്നത്‌ ഒന്നു മാത്രം-കുറ്റം ആരുടേതായാലും നഷ്ടം എല്ലാവരുടേതുമാണ്‌.

കോളകളിലെ കീടനാശിനിക്കുമപ്പുറം

2007-02-18T11:02:00.000+05:30

Did you ever think what happens to your body when you drink a cola?
Come on... Learn what happens to your body if you drink a coke right now?

Read Here

സൌഹൃദങ്ങളുടെ അര്‍ത്ഥം

2007-02-13T21:31:00.000+05:30

നമുക്ക്‌ നല്ല സൌഹൃദങ്ങള്‍ നഷ്ടപ്പെട്ടു കൊണ്ടിരുക്കുകയണോ? ഒരു പക്ഷേ നല്ല സൌഹൃദങ്ങള്‍ എന്ന പ്രയോഗം തന്നെ തെറ്റാണെന്നു ഞാന്‍ കരുതുന്നു. ഈ വാക്കു കേള്‍ക്കുബോള്‍ തന്നെ മനസ്സിനു ഉണ്ടാവുന്ന കുളിര്‍മ ഇന്ന്‌ എത്ര പേര്‍ അനുഭവിക്കുന്നുണ്ട്‌?
എണ്റ്റെ കലാലയ ജീവിതത്തില്‍ എനിക്ക്‌ അധികം സൌഹൃദങ്ങള്‍ ഉണ്ടായിരുന്നില്ല. എങ്കിലും ഉണ്ടായിരുന്നവ ആത്മാര്‍ത്ഥത ഉള്ളവയായിരുന്നു. ഞാന്‍ ഇവിടെ എത്തിയിട്ട്‌ 7 വര്‍ഷം കഴിഞ്ഞു. ഇത്രയും വര്‍ഷം ഞാന്‍ കണ്ട സൌഹൃദങ്ങളില്‍ ഒന്നുപോലും അങ്ങനെയുള്ളവയായിരുന്നില്ല. കാണുംബോള്‍ എന്താ സ്നേഹം. കണ്ണു നനഞ്ഞു പോകും. തിരിഞ്ഞിരുന്നു പാരയും. ഒരു തനി നാട്ടിന്‍പുറത്തു നിന്നും വന്നതുകൊണ്ടായിരിക്കും ഇപ്പോഴും ഞാന്‍ ഇതുമായി പൊരുത്തപ്പെട്ടിട്ടില്ല.

ഇതു പറയുബോള്‍ ഒരു കാര്യം പറായാതെ വയ്യ. ഇവിടെ പരദൂഷണത്തിണ്റ്റെ whole sale ഏറ്റെടുത്തിരിക്കുന്നത്‌ പുരുഷന്‍മരാണ്‌. സ്ത്രീകള്‍, പാവം retail കച്ചവടക്കരാണ്‌. ഇതു കൊണ്ട്‌ ഇവര്‍ എന്താണ്‌ നേടുന്നതെന്നു മനസ്സിലാവുന്നില്ല. ഒരുപക്ഷേ മാനസ്സികമായി അവര്‍ക്കു കിട്ടുന്ന ആനന്ദ്ം തന്നെയാവണം.

നല്ല ഭക്ഷണം മാത്രം കഴിച്ചു ശീലിച്ചവര്‍ക്ക്‌ മോശം ഭക്ഷണം കിട്ടിയാല്‍ എന്താ തോന്നുക? അതേ അവസ്ഥയിലാണു ഞാനിപ്പോള്‍.

വാല്‍ കഷണം

ചോദ്യം (സലിം കുമാറിനോട്‌): മനുഷ്യന്‌ പുഞ്ചിരിക്കാനുള്ള കഴിവില്ലായിരുന്നെങ്കില്‍ എന്തു സംഭവിക്കുമായിരുന്നു?
ഉത്തരം: ആരും വഞ്ചിക്കപ്പെടില്ലായിരുന്നു.

തുടക്കം

2007-02-12T21:13:00.000+05:30

ഞാന്‍ അടുത്തയിടെയണ്‌ മലയാളം blog കള്‍ ഉണ്ടെന്നറിഞ്ഞത്‌.ചില അക്ഷരങ്ങള്‍ എഴുതാന്‍ അറിയില്ല. പഠിച്ചു വരുന്നു.Fire foxല്‍ ചില അക്ഷരങ്ങള്‍ വ്യത്യസ്ഥമായാണ്‌ കാണുന്നത്‌. കൂടുതല്‍ ബ്ളൊഗുകള്‍ വായിക്കേണ്ടിയിരിക്കുന്നു.

പേരിലെന്തിരിക്കുന്നു

2007-02-10T23:56:00.000+05:30

ആദ്യം അവിയല്‍ എന്ന പേരിടാമെന്നു കരുതി. നോക്കിയപ്പോള്‍ ഏതോ പഹയന്‍ നേരത്തെ അത്‌ അടിച്ചുമാറ്റിയിരിക്കുന്നു. പിന്നെ വിചാരിച്ചു മതിലുകളില്ലാതെ എന്നിടാമെന്ന്‌.